كەشەلى بەرى جۇرت شۋلاپ جاتقان روزا رىمباەۆانىڭ "بەشبارماعىن" كورىپ شىقتىم. قاسيەتتى ورازادا پايدا بولعان بۇل كليپتى "اۋىزاشار" دەپ اتاماعاندارىنا شۇكىر دەپ وتىرمىن. انشىلەرىمىزدىڭ تالعامپازدىعىنىڭ جوقتىعىنا كوزىمىز ۇيرەندى عوي. بىراق، روزادان بۇنى كۇتكەن جوق ەدىك. ءبىز نەنى بولسا دا "ۇلى" كورشىمىزدەن كوشىرىپ الا سالۋدى ادەتكە اينالدىردىق. ەسترادا دا سولاي. پۋگاچەۆا گالكينمەن "قويىنىن جىلىتتى" دەپ جاس كۇيەۋ ىزدەي باستادىق. ول بولماسا، بۇرىنعى كۇيەۋىمىزبەن اڭگىمەمىزدى جاراستىرىپ، الەمگە جار سالىپ، جارناما جاسادىق. سانىن جارقىراتىپ "ۆياگراسى" شىعىپ ەدى، ءۇش قىزدان تۇراتىن ىڭىرسىعان توپتار كوبەيدى. اينالايىندار-اۋ، رەسەيدىڭ ءوز مەنتاليتەتى، ءبىزدىڭ قازاقتىڭ ءوز مەنتاليتەتى بار ەمەس پە؟ ماسكەۋدىڭ ساحنالارىنان تۇسپەي جۇرسەڭدەر ءبىر ءسارى. سەندەردىڭ كورەرمەندەرىڭ مەن تىڭدارماندارىڭ قازاقتار ەمەس پە؟ قازاق بولماسا، كىمگە كەرەكسىڭدەر؟ بىزدەگى وزگە ۇلت وكىلدەرىنىڭ وزدەرى قازىر قازاقشا ءان ايتۋعا كوشتى. ويتكەنى ولارعا اۋديتوريا كەرەك! رىمباەۆانىكى دە سول-ەلىكتەۋشىلىك! بۇل كليپتى كىم تۇسىرگەنىن بىلمەيمىن. بىراق، ماسكەۋلىك رەجيسسەر نەمەسە پروديۋسەردىڭ قولتاڭباسى ايقىن اڭعارىلىپ تۇر. ال، مۇنداي شۋلى كليپتەن بولاتىن جارنامانىڭ قازاقتىڭ بۇلبۇل قىزىنا استە قاجەتى جوق ەدى...

(ارمان سقابىلدىڭ فەيسبۋكتەگى پاراقشاسىنان)