جىل باسىنان بەرى التىن باعاسى 10 864,24 تەڭگەگە وسكەن. 

ساۋدا دەرەكتەرىنە سايكەس، التىن مەن كۇمىس باعاسى تاريحتاعى ەڭ جوعارى دەڭگەيگە جەتتى.

29 قاڭتار تاڭعى ساعات 08:20-داعى جاعداي بويىنشا نيۋ-يوركتەگى Comex بيرجاسىندا التىننىڭ ءساۋىر ايىنا ارنالعان فيۋچەرسىنىڭ باعاسى الدىڭعىمەن سالىستىرعاندا 4% نەمەسە 212,4 دوللارعا ءوستى. ال ءبىر تروي ۋنتسياسى 5 516 دوللار بولدى. ساۋدا بارىسىندا التىن باعاسى بىر ۋنتسيا ءۇشىن 5 584,3 دوللارعا دەيىن كوتەرىلىپ، تاريحي رەكورد ورناتتى.

ايتا كەتەيىك، 28 قاڭتاردا التىننىڭ بيرجالىق قۇنى تاريحتا العاش رەت ءبىر تروي ۋنتسياسى ءۇشىن 5,2 مىڭ دوللار مەجەسىنەن استى. وسى ۋاقىتتا كۇمىستىڭ باعاسى دا 4% قىمباتتاپ، ءبىر ۋنتسياسى ءۇشىن 118,08 دوللارعا جەتتى. بىرنەشە كۇن بۇرىن باعالار 109,32 دوللارعا وسكەن ەدى.

قازاقستان ۇلتتىق بانكى دەرەگىنە سايكەس، 28 قاڭتارداعى جاعداي بويىنشا قازاقستاندا 1 گرامم التىننىڭ باعاسى 82 164,45 تەڭگە بولدى.

Abai.kz