كىسى ولتىرگەن دەگەن كۇدىكپەن 16-دان 18 جاسقا دەيىنگى ءۇش جىگىت جانە 15 جاستاعى قىز ۇستالدى. ولاردىڭ سويىلدارى، پىشاقتارى جانە ماچەتەسى بولعان. تەرگەۋ نۇسقاسى بويىنشا، قايتىس بولعان ءجاسوسپىرىم تۇندە دۇكەنگە بارا جاتقان جولدا سوققىعا جىعىلعان. قىلمىستى كراسنوگۆاردەيسك اۋدانىنىڭ پوليتسياسى تەرگەپ جاتىر.

كىسى ءولتىرۋ فاكتىسى بويىنشا قىلمىستىق ءىس قوزعالدى. پەتەربۋرگتەگى ادام قۇقىعىن قورعاۋ كەڭەسىنىڭ مۇشەسى يۋري ءۆدوۆيننىڭ پىكىرىنشە، رەسەيدە قازىر كسەنوفوبيا ءورشىپ تۇر، قوعامنىڭ ەڭ ەلىكتەگىش بولىگى سانالاتىن جاستار مەن جاسوسپىرىمدەر سوعان ءبىرىنشى بولىپ ۇرىنادى.

بيلىك بۇنداي ارەكەتكە بارعانداردى قاتاڭ جازالاماسا، وندا ەلدە بىرنەشە جىل بۇرىنعىداي ۇلتتىق جەككورۋشىلىككە قاتىستى كىسى ولىمدەرى وسە بەرەدى، دەپ ەسەپتەيدى ۆدوۆين.