8-10 مامىر ارالىعىندا استانادا دزيۋدودان Qazaqstan Barysy Grand Slam حالىقارالىق ءتۋرنيرى وتەدى.

Qazaqstan Barysy Grand Slam تۋرنيرىندە سپورتشىلار 2028 جىلى لوس-اندجەلەستە وتەتىن جازعى وليمپيادا ويىندارىنا جولداما الۋعا مۇمكىندىك بەرەتىن ماڭىزدى ۇپايلار جينايدى. تۋرنير قورىتىندىسى بويىنشا IJF ەرەجەلەرىنە سايكەس، جەڭىمپازدار مەن جۇلدەگەرلەرگە الەمدىك جانە وليمپيادالىق رەيتينگكە ۇپايلار بەرىلەدى. اتاپ ايتقاندا، ءبىرىنشى ورىن العان سپورتشىعا – 1000 ۇپاي، ەكىنشى ورىنعا – 700 ۇپاي، ال ءۇشىنشى ورىنعا – 500 ۇپاي جازىلادى.

Grand Slam ءتۋرنيرى جاقسىلىق ۇشكەمپىروۆ اتىنداعى جەكپە-جەك سارايىندا وتەدى.

جارىسقا وليمپيادا ويىندارىنىڭ، الەم جانە قۇرلىق چەمپيوناتتارىنىڭ جۇلدەگەرلەرى مەن جەڭىمپازدارى قاتىسادى دەپ كۇتىلىپ وتىر. ايتا كەتسەك، قازاقستان دزيۋدو فەدەراتسياسى مەن حالىقارالىق دزيۋدو فەدەراتسياسىنىڭ (IJF) 2023 جىلى قول قويعان ەكىجاقتى كەلىسىمشارتىنا سايكەس، قازاقستان الەمدىك Grand Slam جارىسىن 2026 جىلعا دەيىن قابىلدايدى.

سونداي-اق 2027 جىلى استانا قالاسىندا دزيۋدودان الەم چەمپيوناتى وتەدى.

Abai.kz