اقىندار ايتىسىنىڭ ۇيىمداستىرۋشىسى ءجۇرسىن ەرمان ايتىستان كەتىپ جاتقان كەيبىر اقىنداردىڭ ارەكەتىن اسىرەدىنشىلدىكپەن بايلانىستىرادى.

اقىن بۇل ويىن «الماتى» ارناسىنداعى «وتكىر ءتىل» باعدارلاماسىندا ايتتى.

«ايتىسكەر اقىندار اسپاننان تۇسكەن جوق. ولار دا وسى قوعامنىڭ مۇشەسى. قازاق قوعامى قانداي بولسا، ايتىسكەرلەر دە سونداي. مىسالى، قازاق قوعامىنىڭ دىنگە بەت بۇرعانىعىنا ءبىراز بولىپ قالدى. سولاردىڭ ىشىندە اسىرە دىنشىلدەر دە، وتىرىك ءدىندى ناسيحاتتاپ جۇرگەندەر دە، ءوزىنىڭ ناماز وقيتىندىعىن ناسيحاتتاۋ ارقىلى ارزان ۇپاي جيناپ جۇرگەندەر دە تولىپ جاتىر. ءبىزدىڭ ايتىسكەرلەردىڭ اراسىندا بىرەڭ-ساراڭ بولسا دا سولاي جۇرگەندەر بار. دىنگە شىرمالىپ قالدى ما، ميى اينالىپ قالدى ما، ايتىستان كەتىپ جاتقاندارى دا بار. بالعىنبەك باستاعاندار. كوز كورىپ وتىرىپ، ونى نە ءۇشىن جاسىرامىز؟ ءتىلىن بايلايتىن بولۋ كەرەك. باسقا سىلتاۋ جوق. مەن بالعىنبەكتى جاقسى كورەمىن. اسا تالانتتى اقىندارىمىزدىڭ ءبىرى، وسى ايتىستى بيىككە كوتەرگەن ساناۋلى تۇلعالاردىڭ ءبىرى. بىراق تۇسىنبەيمىن ونىڭ ارەكەتىن. اسىرە دىنشىلدىك ايتىستاعى اقىنداردىڭ ءتىلىن بايلايدى ەكەن. جاستاردىڭ ساناسى ءالسىز عوي. سولار شىرماتىلىپ قالدى»، – دەيدى ايتىس جاناشىرى.

Abai.kz