ءۇنسىز ۇرپاق (1928–1945)

ەرەجەگە باعىنىپ، باس يمەي، ءۇن-ءتۇنسىز ءجۇرىپ-اق ەلدى اياعىنان تىك تۇرعىزعان ۇرپاق. ءبىزدىڭ قوعامدا بۇل ءسوتسياليزمنىڭ (قوعامدىق مەنشىك باسىم جۇيەنىڭ) نەگىزىن قالاعان، «پارتيا ايتتى، ءبىتتى، ول حاق» دەگەن ۇعىممەن وسكەن جاندار. ەڭبەكتى ءدىن ىسپەتتى قاسيەتتى ساناپ، تابىنادى.

بەبي-بۋمەرلەر (Baby Boomers) (1946–1964)

ءومىردى كەڭ اۋقىمدا ءسۇرىپ، مۇمكىندىك تۋسا، ءبارىن يەلەنىپ، ال قازىر سول قول جەتكىزگەن مۇمكىندىكتەرىن قورعاپ وتىراتىن ۇرپاق. كوممۋنيستىك قوعامنىڭ (مەملەكەت ءبارىن باسقاراتىن جۇيەنىڭ) گۇلدەنگەن داۋىرىندە جاستىق شاعىن وتكىزىپ، كەيىننەن بىردەن نارىقتىق ەكونوميكانىڭ (ەركىن نارىقتىڭ) يىرىمىنە لاقتىرىلعان جاندار. «ءبىزدىڭ ۋاقىتىمىزدا…» دەپ باستالاتىن سويلەمدەردىڭ يەلەرى.

ح ۇرپاعى (Gen X) (1965–1980)

ەشكىمگە وڭايلىقپەن سەنبەيدى، كوپ شاعىمدانبايدى، بىراق بۇكىل جۇيەنى ءۇنسىز عانا باسقارىپ وتىرعاندار. سوتسياليزمنەن دەموكراتياعا ءوتۋ كەزەڭىندەگى (جۇيەنىڭ كۇرت وزگەرۋى) بۇكىل سوققى مەن قيىندىقتى ءوز يىعىمەن كوتەرگەن ۇرپاق. كوشە ساۋداسىنان باستاپ، بيزنەستىڭ ءيسىن العاش سەزگەندەر.

ميللەنيالدار (Millennials) (1981–1996)

ءومىردىڭ ءمانىن ىزدەپ، ارمانىنىڭ سوڭىنان ەرىپ، اقىرىندا burnout ء(تان مەن جاننىڭ زورىعۋى، سارقىلۋى) كۇيىنە تۇسسە دە، «ءبارى جاقسى» دەپ جىميا الاتىن ۇرپاق. 90-جىلدارداعى داعدارىستى، تالون جۇيەسىن، كەيىننەن ينتەرنەتتىڭ العاشقى تولقىنىن كورگەندەر. «اشتىقتى دا، ءوسۋدى دە باستان وتكەرگەن» ۇرپاق.

Z ۇرپاعى (Gen Z) (1997–2012)

بارىنە كۇمانمەن قاراپ سۇراق قوياتىن، ەشتەڭەگە وڭايلىقپەن سەنبەيتىن، بىراق بۇكىل دۇنيەنى تىم تەرەڭ سەزىنەتىن ۇرپاق. Facebook, YouTube, TikTok جەلىلەرىمەن وسكەن العاشقى تولىقتاي ديدجيتال (تسيفرلىق) ۇرپاق. ءبىر نارسە بولسا، «Google-دان ىزدەي سالايىن» دەۋ بۇلاردىڭ رەفلەكسى.

الفا ۇرپاعى (Gen Alpha) (2013–2025)

قولىنا iPad ۇستاپ تۋعانداي كورىنەتىن، YouTube ارقىلى تاربيەلەنىپ جاتقان، بولاشاعى بەيمالىم، بىراق بالكىم، ەڭ قۋاتتى ۇرپاق. جاساندى ينتەللەكت (AI), قىسقا كونتەنتتەر (short-form content) مەن سەنسورلى ەكرانمەن (touch screen) بىرگە ءوسىپ كەلە جاتقان بالالار. اتا-اناسىنان بۇرىن الگوريتمدەرگە كوبىرەك سەنۋى مۇمكىن ۇرپاق.

امانتاي تويشىبايۇلى

Abai.kz