بيىل قازاقتىڭ قاس باتىرى باۋىرجان مومىشۇلىنىڭ 100 جىلدىق مەرەيتويى. بۇل ۇكىمەتتىڭ ارنايى قاۋلىسىمەن رەسپۋبليكالىق دەڭگەيدە تويلانۋى ءتيىس توي. ال، «قازاقفيلم» كينوستۋدياسى باتىردىڭ مەرەيتويىنا ءوز تارتۋىن جاساپ ۇلگەردى. قىركۇيەكتىڭ 14 كۇنى الماتىداعى «تسەزار» كينوتەاترىندا «قازاقتىڭ باۋىرجانى» دەپ اتالاتىن رەجيسسەر قاليلا وماروۆتىڭ دەرەكتى ءفيلمىنىڭ تۇساۋكەسەرى ءوتتى.

دەرەكتى فيلمدە -  سوعىس جانە باتىردىڭ جەكە مۇراعاتتارىنان الىنعان فوتوسۋرەتتەر، باتىردىڭ كوزىن كورگەن ادامداردىڭ ەستەلىك اڭگىمەلەرى، رەسەي جەرىندەگى ەكىنشى دۇنيەجۇزىلىك سوعىستا باۋىرجان مومىشۇلى شايقاسقان، قول باستاعان جەرلەردىڭ بۇگىنگى بەينەسى قامتىلعان. ءفيلمنىڭ ەڭ باستى ەرەكشەلىگى -  باۋىرجان مومىشۇلىنىڭ قۇدىرەتتى داۋسىن باتىردىڭ كوزىن كورمەگەن ۇرپاق تۇڭعىش رەت دەرەكتى فيلمنەن ەستي الادى.  ءفيلمنىڭ باس-اياعى وتىز مينۋت.

رەجيسسەر قاليلا وماروۆ رەسەيدىڭ پودولسك قالاسىنداعى اسكەري مۇراعاتتا قۇپيا قۇجات رەتىندە ساقتالىپ وتىرعان باۋىرجان مومىشۇلىنىڭ جەكە مۇراعاتىنا قولدارى جەتپەگەنىن ءسوز اراسىندا ايتتى. بۇل قۇجاتتاردىڭ قۇپيا ساقتالىپ كەلە جاتۋىنىڭ سىرى وندا باۋكەڭنىڭ جولىن كەسكەن تالاي ۇلكەن ادامدار تۋرالى مالىمەت بار بولۋىنان شىعار دەيدى رەجيسسەر.

ءتىپتى، باتىردىڭ كەلىنى زەينەپ احمەتوۆا دا ۇيدەگى، مۇراعاتتاعى تاريحي دەرەكتەردىڭ كوبى ءالى اشىلماعانىن ايتا كەلىپ، ءبىزدىڭ ەلدە كۇنى بۇگىنگە دەيىن شىندىقتىڭ اياعى تۇساۋلى، اۋىزدىقتاۋلى ەكەنىن قىنجىلا ايتتى.

بيىل قازاقتىڭ قاس باتىرى باۋىرجان مومىشۇلىنىڭ 100 جىلدىق مەرەيتويى. بۇل ۇكىمەتتىڭ ارنايى قاۋلىسىمەن رەسپۋبليكالىق دەڭگەيدە تويلانۋى ءتيىس توي. ال، «قازاقفيلم» كينوستۋدياسى باتىردىڭ مەرەيتويىنا ءوز تارتۋىن جاساپ ۇلگەردى. قىركۇيەكتىڭ 14 كۇنى الماتىداعى «تسەزار» كينوتەاترىندا «قازاقتىڭ باۋىرجانى» دەپ اتالاتىن رەجيسسەر قاليلا وماروۆتىڭ دەرەكتى ءفيلمىنىڭ تۇساۋكەسەرى ءوتتى.

دەرەكتى فيلمدە -  سوعىس جانە باتىردىڭ جەكە مۇراعاتتارىنان الىنعان فوتوسۋرەتتەر، باتىردىڭ كوزىن كورگەن ادامداردىڭ ەستەلىك اڭگىمەلەرى، رەسەي جەرىندەگى ەكىنشى دۇنيەجۇزىلىك سوعىستا باۋىرجان مومىشۇلى شايقاسقان، قول باستاعان جەرلەردىڭ بۇگىنگى بەينەسى قامتىلعان. ءفيلمنىڭ ەڭ باستى ەرەكشەلىگى -  باۋىرجان مومىشۇلىنىڭ قۇدىرەتتى داۋسىن باتىردىڭ كوزىن كورمەگەن ۇرپاق تۇڭعىش رەت دەرەكتى فيلمنەن ەستي الادى.  ءفيلمنىڭ باس-اياعى وتىز مينۋت.

رەجيسسەر قاليلا وماروۆ رەسەيدىڭ پودولسك قالاسىنداعى اسكەري مۇراعاتتا قۇپيا قۇجات رەتىندە ساقتالىپ وتىرعان باۋىرجان مومىشۇلىنىڭ جەكە مۇراعاتىنا قولدارى جەتپەگەنىن ءسوز اراسىندا ايتتى. بۇل قۇجاتتاردىڭ قۇپيا ساقتالىپ كەلە جاتۋىنىڭ سىرى وندا باۋكەڭنىڭ جولىن كەسكەن تالاي ۇلكەن ادامدار تۋرالى مالىمەت بار بولۋىنان شىعار دەيدى رەجيسسەر.

ءتىپتى، باتىردىڭ كەلىنى زەينەپ احمەتوۆا دا ۇيدەگى، مۇراعاتتاعى تاريحي دەرەكتەردىڭ كوبى ءالى اشىلماعانىن ايتا كەلىپ، ءبىزدىڭ ەلدە كۇنى بۇگىنگە دەيىن شىندىقتىڭ اياعى تۇساۋلى، اۋىزدىقتاۋلى ەكەنىن قىنجىلا ايتتى.

امال نە، بۇگىنگىنىڭ شىندىعى تۇگىلى، تاريحتىڭ شىندىعىن ايتۋدان قورقىپ، جالتاقتاپ كەلە جاتقانىمىزدى ادام جاسىرعانمەن، اللادان جاسىرا المايمىز. ول دا راس-اۋ.

ءسويتىپ، تۋعان حالقى ءۇشىن ورلىك پەن ەرلىكتىڭ، بىربەتكەي ادالدىقتىڭ، باتىرلىقتىڭ ۇلگىسى بولىپ قالعان جانە كەشەگى الاش قايراتكەرلەرىنىڭ رۋحىن بەرىگە جەتكىزگەن التىن كوپىر باۋىرجان مومىشۇلى تۋرالى دەرەكتى فيلم قالىڭ قازاققا جول تارتتى. ەندىگىسىن ەل ايتسىن...

اباي-اقپارات