قر پارلامەنتى ءماجىلىسىنىڭ توراعاسى نۇرلان نىعماتۋلين جۇمىس ساپارىمەن الماتى وبلىسىنا كەلدى. ماقساتى ەلباسىنىڭ جاڭا جولداۋىن ناسيحاتتاۋ، ءوڭىر تىنىس-تىرشىلىگىمەن تانىسۋ، - دەپ حابارلايدى وڭىردەگى ءتىلشىمىز.

نۇرلان نىعماتۋلين الماتى وبلىسىنا ءىس ساپارى ىلە اۋدانىنان باستادى. "Aiuminium of Kazakhstan" سەرىكتەستىگىنە قاراستى "Hoffmann" زاۋىتىندا بولىپ، ەڭبەك ۇجىمىمەن كەزدەستى. ولارعا پرەزيدەنتتىڭ ەلدى ەلەڭدەتكەن سوڭعى  2 ۇندەۋىنىڭ ءمان-ماڭىزىن ءتۇسىندىرىپ، جولداۋ جۇكتەگەن مىندەتتەرگە تەرەڭ شولۋ جاسادى.

ودان كەيىن، جەتىسۋ وڭىرىندەگى ەڭ ءىرى  شارۋاشىلىقتاردىڭ ءبىرى "حيلنيچەنكو ي ك"-نىڭ جۇمىسىمەن تانىستى. 4 اۋىلدىڭ تۇرعىندارىن تۇراقتى جۇمىسپەن قامتىپ وتىرعان  قوجالىق  39 مىڭ گەكتار جەرگە يەلىك ەتەدى.  بىلتىر سونىڭ 320 گەكتارىنا  قانت قىلشاسى ەگىلگەن بولاتىن. ودان گەكتارىنا 716 تسەنتنەردەن  ءتاتتى ءتۇبىر  جينالدى. سەرىكتەستىكتىڭ   جىل سايىن تەحنيكالارى دا جاڭارىپ، ماتەريالدىق بازاسى جاقسارىپ  كەلەدى. ال بىلتىر شارۋاشىلىقتىڭ تاۋار اينالىمى 1 ملرد تەڭگەدەن اسقان. بۇل قوجالىق  تاريحىنداعى ەڭ جوعارعى كورسەتكىش.  وسى ورايدا شارۋاشىلىق  باسشىسى جان-جاقتى قولداۋى ءۇشىن  ۇكىمەت پەن وبلىس اكىمشىلىگىنە العىسىن  ءبىلدىردى.

الماتى وبلىسىنداعى ءىرى شارۋاشىلىق  جۇمىسىمەن تانىسىپ بولعاننان كەيىن، نۇرلان زايروللاۇلى ەلىمىز بويىنشا ەڭ العاشقىلاردىڭ ءبىرى بولىپ ەلەكتروندى جۇيەگە كوشكەن ەسكەلدى اۋدانىنىڭ  ورتالىق اۋرۋحاناسىن ارالاپ شىقتى.  اۋرۋحانادا 2008 جىلدان باستاپ  تولىقتاي ەلەكتروندى  مەديتسينالىق  قۇجاتتاۋعا كوشكەن.  قازىر ەمدەلۋگە كەلگەن ءار ادام  تولقۇجاتىن كورسەتسە بولدى، كومپيۋتەردە ناۋقاستىڭ  ەمدەلۋ تاريحى بىردەن شىعادى.   اۋدان حالقىنىڭ يگىلىگى ءۇشىن جاسالىپ جاتقان جاڭاشىلدىقتار ريزاشىلىعىن بىلدىرگەن ءماجىلىس توراعاسى جولداۋدا وسى دەنساۋلىق ساقتاۋ سالاسىنا زور كوڭىل بولىنگەندىگىن ايتىپ، «دەنساۋلىق ساقتاۋ سالاسىنا مەملەكەت تاراپىنان قولداۋ كوپ. بولاشاقتا بولىنەتىن قاراجات كولەمى ارتاتىن بولادى.   ەڭ باستىسى قارجىنى دۇرىس يگەرىپ، تۇرعىندارعا بارىنشا جاقسى،   ساپالى مەديتسينالىق قىزمەت كورسەتىلۋى كەرەك» دەدى.

سونداي-اق، نۇرلان نىعماتۋلين ەسكەلدى اۋدانىنىڭ جۇرتشىلىعىمەن كەزدەسىپ، ەلباسىنىڭ جولداۋدا¤ەلباسىنىڭ جولداۋدا ە جۇكتەگەن مىندەتتەردى ورىنداۋدا جەتىسۋلىقتاردىڭ قوسارى كوپ ەكەندىگىن ايتتى.  ء«وسىپ-وركەندەپ كەلە جاتقان وبلىس ورتالىعىن، اۋدانداردا اتقارىلىپ جاتقان ءىستى كورىپ قۋانىپ قالدىم. سىزدەردىڭ وبلىس بۇگىننىڭ وزىندە ەكونوميكانىڭ ناقتى باعىتتارى بويىنشا وتە جوعارعى كورسەتكىشتەرگە جەتىپ وتىر. وبلىس اكىمىنىڭ ەڭبەگىن ۇكىمەتتىڭ كەڭەيتىلگەن وتىرىسىندا ەلباسىنىڭ ءوزى اتاپ وتكەن بولاتىن» دەپ اتاپ ءوتتى.

جيىن بارىسىندا، ءماجىلىس توراعاسى حالىقتىڭ سۇراقتارىنا جاۋاپ بەرىپ، ۇسىنىس-تىلەكتەرىن تىڭدادى. الماتى وبلىسىندا اتقارىلىپ جاتقان يگى ىستەرگە جوعارى باعا بەرىپ، ءوڭىر تۇرعىندارىن ەلباسى جولداۋىن قولداپ، ۇندەۋگە ءۇن قوسۋعا شاقىردى. 

اباي-اقپارات