ۇلى اللا تاعالا قۇراندا بىلاي دەيدى: «(ەي،مۇحاممەد!) مۇمىندەرگە ايت: (بوگدە ايەلدەرگە قاراۋدان) كوزدەرىن ساقتاسىن. ءارى ۇياتتى جەرلەرىن (زينادان) قورعاسىن. بۇل ولار ءۇشىن وتە جاقسى. راس اللا، ولاردىڭ نە ىستەگەندەرىنەن حابار الۋشى. ءمۇمىن ايەلدەرگە دە ايت: «(بوگدە ەرلەردەن) كوزدەرىن ساقتاسىن. ءارى ۇياتتى جەرلەرىن (زينادان) قورعاسىن. سونداي-اق زەينەتتەرىن كورسەتپەسىن…» («نۇر» سۇرەسى، 30-31-اياتتار).

پورنوگرافيا ءححى عاسىردىڭ وباسى بولىپ وتىر. الەم بويىنشا پورنويندۋستريانىڭ وراسان كوپ ونىمدەرىنىڭ شىعىپ جاتۋى، ولاردىڭ كەز كەلگەن ادام ءۇشىن قولجەتىمدى بولۋى، ونى تاراتقان ادامداردىڭ جاسىرىن قالا الاۋى دۇنيەجۇزىندە 75 ميلليون ادامنىڭ ۇياتسىز كورىنىستەرگە تاۋەلدىلىكتەن ارىلا الماي، ءوز ومىرلەرىن قۇردىمعا جەتەلەۋىنە اكەپ سوعۋدا.

بۇل وتە ۇلكەن بيزنەس. 2006 جىلى «ەرەسەكتەرگە ارنالعان» كونتەنتتى وندىرۋشىلەر 13 ملرد. دوللار تابىس تاۋىپ، ولاردىڭ اۋديتوريالارى اقش-تىڭ ءۇش جەتەكشى جاڭالىقتار ارناسىنىڭ كورەرمەندەرىنەن اسىپ تۇسكەن. 2007 جىلى پورنوگرافيا وندىرۋشىلەرى 20 ملرد. دوللار تاپسا، وسى سيپاتتاعى ينتەرنەت-الاڭشالاردىڭ يەلەرى ءوز كىرىستەرىن ءۇش ەسەگە ارتتىردى.
مىنا ساندارعا نازار اۋدارىڭىز!
الەمدە ءاربىر سەكۋند سايىن پورنو-رەسرۋستارعا كىرۋ ءۇشىن 3075,64 دوللار جۇمسالادى. ءار سەكۋندتا 28 258 ادام پورنوگرافيانى قاراپ وتىرادى. ءاربىر 39 مينۋت سايىن اقش-تا جاڭا پورنوگرافيالىق ۆيدەو پايدا بولادى. ينتەرنەتكە جۇكتەلەتىن بارلىق ۆيدەولاردىڭ 35 پايىزى – پورنوگرافيا. جەلىدە وتىراتىنداردىڭ 42,7 پايىزى پورنوگرافيانى قارايدى. ايەلدەردىڭ 30 پايىزى جانە ەركەكتەردىڭ 70 پايىزى – ۇياتسىز كورىنىستەرگە تاۋەلدى. ينتەرنەت جەلىسىندە 4 200 000 پورنوسايت بار جانە جىل سايىن 13 000 جاڭا پورنوفيلم ومىرگە كەلەدى. ءار كۇنى ينتەرنەتتە پورنوگرافياعا قاتىستى 68 ميلليون سۇراۋ جولدانادى. اقش پورنويندۋسترياسى ونىڭ يەلەرىنە جىلىنا 3 ملرد. دوللار تابىس اكەلەدى. اقش-تا شامامەن 40 ميلليون ادام ءجيى-ءجيى پورنوسايتتاردى قارايدى.

