تسيفرلىق قولجەتىمدىلىك تۋرالى دۇنيەجۇزىلىك اقپاراتتاندىرۋ كۇنىنە وراي Yandex Qazaqstan كومپانياسى كورۋ، ەستۋ، سويلەۋ جانە قيمىل-قوزعالىس ەرەكشەلىكتەرى بار ادامدارعا بەيىمدەلگەن 17 سەرۆيسىنىڭ مۇمكىندىكتەرى تۋرالى مالىمدەدى. كومپانيا ارنايى جوبانى ىسكە قوستى. وندا سەرۆيستەردى پايدالانۋدىڭ ءتۇرلى ستسەناريلەرىن — مارشرۋت قۇرۋ مەن تاكسيگە تاپسىرىس بەرۋدەن باستاپ كىتاپ وقۋ مەن فيلم كورۋگە دەيىن — ءبىر جەرگە جيناقتادى.

Yandex Qazaqstan سەرۆيستەرى پايدالانۋشىلارعا كۇندەلىكتى ومىردەگى ءتۇرلى مىندەتتەردى شەشۋگە كومەكتەسەدى. مىسالى، تاكسيدەگى ارنايى وپتسيالار ارقىلى جولاۋشىلار كولىكتى تابۋعا كومەك سۇراي الادى، مۇگەدەكتەر ارباسىمەن بولاتىنىن نەمەسە ساپارعا قاتىستى وزگە دە ەرەكشەلىكتەردى الدىن الا كورسەتە الادى. بۇل مۇمكىندىكتەردى پايدالانۋشىلار 1,5 ميلليوننان استام رەت قولدانعان. ال ياندەكس اڭگىمە  سەرۆيسى سويلەۋدى ماتىنگە اينالدىرىپ، حابارلاما ارقىلى قارىم-قاتىناس جاساۋعا مۇمكىندىك بەرەدى — ءبىر جىلدىڭ ىشىندە سەرۆيس كومەگىمەن 31 مىڭنان استام سويلەسۋ جۇزەگە اسقان. سونىمەن قاتار قازاقستانداعى ياندەكس براۋزەر قولدانۋشىلارىنىڭ جارتىسى كەم دەگەندە ءبىر قولجەتىمدىلىك باپتاۋىن قوسادى.

كومپانيا ينكليۋزيۆتى شەشىمدەردى جۇيەلى تۇردە دامىتىپ كەلەدى. ماسەلەن، جاڭارتۋلاردى قولجەتىمدىلىك ستاندارتتارىنا سايكەستىگى تۇرعىسىنان تەكسەرىپ، ءتۇرلى ەرەكشەلىگى بار ادامدارمەن بىرگە تەستىلەۋدەن وتكىزەدى. مۇنداي ءتاسىل پايدالانۋشىلاردىڭ ناقتى قاجەتتىلىكتەرىن ەسكەرەتىن تەحنولوگيالار جاساۋعا مۇمكىندىك بەرەدى. كەيبىر شەشىمدەر ۋاقىت وتە كەلە باستاپقىدا جوسپارلانعاننان دا كەڭ قولدانىسقا يە بولا باستاعان.

كولىك جانە موبيلدىلىك

ياندەكس Go سەرۆيسىندە دەنساۋلىق ەرەكشەلىگى بار پايدالانۋشىلار تاكسيگە تاپسىرىس بەرۋ كەزىندە ارنايى وپتسيالاردى تاڭداي الادى: «كولىكتى تابۋعا كومەكتەسىڭىز»، «تەك ءماتىن ارقىلى سويلەسەمىن»، «مۇگەدەكتەر ارباسىمەن بولامىن»، «سويلەمەيمىن، بىراق ەستيمىن». جۇرگىزۋشى جولاۋشىنى قالاي قارسى الىپ، قانداي كومەك كورسەتۋ كەرەكتىگى جونىندە نۇسقاۋلىقتى الدىن الا الادى. 2023 جىلى ىسكە قوسىلعان ساتتەن بەرى تاكسيدەگى ارنايى مۇمكىندىكتەردى 124 مىڭ بىرەگەي پايدالانۋشى قولدانىپ، ولار 1,5 ميلليوننان استام ساپار جاساعان.

تاكسي سەرۆيسى ەستۋ قابىلەتى بۇزىلعان جۇرگىزۋشىلەرگە دە بەيىمدەلگەن: دىبىستىق حابارلامانىڭ ورنىنا جارىق سيگنالى بەرىلەدى، ال جولاۋشى ساپار ەرەكشەلىكتەرى تۋرالى الدىن الا حابارلاما الادى. سەرۆيس دەرەكتەرىنە سايكەس، 2025 جىلى قازاقستاندا ياندەكس Go پلاتفورماسىمەن ەستۋ قابىلەتى بۇزىلعان 1525 جۇرگىزۋشى سەرىكتەس رەتىندە جۇمىس ىستەيدى. ولار اي سايىن 150 مىڭنان استام ساپار ورىندايدى.

