الماتىنىڭ ناۋرىزباي اۋدانىندا بيىل «حالىق قاتىساتىن بيۋدجەت» باعدارلاماسى اياسىندا جايلى ءارى زاماناۋي قالالىق ورتا قالىپتاستىرۋعا باعىتتالعان 35 جوبا جۇزەگە اسىرىلۋدا. ولار قوعامدىق كەڭىستىك پەن بالالار ويىن الاڭىن سالۋدى، سىرتقى جارىقتاندىرۋ مەن تروتۋار ورناتۋدى، جۇرگىنشى ايماقتارىن كورىكتەندىرۋدى، تىك كوگالداندىرۋدى، جەرۇستى جۇرگىنشى وتكەلدەرىن كوگالداندىرۋدى جانە اۆتوماتتى سۋارۋ جۇيەسىن ورناتۋدى قامتيدى.

اياقتالعان جوبانىڭ ءبىرى – ايتماتوۆ كوشەسىندەگى بالالار ويىن الاڭى. جۇمىس بارىسىندا ەسكى ويىن قۇرىلىمدارى مەن قورشاۋ الىنىپ، جاڭا نەگىز دايىندالدى، اسفالتبەتون جابىنى توسەلدى، زاماناۋي شاعىن ساۋلەت نىساندارى مەن قاۋىپسىز تارتان جابىنى ورناتىلدى. ناتيجەسىندە تۇرعىندار بالالاردىڭ بەلسەندى دەمالىسىنا ارنالعان زاماناۋي ءارى قاۋىپسىز كەڭىستىككە يە بولدى.

كورىكتەندىرۋ جۇمىستارىنىڭ تاعى ءبىر باعىتى – اباي جانە الاتاۋ داڭعىلى بويىنداعى تىك كوگالداندىرۋ. مۇندا اۆتوماتتى سۋارۋ جۇيەسىمەن جابدىقتالعان تىك كوگالداندىرۋدىڭ 768 قۇرىلىمى ورناتىلىپ، شىرايگۇل مەن پەلارگونيا سەكىلدى ساندىك گۇلدەر ەگىلدى.

سونىمەن قاتار اباي داڭعىلى بويىنداعى جەرۇستى جۇرگىنشىلەر وتكەلىن كوگالداندىرۋ جۇمىسى جالعاسۋدا. جوبا اياسىندا گۇل قۇمىرالارىن، ساندىك مودۋلدىك كونسترۋكتسيالاردى جانە شامامەن 17,5 مىڭ گۇل ەگىلگەن تىك كوگالداندىرۋ جۇيەسىن ورناتۋ كوزدەلگەن. بۇگىندە اباي داڭعىلى بويىندا، اباي داڭعىلى مەن ءاشىموۆ كوشەسىنىڭ جولايرىعىندا جانە داۋلەتكەرەي كوشەسىندە گۇل قۇمىرالارى مەن ساندىك كونسترۋكتسيالاردى ورناتۋ جۇمىسى اياقتالدى. سونداي-اق جەرۇستى جۇرگىنشى وتكەلىندەگى تىك كوگالداندىرۋدىڭ مودۋلدىك جۇيەسى تولىق ورناتىلدى.

«حالىق قاتىساتىن بيۋدجەت» باعدارلاماسى اياسىنداعى جوبالاردى ىسكە اسىرۋ قالالىق ورتانى كەشەندى دامىتۋعا، كورىكتەندىرۋ دەڭگەيىن ارتتىرۋعا جانە ناۋرىزباي اۋدانى تۇرعىندارى ءۇشىن جايلى قوعامدىق كەڭىستىك قالىپتاستىرۋعا ىقپال ەتەدى.

Abai.kz