اقان، ءبىرجانداردى ايتپاعاندا، قازاق ونەرىنىڭ كەيىنگى تاريحىندا 100 ءان ايتامىن دەپ تاۋەكەلگە بارعان – قۇرمانبەك جانداربەكوۆ قانا. 1925 ءساۋىر ايىندا عاني مۇراتباەۆ دۇنيەدەن ءوتىپ، ماۋسىم ايىنىڭ باسىندا وعان ەسكەرتكىش قويۋعا شەشىم شىعادى. عانيدىڭ ەسكەرتكىشىنە قارجى جيناۋ ماقساتىندا "قۇرمانبەك جانداربەكوۆ 101 ءان ايتادى" دەپ جارناما جاسالىپ، وعان ايتاتىن اندەردىڭ تىزىمىنە دەيىن جازىلادى (ول كەزدەردە كونتسەرتتەردەن تۇسەتىن قارجى ۇكىمەتكە وتكىزىلىپ، يگىلىكتى ىستەرگە جۇمسالاتىن). كونتسەرتتە قۇرمانبەك جانداربەكوۆ 68 ءان ايتادى...

بەس كونتسەرتتىڭ رەپەرتۋارىن ءبىر دەممەن ءبىر مەزەتتە ايتىپ شىعۋعا كەز-كەلگەن ءانشىنىڭ ءبىرى بارا بەرمەيدى. ء"ان ايتاسىڭ، جانىڭدى جەپ ايتاسىڭ" دەگەندەي، ءار ءان ايتقان سايىن ءبىر توبەلەسكە كىرگەندەي بولاسىڭ...

مىنە، بيىل قۇرمانبەكتىڭ 101 ءان ايتۋ وقيعاسىنا تۋرا 101 جىل ءوتىپتى.

وسىدان تۋرا ەكى جارىم جىل بۇرىن (12.11.2024) سەمەيلىك ءانشى، قر مادەنيەت سالاسىنىڭ ۇزدىگى كايرات كابىشەۆ قۇرمانبەك جانداربەكوۆتىڭ ىزىمەن GUINNESS WORLD RECORD'S كىتابىنا ەنۋ ءۇشىن 100 ءان ايتۋعا تاۋەكەل ەتىپ، سونىڭ الدىنداعى جولداما كونتسەرتىن بەرمەك بولىپ ەدى. بىراق بەلگىسىز سەبەپتەرمەن كەيىنگە قالدىرىلعان بولاتىن.

قۇرمەتتى اعايىن، وسى تاريحي وقيعانى قايتا جاڭعىرتاتىن ۋاقىت 10.06.2026 كۇنگە بەلگىلەنىپتى. بۇل ەلىمىزدەگى مادەني-تاريحي وقيعا. ەندىگى دۇرەندەتىپ، دۇرىلدەتىپ، قايراتتىڭ اتى اتالىپ، بۇكىل جۇرتتىڭ قۇلاعى سەمەي جاققا ءتۇرىلىپ، جۋرناليستەر جارىسا جازىپ، ۇلكەندەر باتاسىن بەرىپ جاتۋ كەرەك ەدى. بىراق...

وبلىستىق مادەنيەت باسقارماسى بۇل وقيعانى تاسپاعا باسىپ، رەسپۋبليكا بويىنشا الەۋمەتتىك جەلىدەن تىكەلەي كورسەتىلىم جاساۋعا مۇمكىندىك جاساسا دەيمىز.

قايراتقا قايرات قوسىپ، دەمەۋ جاساپ، ءانىن تىڭداپ، تاريحي وقيعانىڭ كۋاسى بولامىن دەسەڭىزدەر، 10 ماۋسىم كۇنى ساعات 10:00-دە ءا. قاشاۋباەۆ اتىنداعى مەملەكەتتىك فيلارمونيا زالىندا وتەتىن ءاننىڭ الامانىنا كەلىڭىزدەر!

قايرەكە، داۋىسىڭ داۋىلداپ، ءۇنىڭ ۇدەپ، كومەيىڭە كۇمىس قوڭىراۋ ءىلىنسىن! قۇداي جار بولسىن!

ەركىن شۇكىمان

Abai.kz