قىسقى وليمپيادا ويىندارىنا 10 كۇن قالدى...

سۋرەت: قر تۋريزم جانە سپورت مينيسترلىگىنەن الىندى.

يتاليادا وتەتىن 2026 جىلعى قىسقى وليمپيادا ويىندارىنىڭ اشىلۋىنا 10 كۇن قالدى!

ءتورت جىلدىقتىڭ باستى دوداسىندا قازاقستان رەسپۋبليكاسىنىڭ ۇلتتىق قۇراماسى سپورتتىڭ 10 ءتۇرى بويىنشا باق سىنايدى. ەل نامىسىن بارلىعى 36 سپورتشى قورعايدى. ونىڭ ىشىندە 18 ەر جانە 18 ايەل سپورتشى بار.

ۇلتتىق قۇرامانىڭ ورتاشا جاسى – 25 جاس. كوماندا ساپىنداعى ەڭ جاس سپورتشى – فريستايل-اكروباتيكادان سىنعا تۇسەتىن اسان اسىلحان، ول نەبارى 16 جاستا. ال ەڭ تاجىريبەلى ءارى جاسى ۇلكەن سپورتشى – شورت-ترەكتەن ەل نامىسىن قورعايتىن ابزال اجگاليەۆ، جاسى 33-تە.

قۇراماداعى ەڭ تاجىريبەلى سپورتشىلاردىڭ ءبىرى – فريستايل-موگۋل شەبەرى يۋليا گالىشەۆا. ول 2018 جىلعى وليمپيادا ويىندارىنىڭ قولا جۇلدەگەرى، سونداي-اق 2010, 2014, 2018 جانە 2022 جىلدارداعى وليمپيادا ويىندارىنىڭ قاتىسۋشىسى.

ايتا كەتەيىك، قىسقى وليمپيا ويىندارى 2026 جىلعى 6–22 اقپان ارالىعىندا يتاليادا وتەدى. ءدۇبىرلى دوداعا الەمنىڭ 93 ەلىنەن 3 500-دەن استام سپورتشى قاتىسادى دەپ جوسپارلانعان.