بۇۇ قازاقستاننىڭ «قازاقستان بالالارى» ۇلتتىق باعدارلاماسىن (2026-2030) قابىلداعانىن ماقۇلدادى. بۇل باعدارلاما بالالاردىڭ ءال-اۋقاتىن ارتتىرۋعا، بالالاردى قورعاۋ جۇيەسىن نىعايتۋعا جانە ءاربىر بالا ءۇشىن تەڭ مۇمكىندىكتەردى قامتاماسىز ەتۋگە باعىتتالعان كەشەندى ستراتەگيا بولىپ تابىلادى.

بۇۇ-نىڭ بالالارعا قاتىستى زورلىق-زومبىلىققا قارسى ارنايى وكىلى (SRSG) قازاقستاننىڭ شەشىمدى كوشباسشىلىعى مەن ءاربىر بالاعا ناقتى قامقورلىق كورسەتۋدى كوزدەيتىن بۇل باستاماسىن جوعارى باعالادى. حالىقارالىق ۇيىمنىڭ پىكىرىنشە، باعدارلاما تەك قازاقستان ءۇشىن عانا ەمەس، كوپتەگەن باسقا ەلدەرگە دە ۇلگى بولا الادى.

بالالاردىڭ ءال-اۋقاتى مەن قۇقىقتارىن قورعاۋ – قوعامنىڭ باستى كورسەتكىشى. قازاقستان قابىلداعان ۇلتتىق باعدارلاما وسى ماقساتتاردى ناقتى ءىس-قيمىلدار ارقىلى جۇزەگە اسىرۋعا مۇمكىندىك بەرەدى، - دەلىنگەن بۇۇ وكىلىنىڭ حابارلاماسىندا.

باعدارلاما اياسىندا بالالاردىڭ ءبىلىم الۋ، دەنساۋلىق ساقتاۋ، الەۋمەتتىك قورعاۋ، قاۋىپسىزدىك جانە تەڭ مۇمكىندىكتەرگە قول جەتكىزۋ سالالارى قامتىلعان. سونىمەن قاتار، باعدارلامانى ىسكە اسىرۋ كەزىندە بارلىق وڭىرلەردە بالالاردىڭ مۇددەسى ءبىرىنشى ورىنعا قويىلادى.

Abai.kz