سۋرەت: gov.kz سايتىنان الىندى.

بەلسەندى دەمالىستى ۇناتاتىندار ءۇشىن ونداعان الاڭ مەن جارىس ۇيىمداستىرىلعان.

ەڭ قىزىقتى سايىستاردىڭ ءبىرى – الىپ دجەنگا ويىنى. قاتىسۋشىلار كول جاعاسىندا ەڭ بيىك مۇنارا تۇرعىزۋ بويىنشا باق سىنايدى.

سونداي-اق باعدارلامادا جارقىن تۇستەرگە تولى ياركو-كروسس، ماس-رەستلينگ، سەرگەي تسىرۋلنيكوۆتىڭ ينتەراكتيۆتى كۇش شوۋى، اشىق سۋدا جاپپاي ءجۇزۋ جارىسى، جاعاجاي ۆولەيبولى جانە باسقا دا كوپتەگەن شارالار بار.

ۇيىمداستىرۋشىلار زاماناۋي تەحنولوگيالاردى دا نازاردان تىس قالدىرماعان. فەستيۆال اۋماعىندا جاساندى ينتەللەكتتىڭ ينتەراكتيۆتى ايماعى جۇمىس ىستەيدى. مۇندا قوناقتار روبوت-قاقپاشىمەن ويناپ، ءوز مۇمكىندىكتەرىن سىناي الادى.

گاسترونوميالىق توسىنسىيلار دا از بولمايدى. فەستيۆال اياسىندا ەڭ ۇلكەن قازىبۋرگەر دايىنداپ، قازاقستان رەكوردىن ورناتۋعا تىرىسادى.

بۇدان بولەك، فەستيۆال اۋماعىندا فۋدكورتتار، قولونەرشىلەر جارمەڭكەسى، اشىق اسپان استىنداعى كينوتەاتر، وتباسىلىق دەمالىس ايماقتارى، شىعارماشىلىق الاڭدار مەن كوبىك كەشتەرى ۇيىمداستىرىلادى. ساحنادا قازاقستاندىق تانىمال ونەرپازدار Miras Zhugunussov, AYAU, Bellucci, Domino, نۇرلان مەن مۇرات جانە Qazaq Band ونەر كورسەتەدى.

بالالار ءۇشىن انيماتورلار مەن تانىمال «ماشا مەن ايۋ» ءمۋلتفيلمىنىڭ كەيىپكەرلەرى قاتىساتىن ارنايى باعدارلاما ازىرلەنگەن.

بالقاش تۇرعىندارى مەن قالا قوناقتارىنىڭ قولايلىعى ءۇشىن فەستيۆال كۇندەرى جاستار گۇلزارىنان Tour Fest اۋماعىنا دەيىن تەگىن اۆتوبۋس باعىتتارى ۇيىمداستىرىلدى. اۆتوبۋستار ساعات 10:00-دەن 23:00-گە دەيىن قاتىنايدى

Abai.kz