قولجەتىمدى قالا

ياندەكس كارتالار مارشرۋتتى الدىن الا ىڭعايلى جوسپارلاۋعا كومەكتەسەدى. قازاقستاننىڭ 2400-دەن استام ەلدى مەكەنىندەگى 80 مىڭ ۇيىمنىڭ كارتوچكاسىندا پاندۋس، ليفت، اۆتوماتتى ەسىك سەكىلدى قولجەتىمدىلىك تۋرالى مالىمەتتەر كورسەتىلگەن. الماتى مەن استانادا جاياۋ باعىت قۇرۋ كەزىندە الگوريتمدەر 4500-دەن استام باسپالداق پەن پاندۋس تۋرالى دەرەكتەردى ەسكەرىپ، ەڭ قولايلى جولدى ۇسىنادى. بۇل مۇمكىندىك قيمىل-قوزعالىسى شەكتەۋلى ادامدارعا عانا ەمەس، اربامەن جۇرەتىن اتا-انالارعا دا پايدالى.

اقپاراتقا قولجەتىمدىلىك جانە بايلانىس

بۇگىندە كومپانيانىڭ 16 سەرۆيسى ەكراندىق قولجەتىمدىلىك باعدارلامالارىمەن جۇمىس ىستەۋدى قولدايدى. ولاردىڭ قاتارىندا ياندەكس Go, كارتالار، اليسا AI, براۋزەر، كينوپويسك، ياندەكس كىتاپتار جانە باسقا دا سەرۆيستەر بار. مۇنداي باعدارلامالار ەكرانداعى اقپاراتتى داۋىستاپ وقىپ، كورۋ قابىلەتى بۇزىلعان پايدالانۋشىلارعا ينتەرفەيستى دىبىس ارقىلى قابىلداۋعا كومەكتەسەدى.

كەيبىر سەرۆيستەردە قوسىمشا مۇمكىندىكتەر دە قاراستىرىلعان. مىسالى، ياندەكس براۋزەردەگى نەيروجەلى ەكراندىق قولجەتىمدىلىك باعدارلامالارى ءۇشىن سۋرەتتەردىڭ سيپاتتاماسىن اۆتوماتتى تۇردە جاساي الادى، ۆەب-پاراقتارداعى ءماتىندى داۋىستاپ وقيدى جانە كومپيۋتەر ارقىلى سايتتارداعى ۆيدەولاردى قاراۋ كەزىندە سۋبتيترلەردى اۆتوماتتى تۇردە قالىپتاستىرادى.

اليسا كورۋ، سويلەۋ جانە قيمىل-قوزعالىس ەرەكشەلىكتەرى بار ادامدارعا اقپارات ىزدەۋ، اقىلدى ءۇيدى باسقارۋ، مۋزىكا مەن اۋديوكىتاپتاردى قوسۋ سەكىلدى كۇندەلىكتى مىندەتتەردى داۋىس ارقىلى ورىنداۋعا كومەكتەسەدى. تەحنولوگيا سويلەۋ ەرەكشەلىگى بار پايدالانۋشىلاردىڭ سۇرانىستارىن، سونىڭ ىشىندە كەكەشتەنەتىن، تسەرەبرالدى سال اۋرۋىنا شالدىققان، ينسۋلت نەمەسە جاراقات سالدارى بار ادامداردىڭ ءسوزىن تاني الادى. سويلەۋدى تانۋ مودەلىن وقىتۋعا 300-دەن استام ادام قاتىسقان.

ياندەكس رازگوۆور سەرۆيسى ەستۋ ەرەكشەلىگى بار ادامدارعا ەستيتىن ادامدارمەن ەركىن قارىم-قاتىناس جاساۋعا مۇمكىندىك بەرەدى. ءبىر جىل ىشىندە قوسىمشانى 2,5 مىڭنان استام ادام پايدالانىپ، 31 مىڭنان استام سويلەسۋ باستاعان. قوسىمشا سويلەۋدى ماتىنگە اينالدىرىپ، تەرىلگەن حابارلامالاردى داۋىستاپ وقيدى. سەرۆيس قازاق جانە ورىس تىلدەرىندە قولجەتىمدى.

ويىن-ساۋىق سەرۆيستەرى

كينوپويسك پلاتفورماسىندا 50-دەن استام فيلم مەن سەريال تيفلوكوممەنتاريلەرمەن ۇسىنىلعان. بۇل — كورۋ قابىلەتى بۇزىلعان ادامدارعا ارنالعان، ەكرانداعى ارەكەتتەردى، ميميكانى جانە قورشاعان ورتانى دىبىستاپ سيپاتتايتىن اۋديوسۇيەمەلدەۋ. بۇدان بولەك، شامامەن 80 جوبا ساڭىراۋ جانە ناشار ەستيتىن كورەرمەندەرگە ارنالعان SDH-سۋبتيترلەرمەن جابدىقتالعان. ولار ديالوگتاردى عانا ەمەس، كىمنىڭ سويلەپ تۇرعانىن، قانداي دىبىس نەمەسە مۋزىكا ەستىلىپ تۇرعانىن دا كورسەتەدى.

ال ياندەكس كىتاپتار سەرۆيسىندە اۋديونۇسقاسى جوق 120 مىڭ كىتاپتى ۆيرتۋالدى ديكتوردىڭ كومەگىمەن تىڭداۋعا بولادى.

Abai.kz