الەۋمەتتىك جەلىدە جەلتوقسان وقيعاسىنا قاتىسۋشىلاردى تىلدەپ، قورلاعان ۆيولەتتا پارشينا دەگەننىڭ ۇستىنەن قىلمىستىق ءىس قوزعالدى!

انىق-قانىعى بىلاي:

Threads الەۋمەتتىك جەلىسىندە جاريالانعان جەلتوقسان وقيعاسى قاتىسۋشىلارىنىڭ سۋرەتىنىڭ استىنا ۆيولەتتا پارشينا ەسىمدى تۇرعىن اۋزىنا كەلگەنىن كوكىپ، بەيادەپ، بالاعات سوزدەر جازعان. انىقتاپ ايتقاندا: «ماس، اقىماق، اۋىلباي، وڭباعان-مامبەتتەر» (پيانىە، تۋپورىلىە، اۋلنىە، ۋبليۋدكي-مامبەتى) دەپ جازعان.

پارشينانىڭ بۇل جازباسى قازاقستان ازاماتتارىنىڭ اشۋىن تۋدىردى. ال الماتى پوليتسياسى پارشينانى تەرگەۋگە شاقىرىپ، ۇستىنەن ءىس قوزعالعانىن حابارلادى.

«اتالعان فاكتى بويىنشا قىلمىستىق ءىس قوزعالدى. پ. ەسىمدى ازاماتشا انىقتالىپ، پوليتسياعا جەتكىزىلدى. قازىرگى ۋاقىتتا ونىڭ ءىس-ارەكەتىنە قازاقستان رەسپۋبليكاسىنىڭ قولدانىستاعى زاڭناماسىنا سايكەس قۇقىقتىق باعا بەرىلىپ جاتىر»، - دەدى پد ءباسپاسوز قىزمەتى.

سۋرەت: الەۋمەتتىك جەلى سكرينى.

«ۇلت نامىسىنا تيەتىن مۇنداي ارەكەتتەر مۇلدە قابىلدانبايدى جانە ولارعا قاتاڭ قۇقىقتىق باعا بەرىلەدى. الەۋمەتتىك مارتەبەسىنە، جاعدايىنا قاراماستان، ۇلتارالىق جانجال تۋدىرۋعا باعىتتالعان كەز كەلگەن ارانداتۋشى ءىس-ارەكەت زاڭمەن جازالانادى»، – دەدى الماتى قالاسى پوليتسيا دەپارتامەنتىنىڭ ءباسپاسوز قىزمەتى.

الماتى پوليتسياسى سونىمەن قاتار ۇلتارالىق تاتۋلىققا سىنا قاعىپ، قوعامدا ارانداتۋشىلىق تۋدىراتىن ارەكەتتەردى قاتاڭ تۇردە توقتاتاتىنىن ەسكەرتتى.

Abai.kz