بۇگىن ورتالىق سايلاۋ كوميسسياسىنىڭ وتىرىسىندا سايلاۋ كوميسسيالارىنىڭ مۇشەلەرى مەن سايلاۋ پروتسەسىنىڭ باسقا دا قاتىسۋشىلارىن وقىتۋ باعىتىندا جۇرگىزگەن جۇمىسى تۋرالى باياندالدى.

وسك حاتشىسى شاۆحات وتەمىسوۆتىڭ ايتۋىنشا, قۇرىلتاي دەپۋتاتتارىن سايلاۋعا دايىندىق اياسىندا ورتالىق سايلاۋ كوميسسياسى سايلاۋ پروتسەسىنە قاتىسۋشىلاردى كاسكادتىق وقىتۋدىڭ كوپ دەڭگەيلى جۇيەسىن قالىپتاستىرعان.

«ايماقتىق جانە ۋچاسكەلىك سايلاۋ كوميسسيالارىنىڭ 71 مىڭنان استام مۇشەسىنىڭ قاتىسۋىمەن 7 مىڭنان استام وقىتۋسەمينارى وتكىزىلدى. باعدارلاما تەوريالىق جانە پراكتيكالىق دايىندىقتى, ونىڭ ىشىندە داۋىس بەرۋ كۇنى ورىن الۋى مۇمكىن ناقتى جاعدايلاردى تالداۋدى قامتىدى. الىنعان ءبىلىمدى جانە كوميسسيالاردىڭ دايىندىعىن باعالاۋ وسك مۇشەلەرىنىڭ وڭىرلەرگە جۇمىس ساپارلارى بارىسىندا جۇرگىزىلدى» - دەدى ورتالىق سايلاۋ كوميسسياسىنىڭ حاتشىسى.

وقىتۋ «ترەنەر ترەنەردى وقىتادى» قاعيداتى بويىنشا وفلاين جانە ونلاين فورماتتاردا جۇرگىزىلدى. وڭىرلەر ءۇشىن وقۋ-ادىستەمەلىك كەشەن مەن انيماتسيالىق وقىتۋ ءفيلمى ازىرلەنىپ, جولداندى. اتالعان ماتەريالدار وقۋ پروتسەسىندە پايدالانىلۋدا.

سايلاۋ پروتسەسىنىڭ باسقا دا قاتىسۋشىلارىن وقىتۋ ماڭىزدى باعىتتاردىڭ ءبىرى بولدى. بۇل وقىتۋعا 23 مىڭنان استام ادامقامتىلدى. ولاردىڭ قاتارىندا ساياسي پارتيالاردىڭ, اككرەديتتەلگەن قوعامدىق بىرلەستىكتەر مەن كوممەرتسيالىق ەمەس ۇيىمداردىڭ وكىلدەرى, سونداي-اق بۇقارالىق اقپارات قۇرالدارىنىڭ وكىلدەرى بار.

Abai.kz