قالا اكىمدىگىندە قالا باسشىسى عابيدوللا ءابدىراحىموۆتىڭ توراعالىعىمەن اۋدانداردا پاتەر يەلەرى كووپەراتيۆتەرىن قۇرۋ جۇمىستارىنىڭ بارىسى تۋرالى جيىن ءوتتى. سونىمەن قاتار، قالا  اۋماعىنداعى بەلگىلەنبەگەن ساۋدا ورىندارىن جويۋ جۇمىستارىنىڭ جاعدايى تۋرالى كاسىپكەرلىك ءبولىمىنىڭ ەسەبى تىڭدالدى.

اباي اۋدانى: پاتەر يەلەرى كووپەراتيۆتەرىن قۇرۋ بويىنشا 453 كوپقاباتتى تۇرعىن ءۇيدىڭ 394-ءى كوندومينيۋم نىسانى رەتىندە تىركەلگەن. بيىل قالعان 41 كوپقاباتتى تۇرعىن ۇيلەردى كوندومينيۋم نىسانى رەتىندە ادىلەت باسقارماسىنا تىركەۋ ماقساتىندا تۇرعىندارمەن كەلىسىم حاتتامالارى ءتۇزىلدى. 12 كوپقاباتتى تۇرعىن ءۇيدىڭ توپوگرافيالىق ءتۇسىرىلىمى الىندى.

ءال-فارابي اۋدانى: 665 كوپقاباتتى تۇرعىن ءۇيدىڭ 559-ءى (84 پايىزى)  كوندومينيۋم نىسانى رەتىندە تىركەلگەن. ال، قالعان 106 ءۇي بويىنشا جۇمىستار جۇرگىزىلىپ، 56 ءۇيدىڭ تەحنيكالىق تولقۇجاتتارى دايىندالدى. پاتەر يەلەرى كووپەراتيۆتەرىن قۇرۋ بويىنشا ءتۇرلى مەكەمەلەرمەن كەلىسىم-شارتقا وتىرىپ، 448 كوپقاباتتى تۇرعىن ۇيگە، قىسقا دايىندىق جۇمىستارىن جۇرگىزۋ، جىلۋ، اۋىز سۋ، كارىز جۇيەلەرىندە ورىن العان كەمشىلىكتەردى دەر كەزىندە رەتكە كەلتىرۋ جانە ءۇي اۋلاسىمەن كىرە بەرىس اۋلانىڭ سانيتارلىق تازالىق جۇمىستارىن جۇرگىزۋدە.

ەڭبەكشى اۋدانى: قالا اكىمىنىڭ  تاپسىرماسىنا سايكەس، 630 ءۇيدىڭ ىشىندە 22 كوممۋنالدىق ۇيلەر بولسا، 514 پاتەر  كوندومينيۋم نىسانى رەتىندە تىركەلگەن.

وسىعان وراي،  «كۇنشىعىس» شاعىناۋدانىندا 33 كوپقاباتتى تۇرعىن ۇيلەرگە جىلۋ جۇيەسى بويىنشا قىزمەت كورسەتەتىن مەكەمە «پرەسس» جشس-ىن كوپقاباتتى تۇرعىن ۇيلەردى باسقارۋ ءۇشىن ءوز جاۋاپكەرشىلىگىنە الۋعا ۇسىندى.

قاراتاۋ اۋدانى: اۋدان اۋماعىندا 252 تۇرعىن ءۇيدىڭ 49-ى كوممۋنالدىق ۇيلەر بولىپ، ونىڭ ىشىندە كوندومينيۋم نىسانى رەتىندە 59 ءۇي تىركەلدى. بۇعان دەيىن سەرۆيستىك كومپانيالار تۇرعىن ۇيلەرگە 5 قىزمەت ءتۇرىن كورسەتكەن بولسا، الداعى ۋاقىتتا باسقارۋشى كومپانيا ءۇيدىڭ شاتىرىن جوندەۋ، اۋلالارىن سانيتارلىق تازالاۋ،  جەرتولەنى دەزينفەكتسيالاۋ، بالالار ويىن ەلەمەنتتەرىن كۇتىپ ۇستاۋ جۇمىستارىمەن قوسا  13 قىزمەت ءتۇرىن قوسا اتقاراتىن بولادى.

كاسىپكەرلىك ءبولىمىنىڭ باسشىسىنىڭ مىندەتىن اتقارۋشى اسەت ابدراحانوۆتىڭ ايتۋى بويىنشا رەتسىز ساۋدا ورىندارىنا بايلانىستى 180 رەيدتىك ءىس-شارا ۇيىمداستىرىلدى. وسى ۋاقىتقا دەيىن ارنايى بەلگىلەنبەگەن ورىنداردا ساۋدا جاساۋشى تۇلعالارعا، جەرگىلىكتى پوليتسيا قىزمەتىمەن 3 626 اكىمشىلىك حاتتاما تولتىرىلىپ، ونىڭ ىشىندە 3092 تۇلعاعا ەسكەرتۋلەر بەرىلگەن، جالپى سوماسى 6 394 815 تەڭگە ايىپپۇل سالىنىپ جەرگىلىكتى بيۋدجەتكە 2 656 552 تەڭگە كولەمىندە ايىپپۇل ءوندىرىلدى.

جينالىس بارىسىندا قالا اكىمى كاسىپكەرلىك بولىمىنە جاڭا جىل مەرەكەسىنە دەيىن باعا تۇراقتىلىعىن ساقتاۋعا تاپسىرما بەردى. ءارى، بازار يەلەرىمەن كەزدەسىپ، بازارداعى جالداۋ (ارەندا) قۇنىن نەگىزسىز وسىرمەۋدى ايتىپ ءوتتى.

Abai.kz