تۇركيانىڭ ادىلەت جانە دامۋ پارتياسى سيريادا شامامەن 6 جىلدان بەرى ورىن الىپ جاتقان سوعىستىڭ باسىنان بەرى ۇستانىپ كەلە جاتقان ساياساتىنان جۋىق كۇندەرى ماسكەۋدە قول قويعان قۇجات ارقىلى اينىپ شىعا كەلدى. رەسەي ەلشىسىنىڭ ولىمىنەن كەيىن ءۇش ەلدىڭ ءسىم رەسەيدە باس قوسقان بولاتىن.

بۇدان بۇرىن ەردوعان «اساد كەتۋى ءتيىس» دەدى.  تەررور ۇيىمى ءال-نۋسراعا شاڭ جۋىتپادى. داەش-قا قارسى كۇرەسىپ جاتىر دەپ اقتاپ العان بولاتىن. تۇركيا ءسىم رەسەيگە بارعان ساتىندە-اق ا. كارلوۆقا قاستاندىق جاساعان ءال-نۋسرا تەرروريستىك ۇيىمى ەكەنىن ايتقان. الايدا، تۇركيا ءوزى ىشىندە ەلشىنى ولتىرگەن ف. گۇلەن ادامدارى دەپ اقپارات تاراتقان.  تۇركيا ءسىم ماسكەۋ ساپارىندا سيريا ماسەلەسىندە تۇركيا مۇددەسىنە   تولىقتاي قايشى قۇجاتقا قول قويدى. ادىلەت جانە دامۋ پارتياسى (اكپ) كۇردىستان جۇمىسشى پارتياسى (PKK) مەن «دەموكراتيالىق وداق» پارتياسىنىڭ (PYD) اتىن دا اتامادى.

دەكلاراتسيانىڭ تولىق ءماتىنى تومەندەگىدەي:

1- «يران، رەسەي جانە تۇركيا كوپ ەتنيكالىق توپتاردى قامتىعان، اعىمى كوپ، دەموكراتيالىق ءارى سەكۋليارلى مەملەكەت رەتىندە سيريا اراب رەسپۋبليكاسىنىڭ ەگەمەندىگىن، تاۋەلسىزدىگىن، بىرلىگى مەن جەرىنىڭ بۇتىندىگىن تولىقتاي قولدايدى.

2- يران، رەسەي جانە تۇركيا سيريا داعدارىسىنىڭ اسكەري شەشىمى بولا المايتىنىنا سەنەدى. بۇۇ-نىڭ وسى داعدارىستىڭ شەشىمىندە بۇۇ قاۋىپسىزدىك كەڭەسىنىڭ №2254 شەشىمىنە ساي ماڭىزدى ءرولى بارىن مويىنداۋدا. مينيسترلەر حالىقارالىق سيريانى قولداۋ توبىنىڭ شەشىمدەرىن دە نازارعا الۋدا. حالىقارالىق قاۋىمداستىقتى وسى قۇجاتتاردا ورىن العان كەلىسىمدەردىڭ الدىنداعى توسقاۋىلداردى الىپ تاستاۋ ءۇشىن وڭتايلى سەرىكتەستىك جاساۋعا شاقىرادى.

3- يران، رەسەي جانە تۇركيا الەپپونىڭ شىعىسىنداعى بەيبىت تۇرعىنداردى ەرىكتى تۇردە قاۋىپسىز ايماققا كوشىرۋگە جانە قارۋلى قارسىلاستاردى ۇيىمداسقان تۇردە شىعارۋعا مۇمكىندىك بەرەتىن ورتاق شارالاردى ءبىراۋىزدان قابىلدايدى. مينيسترلەر فۋا، كافرايا، زاباداني مەن مادايادان بەيبىت تۇرعىنداردىڭ بىرقاتارىن قاۋىپسىز ايماققا كوشىرۋدى دە قۋانا قابىلايدى. ولار (يران، رەسەي جانە تۇركيا) بۇل ءۇردىستىڭ ۇزدىكسىز ءارى سەنىمدى تۇردە اياقتالۋىن كەپىلدەۋدى قابىلدايدى. مينيسترلەر حالىقارالىق قىزىل كرەست كوميتەتى مەن دۇنيەجۇزىلىك دەنساۋلىق ساقتاۋ ۇيىمىنا تۇرعىنداردى باسقا قاۋىپسىز ايماققا كوشىرگەندىگى ءۇشىن قارىزدار.

4. مينيسترلەر ەل ايماعىندا بەيبىت رەجيمنىڭ كەڭەيتىلۋى، قايىرىمدىلىق كومەكتەردىڭ كەدەرگىسىز مۇقتاج جاندارعا جەتكىزىلۋى جانە قاراپايىم حالىقتىڭ ەركىن ءجۇرىپ تۇرۋىنىڭ ماڭىزى جايىندا ءبىراۋىزدان كەلىستى.

5. يران، رەسەي جانە تۇركيا سيريا ۇكىمەتىنىڭ جانە وپپوزيالىق توپتاردىڭ ءوزارا تالقىلاپ جاتقان كەلىسىمشارتتىڭ دايىندالۋىنا كومەكتەسۋگە جانە وسى كەلىسىمشارتتىڭ كەپىلگەرى بولۋعا دايىن ەكەندىكتەرىن مالىمدەيدى. وسى ايماقتاعى جاعدايعا ىقپال ەتىپ وتىرعان باسقا بارلىق ەلدەردى دە وسىلايشا ارەكەت ەتۋگە شاقىرادى.

6. ولار (يران، رەسەي، تۇركيا) وسى كەزدەسۋدىڭ بۇۇ قاۋىپسىزدىك ۇيىمىنىڭ №2254 شەشىمىنىڭ اياسىندا سيرياداعى ساياسي پروتسەستىڭ قايتادان باستالۋى ءۇشىن كەرەكتى شارتتاردىڭ قالىپتاسۋىنا كومەكشى بولاتىنىنا سەنىمدى.

7. مينيسترلەر قازاقستان پرەزيدەنتىنىڭ (نۇرسۇلتان نازارباەۆ) وسى كەزدەسۋلەردىڭ (سيرياداعى توپتاردىڭ بەيبىت كەزدەسۋلەرى) استانادا وتكىزىلۋىنە قاتىستى ۇسىنىسىن ەسكەرەدى.

8. يران، رەسەي جانە تۇركيا داەش جانە ءال-نۋسرامەن ورتاقتاسىپ كۇرەسۋ جانە قارۋلى وپپوزيتسيالىق كۇشتەردى ولاردان بولۋگە قاتىستى شەشىمدەرىن راستايدى.

تالعات مىرزاحمەتۇلى

Abai.kz