گرۋزيادا 18 جاستاعى قازاقستاندىق ەسىرتكى ءىسى بويىنشا ۇستالدى. بۇل تۋرالى گرۋزيانىڭ ىشكى ىستەر مينيسترلىگى حابارلادى. ىشكى ىستەر ورگانى قازاقستاندىق ازاماتتىڭ ەسىرتكى ءىسى بويىنشا ۇستالعانىن راستادى.

ۆەدومستۆونىڭ مالىمەتىنشە، يمەرەتي ايماعىنداعى پوليتسيا دەپارتامەنتىنىڭ قىزمەتكەرلەرى ۋكراينا جانە قازاقستان ازاماتتارىن – 2008 جىلى تۋعان ك.ك. مەن ا.د.-نى ءىرى جانە اسا ءىرى كولەمدە ەسىرتكى زاتتارىن زاڭسىز ساتىپ الۋ، ساقتاۋ جانە ونى تاراتۋعا جاردەمدەسۋ كۇدىگىمەن ۇستاعان.

كۇدىكتىلەر ءارتۇرلى ۋاقىتتا قولعا تۇسكەن.

تەرگەۋ بارىسىندا جۇرگىزىلگەن ءتىنتۋ جانە تەرگەۋ ەكسپەريمەنتى كەزىندە كورسەتىلگەن ورىنداردان ءىرى كولەمدە مەتادون تاركىلەنگەن. سونىمەن قاتار ەسىرتكىنى قاپتاۋعا ارنالعان ماتەريالدار دا تابىلىپ، ايعاق رەتىندە الىنعان.

"قىلمىستىق ءىس گرۋزيا قىلمىستىق كودەكسىنىڭ 260 جانە 260 پريما باپتارى بويىنشا تەرگەلىپ جاتىر. بۇل باپتار 20 جىلعا دەيىن نەمەسە ءومىر بويىنا باس بوستاندىعىنان ايىرۋ جازاسىن قاراستىرادى", – دەپ حابارلادى ىشكى ىستەر مينيسترلىگى.

دەرەككوزى: inbusiness.kz

Abai.kz