كەڭەس وكىمەتىنىڭ كەراۋىز يدەياسىنان كەيىن يدەولوگيا دەگەن ءسوزدى اۋىزعا الۋدان قاشاتىن بولىپ الدىق. مۇمكىن، بۇل دا ءجون شىعار. بىراق، ءوز الدىنا ەگەمەن ەل بولامىن دەگەن مەملەكەت ۇلتتىق يدەيادان باس تارتپاۋ كەرەك ەدى. 

حح-شى عاسىردىڭ سۇڭعىلا ساياساتكەرلەرىنىڭ ءبىرى ۋينستون چەرچيل: «ۇلىبريتانيانىڭ جاۋى دا جوق، دوسى دا جوق، ۇلتتىق مۇددەسى عانا بار» دەگەن. ۇلتتىق مۇددەسى جوق ەلدىڭ ۇلتتىق مەملەكەت تە جوق دەگەن ءسوز بۇل. 
قازاقتا ۇلتتىق يدەيا بار ما؟ بار، ارينە. ونىڭ ەڭ بىرىنشىسى، اتا-بابامىزدىڭ قانى مەن تەرىنىڭ ارقاسىندا امان قالعان ۇلان-اسىر ۇلتتىق تەرريتوريامىزدىڭ تۇتاستىعىن ساقتاۋ. ەكىنشىسى، سول كەڭىستىكتە ءومىر ءسۇرىپ جاتقان وزىندىك ءداستۇر-سالتى، ادەت-عۇرپى بار جۇرتىمىزدى جاھاندانۋدان ساقتاپ قالىپ، ونىڭ شىن مانىندەگى ۇلتتىق تاۋەلسىزدىگىن قامتاماسىز ەتۋ. 
قازا بەرسەڭ، شىعا بەرەدى. بۇگىنگى تاڭدا سونىڭ ەڭ باستىسى – انا ءتىلىمىزدىڭ مەملەكەتتىك مارتەبەسىن كۇشەيتىپ، بۇكىل دۇنيە جۇزىندەگى مادەني ۇلتتىق ەكونوميكالىق، الەۋمەتتىك دامۋداعى وزىق ۇلگىلەردى ءوز بويىمىزعا تەرەڭ ءسىڭىرىپ الۋ بولىپ تۇر. 
رەسپۋبليكامىزدا ۇلتارالىق تاتۋلىق بۇگىندە ءوز جەمىسىن بەردى. بۇل دا ءبىزدىڭ ۇلتتىق يدەيامىزدىڭ ماڭىزدى ءبىر سالاسى ەدى. ەندىگى ماسەلە ۇلتتىق رۋحىمىزدى تەكسىز كوسموپاليتيزمگە ايىرباستاپ الماۋىمىز كەرەك. 
جاپوندارعا قاراڭىز. دۇنيەدەگى ەڭ ساپالى راديو، تەلە-ۆيدەو، كومپيۋتورلىق تەحنيكا قاي ەلدە؟ جاپونيادا! بازاردا قىتاي دۇنيەسى ءوتىمدى مە، جاپوندىكى ءوتىمدى مە؟ جاپونداردىڭ تەحنيكاسى، ارينە. بۇل ازيادا عانا ەمەس6 تورتكۇل دۇنيەدەگى جاپونداردىڭ ۇلتتىق يدەياسىنىڭ مىقتىلىعىن كورسەتەدى.
ال، بىزدەن نە شىعادى؟ جارىتىپ ايتۋ قيىن. ەندەشە، ءبىزدىڭ ۇلتتىق يدەيامىز دا ءالى تومەن دارەجەدە. 
قازاقتىڭ ۇلتتىق يدەياسىن اسپاننان ىزدەپ كەرەك جوق. ءبارى دە ابايدا تۇر. قاناعات. ەڭبەك. تالاپ. وي. راحىم. اباي بەس نارسەگە اسىق بول، بەس نارسەدەن قاشىق بول دەپ تەگىن ايتپاعان. ءبىزدىڭ قازاق اباي ايتقان بەس نارسەدەن قاشىپ، بەس نارسەگە اسىعۋى كەرەك. ۇلتتىق يدەيا، مىنە،-- وسى!

(سەرىك اقسۇڭقارۇلىنىڭ فەيسبۋكتەگى پاراقشاسىنان)