وڭتۇستىك قازاقستان وبلىسى جىلىجاي شارۋاشىلىعىن دامىتۋ جونىنەن رەسپۋبليكادا كوش باستاپ تۇر. اسىرەسە، سارىاعاش اۋدانىندا بۇل كاسىپ ءتۇرى ايرىقشا دامىعان. دەگەنمەن، ورداباسى اۋدانىندا دا جىلىجايدان ءناسىپ ىزدەگەن شارۋالار قاتارى ارتىپ كەلەدى. سونىڭ ءبىرى - جەكە كاسىپكەر سىناباي مەيىربەك ءوز قاراجاتى ەسەبىنەن ۇيىمداستىرعان جىلىجايدىڭ كولەمى 1,12 گەكتار. ونىڭ 5 سوتتىق جەرىندە كوشەت وندىرىلەدى. ءدال قازىر وندا 30 مىڭ كوشەت قوندىرىلىپ، باپتالۋدا ەكەن. «بۇيىرتسا، 65 كۇننىڭ ىشىندە كوشەت قوندىرۋعا، 120 كۇننىڭ ىشىندە قىزاناق ءپىسىپ، ساتۋعا دايىن بولادى» دەيدى جەكە كاسىپكەر. ال، الدىن ەگىلگەن يزرايلدىك «لاميا» اتتى قىزاناق ءونىم قازىر بەرىپ تۇر. ءونىم الماتى قالاسىنا جونەلتىلۋدە.

كوڭ، ياعني تىڭايتقىش - رەسەيدىڭ ءونىمى. كادىمگى قۋراعان جاپىراقتى وڭدەپ بىزگە ساتىپ جاتىر. 50 كەلى تارتاتىن ءبىر قابى 5800 تەڭگە تۇرادى، ول 700-750 كوشەتتى تىڭايتۋعا جەتەدى. جازدا مۇنىڭ ورنىنا مالدىڭ كوڭى پايدالانىلادى. رەسەيلىك تىڭايتقىشتىڭ ەرەكشەلىگى – كوشەتتەردى شىرىتپەيدى. ال كوڭدى جاقسىلاپ تازالاۋ كەرەك. جىلىجايدا قازىرگى كەزدە 12-13 ادام جۇمىس ىستەيدى ەكەن. جالاقىلارى 60 مىڭ تەڭگەنىڭ توڭىرەگىندە. تاماقتارى تەگىن.

جەكە كاسىپكەر جىلىجاي شارۋاشىلىعىن دوڭگەلەتۋ ءۇشىن ارنايى وقىماعانىن جاسىرمايدى. بۇل شارۋادا ونىڭ بالا كەزدەن شارۋاعا بەيىمدىلىگى، باۋ-باقشا وسىرۋمەن اينالىسقانداعى تاجىريبەسى كومەكتەسىپتى. «ادامدا جۇمىس ىستەۋگە دەگەن نيەت پەن تالاپ جانە ەڭبەكقورلىق بولسا جەتكىلىكتى» دەيدى كەيىپكەرىمىز. مىنە، وسىنداي قاسيەتتەرىن اجەتكە جاراتقان كاسىپكەر ءوزىنىڭ عانا تۇرمىسىڭ تۇزەپ قويماي، تاعى بىرنەشە وتباسىعا ناپاقا تاۋىپ بەرىپ وتىر. قالا بەردى، جەرگىلىكتى بيۋدجەتكە دە ءوز ۇلەسىن قوسىپ وتىرعان جايى بار.

Abai.kz