رەسەي مايدان شەبىنە مىڭداعان ارتيللەريا جۇيەسىن ءتىزىپ قويعانىمەن، ۋكراينا ەندى زەڭبىرەكتىڭ ءوزىن ەمەس، سوعان جان ءبىتىرىپ تۇرعان وق-ءدارى كەرۋەنىن نىساناعا الىپ جاتىر.

ماسكەۋدىڭ سوعىس ماشيناسى ءالى دە ارتيللەرياعا سۇيەنەدى. اۋەلى جەردى جانىشتايدى، سوسىن جاياۋ اسكەردى جىلجىتادى. بىراق سول وتتىڭ ارتىندا كۇن سايىن تاسىلاتىن مىڭداعان سنارياد بار. ۋكراينا ءدال سول تامىردى قيىپ جاتىر. كاماز بەن «ۋرالعا» تيەلگەن وق-ءدارى جول ۇستىندە جارىلىپ جاتقاندا، العى شەپتەگى زەڭبىرەكتىڭ ءۇنى وشەدى.

ماسەلەنىڭ ءتۇيىنى دە وسىندا. گاۋبيتسانى تابۋ قيىن. ول جاسىرىنادى، ورنىن اۋىستىرادى، توردىڭ استىنا تىعىلادى. ال وق-ءدارى تاسىعان كولىك جولمەن جۇرەدى. باعىتى بەلگىلى. قاشۋى قيىن. ءبىر درون جەتەدى. ءبىر سوققى – ءبىر جۇك كولىگى عانا ەمەس، بىرنەشە ارتيللەريا جۇيەسىنىڭ تىنىسىن تارىلتادى.

سوعىس كەيدە وكوپتا ەمەس، لوگيستيكادا شەشىلەدى. ۋكراينا سونى ءتۇسىندى. رەسەيدىڭ وت كۇشى كوپ بولعانىمەن، وعان جانارماي مەن سنارياد جەتپەسە، زەڭبىرەك تەمىر ۇيىندىسىنە اينالادى.

Abai.kz