سوتسيولوگتار، پسيحولوگتار مەن بيولوگتار قازىرگى تاڭدا نەلىكتەن پورنوگرافيانىڭ وسىنشا تانىمال بولىپ كەتكەندىگىن جانە ونىڭ ادامعا قانداي كەرى اسەرى بارىن انىقتاعان بولاتىن.

اقش-تاعى وتباسىلاردىڭ 47 پايىزى ءوز ومىرلەرىندە پورنوگرافيانىڭ پروبلەما بولىپ تابىلاتىنىن ايتقان. ۇياتسىز كورىنىستەرگە تاۋەلدىلەردىڭ 40 پايىزى ءوز وتباسىلارىنان ايىرىلعاندارىن، قاراجات جاعىنان قيىندىق كورەتىندەرىن جانە ۇشتەن ءبىرى جۇمىستارىنان قول ۇزگەنىن مالىمدەگەن. اقش-تاعى اجىراسۋلاردىڭ 68 پايىزى پورنوگرافيانىڭ سەبەبىنەن ورىن الۋدا.

بۇل كەسەل پەدوفيليانىڭ دا شەكتەن تىس ارتۋىنا سەبەپشى بولىپ وتىر. بۇگىندە ينتەرنەتتە 1 ميلليوننان استام كامەلەتكە تولماعانداردىڭ قاتىسۋىمەن ورىن العان ۇياتسىز ۆيدەولار بار كورىنەدى.

پورنوعا تاۋەلدىلىكتىڭ بەس ساتىسى بار:

1. العاشقى قىزىعۋشىلىق. پورنوعا تاۋەلدىلەردىڭ كوپشىلىگى تىيىم سالىنعان ۆيدەولارمەن وتە جاس كەزىندە تانىسادى.

2. تاۋەلدىلىك. وعان تاۋەلدى ادام ۇياتسىز ۆيدەوعا دەگەن قۇمارلىعىن باسا المايدى دا، ءالسىن-ءالسىن ونى قاراي بەرەدى. پورنوگرافيا ونىڭ ءومىرىنىڭ ءبىر بولشەگىنە اينالادى.

3. ەسكالاتسيا (ۇدەۋ). تاۋەلدى ادام بىرتە-بىرتە بۇرىن جيىركەنىش تۋدىراتىن انايى ۆيدەولاردى كورە باستايدى.

4. دەسەنسياليزاتسيا (سەزىمتالدىقتى جوعالتۋ).وعان تاۋەلدى ادامدار، ءتىپتى، ەڭ انايى، تۇرپايى كونتەنتتىڭ وزىنە قاناعاتتانبايتىن بولادى.

5. كوزىمەن كورگەندى ءىس جۇزىندە جاساۋعا تىرىسادى.

دوفامين (ۇياتسىز كورىنىستەردى كورۋ كەزىندە بولىنەتىن راحاتتانۋ گورمونى) دوزالارىنىڭ ۇنەمى بولىنۋىنەن نەيرون-داردا FosB پروتەينى جيناقتالادى دا، ول مي قۇرىلىسىنىڭ بۇزىلۋىنا اكەلىپ سوعادى. الدىمەن، ول ادام ءۇشىن قورشاعان ورتاسىنان، ومىردەن راحات الۋ قيىنداي باستايدى. ودان كەيىن ول تەك پورنوگرافيانى عانا سەزىنەتىن بولادى، ودان باسقا نارسەنىڭ ءبارى ول ءۇشىن سۇيكىمسىز ءارى ءمانى جوق بولادى. ەڭ اقىرىندا، ادامنىڭ ەرىك كۇشى جوعالادى: بۇل ماڭداي الدى مي قىرتىستارىنىڭ وزگەرىسكە ۇشىراعانى دەگەن ءسوز!

قۇرمەتتى مۇسىلماندار، شايتاننىڭ ازعىرۋىنان ساقتانىڭىزدار!

اللا تاعالا ارام قىلعان نارسەنى جاساماق تۇگىل، وعان جاقىنداۋدان باس تارتايىق!

ينتەرنەت ماتەريالدارى بويىنشا دايىندالعان: alashainasy.kz

Abai.kz