2026 جىلعى ءساۋىر ايىندا قازاقستان رەسپۋبليكاسىنىڭ پرەزيدەنتى جانىنداعى قازاقستان ستراتەگيالىق زەرتتەۋلەر ينستيتۋتىنىڭ تاپسىرىسى بويىنشا جۇرگىزىلگەن الەۋمەتتانۋلىق زەرتتەۋ ناتيجەلەرى قازاقستاندىقتاردىڭ باسىم بولىگى ەلدىڭ قازىرگى دامۋ باعىتىن وڭ باعالايتىنىن كورسەتتى. اتاپ ايتقاندا، ساۋالناماعا قاتىسقانداردىڭ 84,4%-ى ەلىمىز دۇرىس باعىتتا دامىپ كەلەدى دەپ ەسەپتەيدى.

اۋماقتىق ءبولىنىس ءارتۇرلى ەلدى مەكەن تۇرعىندارىنىڭ باعالاۋلارىندا جوعارى دەڭگەيدەگى ۇيلەسىمدىلىكتى كورسەتەدى. قالا تۇرعىندارىنىڭ اراسىندا رەسپوندەنتتەردىڭ 84%-ى ەلدىڭ دامۋ باعىتىن وڭ باعالاسا، اۋىل تۇرعىندارى اراسىندا بۇل كورسەتكىش ءسال جوعارى – 85,2%-دى قۇرايدى. بۇل تۇرعىلىقتى جەرىنە قاراماستان، ازاماتتاردىڭ قازىرگى باعىتتى قابىلداۋى ۇقساس ەكەنىن كورسەتەدى.

گەندەر تۇرعىسىنان تالداۋ ەرلەر مەن ايەلدەردىڭ دە جوعارى دەڭگەيدە وڭ باعا بەرەتىنىن كورسەتەدى. سونىمەن قاتار، ايەلدەر اراسىندا بۇل كورسەتكىش ءبىرشاما جوعارى – 86,2%-دى قۇرادى، بۇل ەرلەر اراسىنداعى كورسەتكىشتەن 4,3%-عا ارتىق.

جاس ەرەكشەلىگى تۇرعىسىنان ەڭ جوعارى قولداۋ دەڭگەيى جاستار اراسىندا تىركەلدى – 89,3%. بۇل جاستاردىڭ قازىرگى ساياسي باعىتتى اناعۇرلىم وڭ قابىلدايتىنىن كورسەتەدى.

ساتىپ الۋ قابىلەتى ارتقان سايىن وڭ باعالار دا ايتارلىقتاي وسەتىنى بايقالادى. وزدەرىنىڭ ەكونوميكالىق جاعدايىنىڭ جاقسارعانىن سەزىنەتىن رەسپوندەنتتەر بۇل ىلگەرىلەۋدى قازىرگى ساياسي باعىتپەن بايلانىستىرۋعا بەيىم.

جالپى العاندا، زەرتتەۋ ناتيجەلەرى قازاقستاندىقتاردىڭ ساياسي باعىتقا بەرگەن باعاسى نەگىزىنەن وڭ سيپاتقا يە ەكەنىن جانە حالىقتىڭ نەگىزگى الەۋمەتتىك-دەموگرافيالىق ەرەكشەلىكتەرىنە قاراماستان جوعارى دەڭگەيدە ساقتالاتىنىن كورسەتەدى.

*الەۋمەتتىك ساۋالناما قسزي تاپسىرىسى بويىنشا 2026 جىلعى 10 ءساۋىر مەن 10 مامىر ارالىعىندا جۇرگىزىلدى. ىرىكتەۋ جيىنتىعىنىڭ كولەمى – 8 000 رەسپوندەنت. ساۋالناماعا 17 وبلىس پەن رەسپۋبليكالىق ماڭىزى بار 3 قالالار – استانا، الماتى جانە شىمكەنت قالالارىنان 18 جاستان اسقان رەسپوندەنتتەر قاتىستى.

Abai.kz