Елорда төріндегі «Аспан» спорт кешенінде 21 жасқа дейінгі жастар арасында сурдо футзалдан Қазақстан Республикасының чемпионаты бастау алды. Ерекше қажеттіліктері бар спортшылар арасындағы бұл дода еліміздегі инклюзивті спорттың дамуына серпін бермек.

Спорт — тек жеңіс пен марапат емес, ол — рухтың мықтылығы мен шексіз мүмкіндіктің көрінісі. Алдағы жексенбіде Астана қаласы жас таланттар мен нағыз қайсар спортшылардың бас қосатын орталығына айналады.

Сурет: Шара ұйымдастырушыларынан алынды.

Жарыс географиясы және қатысушылар

Дүбірлі додаға еліміздің түкпір-түкпірінен ең үздік командалар жиналды. Атап айтқанда:

Мегаполистер: Астана, Шымкент, Алматы қалалары;

Облыстар: Жамбыл, Қостанай, Абай, Солтүстік Қазақстан және Қызылорда облыстары.

Бұл турнир 21 жасқа дейінгі жастар үшін үлкен спортқа жолдама алып қана қоймай, ұлттық құрама сапына іріктелуге де мүмкіндік береді.

Чемпионаттың ашылу салтанаты 19 сәуір күні сағат 12:00-де «Аспан» спорт кешенінде (Е-697 көшесі, 5-ғимарат) өтті.

Сурет: Шара ұйымдастырушыларынан алынды.

«Мұндай жарыстардың мақсаты — ерекше жастардың спортқа деген құштарлығын арттыру және олардың қоғамға бейімделуіне жағдай жасау. Әрбір матч — үлкен еңбек пен төзімнің нәтижесі», — дейді ұйымдастырушылар.

Біріншіден бұл бізде есту қабілеті зақымданған спортшылар арасында 21 жасқа дейінгі жастар арасында футзалдан Қазақстан Республикасының чемпионаты үздік өнер көрсеткен спортшылар сурдо футзалдан Қазақстан командасының қатарына іріктеледі.

Сурет: Шара ұйымдастырушыларынан алынды.

Осылайша байрақты додаға Қызылорда,Солтүтсік Қазақстан облыстары мен Астана, Алматы, Шымкент құрамалары қатысуда. Жарыс 18-24 дейінгі аралықта өтеді. Ескерту: қазіргі уақытта Құрама сөзі алып тасталды, оның орнына команда сөзі қолданылады.

Барша елордалықтар мен қала қонақтарын жас спортшыларға қолдау көрсетуге шақырамыз. Рухы биік жастардың додасынан қалыс қалмаңыздар!

Abai.kz