بۇل بايلام كەشە ماجىلىستە تۇركپا-عا مۇشە پارلامەنتتەردىڭ الەۋمەتتىك ساياسات بويىنشا بەيىندى كوميتەتتەرىنىڭ بىرلەسكەن ءىىى وتىرىسى كەزىندە ايتىلدى.

–جاڭا زامان الەم الدىنا جاڭا مىندەتتەر قويعان قازىرگى كەزەڭدە تۇركىتىلدەس ەلدەردىڭ ىنتىماعىنىڭ ماڭىزى ەرەكشە، – دەدى ساۋىتبەك ابدراحمانۇلى. – تۇركپا 2008 جىلى قازاقستان كوشباسشىسىنىڭ ۇسىنىسى بويىنشا قۇرىلدى. وتىرىسى جىل سايىن وتكىزىلەدى. قازاقتا ءاۋ باستا بىرگە تۋعان ادامداردى «اعايىن» دەيدى. جۇرە كەلە تابىس­قان ادامداردى «تۋىسقان» دەيدى. ءبىزدىڭ ءبارىمىز – اعايىنبىز. سىزدەر مەن بىزدەردى قۇداي قوسقان، دەمەك، ءبىزدى ساياسات ۋاقىتشا الىستاتۋى مۇمكىن، بىراق اجىراتا المايدى. كەڭەس وداعى كۇيرەگەن­نەن كەيىن باسىمىز قايتا قوسى­لىپ، ورتاق تاعدىر، ورتاق تاريحى­مىزدى ارى قاراي ءتۇزىپ جاتىرمىز. ويتكەنى ءبىزدىڭ جىرىمىز دا ءبىر (http://aikyn.kz/ru/news/show/29116-t_rkpa_deputattary_aza_stan_a_zho_ary_ba_a_berd_).
ال ءازىربايجاننىڭ ميللي مەدجليسىنىڭ عىلىم جانە ءبىلىم جونىندەگى تۇراقتى كوميتەتى توراعاسىنىڭ ورىنباسارى باحتيار اليەۆ قازاق ەلىنىڭ تەك تۇركىتىلدەس جۇرتتارعا عانا ەمەس، سونداي-اق الەمدەگى وزگە دە ەلدەرگە ۇلگى-ونەگە ەكەنىن جانە ءازىرباي­جانداردىڭ دا سوعان سۇيسىنەتىنىن ءبىلدىردى.
ء–بىزدىڭ مادەني ىنتىماق­تاستىعىمىز جاقسى دامۋدا. تۇركى اكادەمياسى، تۇركىتىلدەس ەلدەردىڭ قورى قۇرىلىپ، ءوزارا مادەني بايلانىستاردى ارتتىرۋ باعى­تىندا جۇمىس جاساۋدا. ەندىگى مىندەت – ينفراقۇرىلىمدىق ينتەگراتسيا، بۇعان پرەزيدەنت نازارباەۆ تا ەكپىن تۇسىرگەن بو­لاتىن. جالپى، ءبىزدىڭ ىقپال­داستىعىمىز ءومىردىڭ بارلىق سالا­لارىن، سونىڭ ىشىندە يننو­ۆاتسيا، ءبىلىم بەرۋ، ەكونوميكا، ەكولوگيا باعىتتارىن قامتۋى قاجەت، – دەدى ب.اليەۆ.
ول وتىرىستا ءبىر قىزىقتى، ىرگەلى ۇسىنىسپەن شىقتى: ءوز مەم­لە­كەتتەرى بار تۇركىتىلدەس ەلدەر «جاڭا گەوساياسي كۇش بەلدە­ۋىن» قالىپتاستىرۋلارى كەرەك. «بۇل قازىرگى اۋمالى-توكپەلى شاقتا الەمدەگى بالانستى ساقتاۋ، باۋىر­لاس ەلدەرىمىزدىڭ مۇددەلەرىن حا­لىق­ارالىق ارەنادا بىرىگە قورعاۋ ءۇشىن قاجەت. ويتكەنى بۇگىندە داعدارىس تەك قارجى مەن ساياسات سالاسىن عانا ەمەس، حالىقارالىق ساياسات پەن قۇقىق سالالارىن قامتۋدا» دەدى ءازىربايجان پارلامەنتىنىڭ دەپۋتاتى. 
