ەلوردا تورىندەگى «اسپان» سپورت كەشەنىندە 21 جاسقا دەيىنگى جاستار اراسىندا سۋردو فۋتزالدان قازاقستان رەسپۋبليكاسىنىڭ چەمپيوناتى باستاۋ الدى. ەرەكشە قاجەتتىلىكتەرى بار سپورتشىلار اراسىنداعى بۇل دودا ەلىمىزدەگى ينكليۋزيۆتى سپورتتىڭ دامۋىنا سەرپىن بەرمەك.

سپورت — تەك جەڭىس پەن ماراپات ەمەس، ول — رۋحتىڭ مىقتىلىعى مەن شەكسىز مۇمكىندىكتىڭ كورىنىسى. الداعى جەكسەنبىدە استانا قالاسى جاس تالانتتار مەن ناعىز قايسار سپورتشىلاردىڭ باس قوساتىن ورتالىعىنا اينالادى.

سۋرەت: شارا ۇيىمداستىرۋشىلارىنان الىندى.

جارىس گەوگرافياسى جانە قاتىسۋشىلار

ءدۇبىرلى دوداعا ەلىمىزدىڭ تۇكپىر-تۇكپىرىنەن ەڭ ۇزدىك كوماندالار جينالدى. اتاپ ايتقاندا:

مەگاپوليستەر: استانا، شىمكەنت، الماتى قالالارى;

وبلىستار: جامبىل، قوستاناي، اباي، سولتۇستىك قازاقستان جانە قىزىلوردا وبلىستارى.

بۇل تۋرنير 21 جاسقا دەيىنگى جاستار ءۇشىن ۇلكەن سپورتقا جولداما الىپ قانا قويماي، ۇلتتىق قۇراما ساپىنا ىرىكتەلۋگە دە مۇمكىندىك بەرەدى.

چەمپيوناتتىڭ اشىلۋ سالتاناتى 19 ءساۋىر كۇنى ساعات 12:00-دە «اسپان» سپورت كەشەنىندە (ە-697 كوشەسى، 5-عيمارات) ءوتتى.

سۋرەت: شارا ۇيىمداستىرۋشىلارىنان الىندى.

«مۇنداي جارىستاردىڭ ماقساتى — ەرەكشە جاستاردىڭ سپورتقا دەگەن قۇشتارلىعىن ارتتىرۋ جانە ولاردىڭ قوعامعا بەيىمدەلۋىنە جاعداي جاساۋ. ءاربىر ماتچ — ۇلكەن ەڭبەك پەن ءتوزىمنىڭ ناتيجەسى»، — دەيدى ۇيىمداستىرۋشىلار.

بىرىنشىدەن بۇل بىزدە ەستۋ قابىلەتى زاقىمدانعان سپورتشىلار اراسىندا 21 جاسقا دەيىنگى جاستار اراسىندا فۋتزالدان قازاقستان رەسپۋبليكاسىنىڭ چەمپيوناتى ۇزدىك ونەر كورسەتكەن سپورتشىلار سۋردو فۋتزالدان قازاقستان كومانداسىنىڭ قاتارىنا ىرىكتەلەدى.

سۋرەت: شارا ۇيىمداستىرۋشىلارىنان الىندى.

وسىلايشا بايراقتى دوداعا قىزىلوردا،سولتۇتسىك قازاقستان وبلىستارى مەن استانا، الماتى، شىمكەنت قۇرامالارى قاتىسۋدا. جارىس 18-24 دەيىنگى ارالىقتا وتەدى. ەسكەرتۋ: قازىرگى ۋاقىتتا قۇراما ءسوزى الىپ تاستالدى، ونىڭ ورنىنا كوماندا ءسوزى قولدانىلادى.

بارشا ەلوردالىقتار مەن قالا قوناقتارىن جاس سپورتشىلارعا قولداۋ كورسەتۋگە شاقىرامىز. رۋحى بيىك جاستاردىڭ دوداسىنان قالىس قالماڭىزدار!

Abai.kz