قاسىم-جومارت توقاەۆ استانادا ءوتىپ جاتقان جاساندى ينتەللەكت بويىنشا ءىىى حالىقارالىق وليمپيادانىڭ اشىلۋ سالتاناتىندا ءسوز سويلەدى.

پرەزيدەنت سوزىندە ەلىمىز تسيفرلىق دامۋ تۇرعىسىنان ستراتەگيالىق تاڭداۋ جاساعانىنا توقتالدى.

– قازاقستان بىرىككەن ۇلتتار ۇيىمىنىڭ ەلەكتروندى ۇكىمەتتى دامىتۋ يندەكسىندە 193 مەملەكەتتىڭ اراسىنان 24-ورىن الادى. جاڭا تەحنولوگيالاردى ەنگىزۋگە ازىرلىك دەڭگەيى بويىنشا ەلىمىز ورتالىق ازيادا كوش باستاپ تۇر. ءبىز بىرىڭعاي يننوۆاتسيالىق ەكوجۇيە قۇرىپ جاتىرمىز. مۇندا جاساندى ينتەللەكت مەملەكەتتى، ەكونوميكانى، بيزنەستى باسقارۋدىڭ ماڭىزدى تەتىگى رەتىندە قوعام ءومىرىنىڭ بارلىق سالاسىنا دەندەپ ەنەدى. بىلتىرعى جولداۋىمدا الداعى ءۇش جىل ىشىندە قازاقستاندى تولىق تسيفرلىق مەملەكەتكە اينالدىرۋ بويىنشا ناقتى مىندەت جۇكتەدىم. 2026 جىلدى تسيفرلاندىرۋ جانە جاساندى ينتەللەكت جىلى دەپ جاريالاۋ دا – وسى ستراتەگيالىق باعداردى جۇزەگە اسىرۋعا باعىتتالعان قادام. بۇدان بولەك، يننوۆاتسياعا يەك ارتاتىن ەل دامۋىنىڭ نەگىزگى باعىتتارى 1 شىلدەدە كۇشىنە ەنگەن قازاقستاننىڭ جاڭا كونستيتۋتسياسىندا انىق كورسەتىلگەن. بۇل – بارلىق ۇدەرىستىڭ باسى عانا، – دەدى مەملەكەت باسشىسى.

Abai.kz