س.ادراحمانوۆ وتىرىس بارى­سىندا تۇركيانىڭ 15 شىلدەدە بولعان اۋىر سىناقتان (مەملەكەت­تىك توڭكەرىستىڭ الدىن الۋ) ابىرويمەن شىققانىنا قازاق حالقىنىڭ قۋانىشتى ەكەنىن ءبىلدىردى: «تۇرىك حالقى دەموكراتيا داستۇرلەرىنە ادال ەكەنىن كورسەتتى. سىن-قاتەرلەرگە يممۋنيتەتى بار ەكەنىن بۇكىل الەمگە پاش ەتتى. ءبىز ارقاشان سىزدەرگە تىلەكتەسپىز. ەلباسىمىز سودان كەيىن تۋىنداعان كەيبىر ماسەلەلەردى رەتتەۋگە الەمدىك دەڭگەيدەگى ديپلومات رەتىندە ۇلەس قوستى».
تۇركيانىڭ ۇلى ۇلتتىق ءماجى­لىسىنىڭ دەپۋتاتى ورحان اتالاي وسىعان العىسىن بىلدىرە كەلە، بارشا تۇركى حالىقتارى وزدەرىنىڭ باستاۋى – قازاقستاندا ەكەنىن، بارلىعى وسى جەردەن تاراعانىن ەشقاشان ۇمىتپايتىنىن ايتتى.
–قازاقتىڭ ۇلى دالاسى – ءبىزدىڭ ورتاق اتا-بابامىزدىڭ وتانى. وسى قاسيەتتى جەردە بولۋ، ءبىزدىڭ بابالارىمىزعا قۋات-ءنار بەرگەن ونىڭ قاستەرلى اۋاسىن جۇتۋ – ءبىز ءۇشىن ۇلى قۇرمەت! مەن استانادا بولعان ەكى كۇن بويى وسىنداي ەموتسيا مەن اسەرلى كۇيدى باستان كەشۋدەمىن جانە سول ءۇشىن تاعدىرىما ريزامىن. مەن قازاق­ستانعا قيىن كەزەڭدە، كۇردەلى ساياسي جاعدايلاردا ءاردايىم تۇر­كياعا كومەككە كەلىپ وتىراتىنى ءۇشىن العىس بىلدىرگىم كەلەدى. ءبىزدىڭ ەلدەرىمىزدىڭ دارا جولدارىنان تايۋىن تىلەپ، ءار قاتەمىزگە قۋانۋعا دايار تۇراتىن ىشكى-سىرتقى كۇشتەر بار. ولار تۇركيانى «ەكىنشى سيرياعا» اينالدىرا جازدادى. تۇركيا قينالعان شاقتا جوعارى مارتەبەلى پرەزيدەنت نازارباەۆ­تىڭ الەمدىك ليدەرلەر اراسىندا ءبىرىنشى بولىپ، بىزگە ساپارمەن كەلۋى – بىزگە قۋاتتى دەمەۋ بەردى. بۇل دەمەۋ تاس قاراڭعىدا كورىنگەن جارىققا تەڭ ەدى! – دەپ جوعارى باعالاعان تۇركيالىق قالاۋلى ءوز ەلىنىڭ دە قازاقستانعا جانە تۇركىتىلدەس ەلدەرگە كومەككە كەلۋگە ءازىر ەكەنىن جەتكىزدى.
ءبىر ايتا كەتەر جايت، ءازىرباي­جان، قازاقستان، قىرعىزستان جانە تۇركيا پارلامەنتشىلەرىنىڭ بۇل باسقوسۋى استانادا وتكەن عىلىم، تەحنولوگيا جانە يننو­ۆاتسيا جونىندەگى ازيالىق پار­لامەنتارالىق فورۋم اياسىندا ۇيىمداستىرىلدى. وندا تۇركى­تىلدەس ەلدەر پارلامەنتتىك اسسامبلەياسى دەلەگاتسيالارىنىڭ وكىلدەرى الەۋمەتتىك-مادەني ماسەلەلەر، سونىمەن قاتار عىلىم، يننوۆاتسيا جانە تەحنولوگيانى دامىتۋ بويىنشا تۇركىتىلدەس ەلدەردىڭ ىنتىماقتاستىعى بويىنشا پىكىر الماستى.

اباي-اقپارات