بەلگىسىز جەلى قولدانۋشىلارى فەيسبۋك الەۋمەتتىك جەلىسىندە حالقىمىزدىڭ بىرەگەي تۇلعاسى، ايتۋلى اقىن مۇحتار شاحانوۆتىڭ جالعان پاراقشاسىنان «مەملەكەتتىك ءتىل ءۇشىن ولۋگە دە، سوتتالۋعا دا بولادى» دەگەن ءماتىندى پايدالانا وتىرىپ، فەيك اقپاراتتار تاراتۋدا.

وسى ماسەلەنىڭ انىق-قانىعىن ءبىلۋ ءۇشىن جۋرناليست ارمان اۋباكىر اقىننىڭ وزىمەن تىكەلەي سۇحباتتاسقان. سۇحبات بارىسىندا مۇحتار شاحانوۆ ءوزىنىڭ اتىنان تاراعان اقپاراتتىڭ جالعان ەكەنىن مالىمدەپ، الەۋمەتتىك جەلى پايدالانبايتىنىن جەتكىزدى.

قازاق ءتىلىنىڭ مەملەكەتتىك ءتىل رەتىندە قالىپتاسۋىنا زور ۇلەس قوسقان اقىن، قوعام قايراتكەرى مۇحتار شاحانوۆتىڭ اتىن جامىلىپ جالعان اقپارات تاراتۋشىلار ەل اعاسىنىڭ بەدەلىن پايدالانىپ، جاسىنا قاراماستان، ەشتەڭەدەن تايىنباي ساياسي تاپسىرىسپەن ارانداتۋشىلىق ارەكەتتەر جاساۋدا.

مۇنداي فەيك اقپاراتتاردىڭ نەگىزگى ماقساتى قوعامعا جىك سالۋ، جۇرتشىلىقتى ءبىر-بىرىنە قارسى قويۋ ەكەنى انىق.

ايتا كەتەيىك، قاساقانا جالعان اقپارات تاراتقانى ءۇشىن ەلىمىزدىڭ زاڭناماسىندا جاۋاپكەرشىلىك قاراستىرىلعان. ياعني، شىندىقتى بۇرمالاپ جاريالاعاندار مەن كورىنەۋ جالعان اقپارات تاراتقان ازاماتتار اكىمشىلىك نەمەسە قىلمىستىق جاۋاپكەرشىلىككە تارتىلۋى مۇمكىن.

Abai.kz