الماتى وبلىسىنداعى داۋىس بەرۋ ۋچاسكەلەرىنىڭ بىرىندە سايلاۋشىلاردىڭ نازارىن ەرەكشە قوناق اۋداردى. ءوڭىر تۇرعىنى دارىن اداي رەفەرەندۋمعا ءوزىنىڭ «دوسىمەن» – قازاقتىڭ ۇلتتىق كيىمىن كيگەن شاعىن روبوتپەن بىرگە كەلدى.

ەرەكشە سەرىك جينالعانداردىڭ بىردەن قىزىعۋشىلىعىن تۋدىردى. روبوت يەسىن ۋچاسكە ىشىندە جانىندا ءجۇرىپ، بىرگە ىلەسىپ وتىردى. كوپتەگەن سايلاۋشىلار قىزىعۋشىلىقپەن جاقىنداپ، روبوتتى تاماشالاپ، ونىمەن بىرگە سۋرەتكە ءتۇستى.

دارىن ادايدىڭ ايتۋىنشا، روبوت ەڭ الدىمەن زاماناۋي تەحنولوگيالاردى كورسەتۋ جانە ادامدارعا جاقسى كوڭىل كۇي سىيلاۋ ماقساتىندا جاسالعان.

– مەن رەفەرەندۋمعا ونىمەن بىرگە كەلۋدى شەشتىم. ماقساتىم - اتموسفەرانى ءسال وزگەشە ەتىپ، تەحنولوگيالاردىڭ ءبىزدىڭ كۇندەلىكتى ءومىرىمىزدىڭ ءبىر بولىگى بولا الاتىنىن كورسەتۋ. ادامدارعا قىزىق، كوپشىلىگى كۇلىمدەپ، جاقىنداپ كورىپ جاتىر، – دەدى ول.

ەرەكشە «قاتىسۋشىنىڭ» پايدا بولۋى وسى ۋچاسكەدەگى كۇننىڭ ەڭ ەستە قالارلىق ساتتەرىنىڭ بىرىنە اينالىپ، داۋىس بەرۋ بارىسىنا جاعىمدى كوڭىل كۇي سىيلادى.

Abai.kz