قازاقستاندا مەملەكەتتىك باقىلاۋ اياسىندا شامامەن 10 مىڭ ونەركاسىپتىك كاسىپورىن جانە 200 مىڭنان استام قاۋىپتى وندىرىستىك وبەكت تىركەلگەن. بۇل تۋرالى قر توتەنشە جاعدايلار ءمينيسترىنىڭ ورىنباسارى ەربولات سادىرباەۆ حابارلادى.

— قاۋىپتى وندىرىستىك وبەكتىلەردىڭ ەڭ كوپ سانى مۇناي-گاز ءوندىرۋ سالاسىندا — 71 158. كوتەرگىش قۇرىلعىلار — 26 014, مۇنايحيميا جانە مۇناي وڭدەۋ — 20 468, تاۋ-كەن ونەركاسىبى — 18 407, قازاندىق شارۋاشىلىعى — 17 484 نىسان، — دەدى ەربولات سادىرباەۆ ورتالىق كوممۋنيكاتسيالار قىزمەتىندەگى ءباسپاسوز ءماسليحاتىندا.

ۆيتسە-ءمينيستردىڭ ايتۋىنشا، ارنايى كوميتەت پەن اۋماقتىق بولىمشەلەر 11 مەملەكەتتىك قىزمەت كورسەتەدى. 2025 جىلى بارلىعى 11 685 مەملەكەتتىك قىزمەت كورسەتىلگەن.

— سوڭعى ءۇش جىلدا قاۋىپتى وبەكتىلەردە 67 اپات تىركەلدى. ەڭ كوپ اپات تاۋ-كەن سالاسىندا — 10, مۇناي-گاز وندىرۋدە — 14, گاز شارۋاشىلىقتارىندا — 10, كوتەرگىش قۇرىلعىلاردا — 11 بولدى. بۇل ونەركاسىپتىك قاۋىپسىزدىكتى جۇيەلى باقىلاۋدىڭ ماڭىزدى ەكەنىن كورسەتەدى، — دەدى ول.

Abai.kz