ۇشاقتا ۇلتتىق اسپاپتاردى، سونىڭ ىشىندە دومبىرانى قول جۇگىنە قوسىپ الۋعا رۇقسات بەرىلۋى مۇمكىن، دەپ حابارلايدى Ulysmedia.kz.

بۇل تۋرالى كولىك ۆيتسە-ءمينيسترى تالعات لاستاەۆ مالىمدەدى.

- شىن مانىندە، ءدال وسى ناقتى ماسەلەگە قاتىستى جۇمىس جۇرگىزىلىپ جاتىر. ازاماتتىق اۆياتسيا كوميتەتىنىڭ الدىندا مۋزىكالىق اسپاپتاردى، ونىڭ ىشىندە دومبىرانى تاسىمالداۋ ءتارتىبىن زاڭنامالىق تۇرعىدا رەتتەۋ مىندەتى تۇر. مەنىڭ ويىمشا، جاقىن ۋاقىتتا جولاۋشىلاردى، جۇك پەن باگاجدى تاسىمالداۋ قاعيدالارىنا ءتيىستى وزگەرىستەر ەنگىزەمىز. بۇل جولاۋشىلارعا مۋزىكالىق اسپاپتى قالاي تاسىمالداۋ كەرەكتىگىن جانە وسى كەزدە قانداي ءراسىم قولدانىلۋعا ءتيىس ەكەنىن وتە ناقتى، تۇسىنىكتى تۇردە ايقىنداپ بەرەدى، – دەيدى شەنەۋنىك.

لاستاەۆتىڭ سوزىنشە، بۇل ماسەلەگە قاتىستى ءبىر ايدىڭ ىشىندە شەشىم قابىلدانادى.

بۇعان دەيىن

ەسكە سالايىق، بۇعان دەيىن FlyArystan اۋە كومپانياسى ءانشى ماقپال ءجۇنىسوۆانى دومبىراسىمەن بىرگە ۇشاققا كىرگىزبەي قويعان بولاتىن. ونەر يەسى دومبىراعا ارنالعان قوسىمشا ورىننىڭ باعاسى 59 مىڭ تەڭگە بولعانىن ايتىپ، شاعىمدانعان.

Abai.kz