اقپاراتتىق اگەنتتىك جۇرگىزگەن ساۋالناما بارىسىندا زاڭ بۇزۋشىلىق انىقتالدى
ورال قالاسىنىڭ اكىمشىلىك قۇقىق بۇزۋشىلىق ىستەر جونىندەگى مامانداندىرىلعان سوتى «جۋرناليستسكايا ينيتسياتيۆا» جشس-نە قاتىستى اقبتك-ءنىڭ 120-بابىنىڭ 3-بولىگىمەن (قازاقستان رەسپۋبليكاسىنىڭ سايلاۋ زاڭناماسىنىڭ تالاپتارىن ساقتاماي، قوعامدىق پىكىرگە ساۋالناما جۇرگىزۋ) ءىستى قارادى.
2026 جىلعى 11 اقپاندا «ۋرالسكايا نەدەليا» («جۋرناليستىك باستاما») باسىلىمىنىڭ Telegram-ارناسىندا 2026 جىلعى 15 ناۋرىزعا بەلگىلەنگەن قازاقستان رەسپۋبليكاسىنىڭ جاڭا كونستيتۋتسياسىنىڭ جوباسى بويىنشا رەفەرەندۋم وتكىزۋگە قاتىستى قوعامدىق پىكىر ساۋالناماسى جاريالاندى.
ءىستىڭ ءمان-جايى كەلەسىدەي. 2026 جىلعى 11 اقپاندا «ۋرالسكايا نەدەليا» «جۋرناليستسكايا ينيتسياتيۆا»جشس) Telegram-ارناسىندا 2026 جىلعى 15 ناۋرىزعا جوسپارلانعان قازاقستان رەسپۋبليكاسىنىڭ جاڭا كونستيتۋتسياسىنىڭ جوباسى بويىنشا رەفەرەندۋم وتكىزۋگە قاتىستى قوعامدىق پىكىر ساۋالناماسى جاريالاندى.
«قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭنىڭ 28-بابىنىڭ 9-تارماعىنا سايكەس قوعامدىق پىكىرگە ساۋالناما جۇرگىزۋدە كەمىندە 5 جىل جۇمىس ءوتىلى بار زاڭدى تۇلعالار ءتيىستى قۇجاتتاردىڭ كوشىرمەلەرىن قوسا بەرە وتىرىپ، ورتالىق سايلاۋ كوميسسياسىن الدىن الا جازباشا حاباردار ەتكەن جاعدايدا، قوعامدىق پىكىرگە ساۋالناما جۇرگىزۋگە قۇقىلى.
سايلاۋعا بايلانىستى قوعامدىق پىكىرگە ساۋالناما جۇرگىزۋ تالاپتارىن بۇزۋ قازاقستان رەسپۋبليكاسىنىڭ زاڭدارىندا بەلگىلەنگەن اكىمشىلىك جانە وزگە دە جاۋاپكەرشىلىككە اكەپ سوعادى.
بۇل تالاپتار رەفەرەندۋمدى دايىنداۋ جانە وتكىزۋ كەزىندە اشىقتىقتى، سەنىمدىلىكتى جانە تەڭ جاعدايدى قامتاماسىز ەتۋگە، سونداي-اق ازاماتتاردىڭ سايلاۋ قۇقىقتارىن قورعاۋعا باعىتتالعان.
سوت ساۋالنامانىڭ جاريالانۋى زاڭ تالاپتارىنا ساي ەمەس دەپ تاپتى. جشس-نىڭ كىناسى ءىس ماتەريالدارىمەن، ونىڭ ىشىندە اكىمشىلىك ءىس قوزعاۋ تۋرالى قاۋلىمەن جانە جاريالانعان باسىلىمنىڭ سكرينشوتتارىمەن راستالادى.
سوت شەشىمى: اقبتك-ءنىڭ 120-بابىنىڭ 3-بولىگى بويىنشا ايىپپۇل سالۋ زاڭدى تۇلعالارعا 30 اەك مولشەرىندە اكىمشىلىك ايىپپۇل سالۋعا اكەپ سوعادى.
سوت قاۋلىسىمەن «جۋرناليستسكايا ينيتسياتيۆا» جشس قر اقبتك-ءنىڭ 120-بابىنىڭ 3-بولىگىندە كوزدەلگەن اكىمشىلىك قۇقىق بۇزۋشىلىقتى جاساعانى ءۇشىن كىنالى دەپ تانىلىپ، وعان 129 750 تەڭگە (30 اەك) ايىپپۇل سالىندى. شەشىم ءالى زاڭدى كۇشىنە ەنگەن جوق.
Abai.kz
