نۇرلان ەرىمبەتوۆ

كەشە تۇسكە تامان قاقتىعىس باستالىپ كەتە مە دەگەن وي بولدى. بىراق، جاڭالىقتاردان قاراپ وتىرسام، بارلىعى ويداعىداي ءوتىپتى. سوندىقتان، بۇل ءبىز ءۇشىن ەمەس، قىرعىز اعايىندار ءۇشىن ۇلكەن العا باسۋشىلىق دەپ ەسەپتەيمىن. قاقتىعىسسىزدا ماسەلە شەشۋگە بولادى ەكەن.

قىرعىزستان بۇل كۇنگە قيىن جاعدايدى باستان كەشىرە وتىرىپ جەتتى. بۇل بىزگە ۇلگى بولاتىنداي جاعداي. بىراق تەك ناتيجەسى. ال، وعان باراتىن جولدى مەن قابىلدامايمىن. ۇرىسسىز، قاقتىعىسسىز وسىنداي دارەجەگە جەتسەك، ول قازاقستان ءۇشىن ۇلكەن جەتىستىك دەپ ەسەپتەيمىن. الايدا، قىرعىزستاننىڭ وسى بەس جىلدا ادام ءولىمى، دراما ارقىلى وتكەن جولىن مەن قابىلدامايمىن. سوندىقتان، ءبىزدىڭ بيلىك ءۇشىن بۇل ۇلكەن ساباق بولۋى كەرەك سياقتى. وسىدان ءبىز دۇرىس ناتيجە شىعارۋىمىز كەرەك سەكىلدى. سەبەبى، وسىنداي جاعدايعا بەيبىت جولمەن جەتۋگە بولادى.

راسۋل جۇمالى

نۇرلان ەرىمبەتوۆ

كەشە تۇسكە تامان قاقتىعىس باستالىپ كەتە مە دەگەن وي بولدى. بىراق، جاڭالىقتاردان قاراپ وتىرسام، بارلىعى ويداعىداي ءوتىپتى. سوندىقتان، بۇل ءبىز ءۇشىن ەمەس، قىرعىز اعايىندار ءۇشىن ۇلكەن العا باسۋشىلىق دەپ ەسەپتەيمىن. قاقتىعىسسىزدا ماسەلە شەشۋگە بولادى ەكەن.

قىرعىزستان بۇل كۇنگە قيىن جاعدايدى باستان كەشىرە وتىرىپ جەتتى. بۇل بىزگە ۇلگى بولاتىنداي جاعداي. بىراق تەك ناتيجەسى. ال، وعان باراتىن جولدى مەن قابىلدامايمىن. ۇرىسسىز، قاقتىعىسسىز وسىنداي دارەجەگە جەتسەك، ول قازاقستان ءۇشىن ۇلكەن جەتىستىك دەپ ەسەپتەيمىن. الايدا، قىرعىزستاننىڭ وسى بەس جىلدا ادام ءولىمى، دراما ارقىلى وتكەن جولىن مەن قابىلدامايمىن. سوندىقتان، ءبىزدىڭ بيلىك ءۇشىن بۇل ۇلكەن ساباق بولۋى كەرەك سياقتى. وسىدان ءبىز دۇرىس ناتيجە شىعارۋىمىز كەرەك سەكىلدى. سەبەبى، وسىنداي جاعدايعا بەيبىت جولمەن جەتۋگە بولادى.

راسۋل جۇمالى

ءبىر عانا كۇن ءوتتى عوي. مەنىڭ بىلۋىمشە، ەكى-ءۇش پارتيا العا شىققان سياقتى. سايلاۋشىلاردىڭ بەلسەندىلىگى تۇرعىسىنان كەشەگى وتكەن قىرعىزستانداعى سايلاۋ وركەنيەتتى تۇردە ءوتتى دەپ سانايمىن. سايلاۋ ناۋقانىنىڭ ءوزى ءبىرتالاي قيىنشىلىقتارعا تاپ بولادى دەگەن جورامالدار قۇدايعا شۇكىر، دالەلدەنبەدى. ال ەندى پارلامەنتتى قانداي پارتيالار جاساقتايدى دەگەنگە كەلسەك، مەنىڭشە، كورشى ەلدەگى ساياسي ەليتالاردىڭ اۋىز بىرلىگى ماڭىزدى. سوندىقتان، ەلدىڭ تاعدىرىن ۇيىمداسا وتىرىپ شەشسە، قۇبا-قۇپ. بىراق، مەنىڭشە، جاعدايدىڭ بىردەن رەتتەلىپ، بىراۋىزدىلىقتىڭ بولاتىنىنا ءجۇز پايىز العىشارت ءالى دە ورناماي وتىر. پارلامەنتتىك جۇيەگە ءوتۋ ءۇشىن دە بەلگىلى ءبىر تاجىربيە كەرەك. ال، قىرعىزستان ونى جيناپ ۇلگەرگەن جوق. قىرعىزستانداعى سوڭعى كەزدە قالىپتاسقان ماسەلەلەردى شەشۋ ءۇشىن جاڭا جۇيە بەلگىلى ءبىر دارەجەدە كەدەرگى كەلتىرۋى مۇمكىن. بۇل ءبىر جاعىنان. ەكىنشى جاعىنان، ورتالىقتاندىرىلعان بيلىك جۇيەسىن السىرەتۋى دە مۇمكىن. بۇرىن ءبىر پرەزيدەنت بولسا، ەندى پارلامەنتتە 110 دەپۋتات بولسا، سونشالىقتى ميني پرەزيدەنتتەر پايدا بولادى دەگەندە جورامالدار ايتىلۋدا.

كورشى ەلدىڭ الەۋمەتتىك-ەكونوميكالىق، ىشكى ساياسي جاعدايى شيەلەنىسە تۇسسە، بۇل البەتتە، قىرعىزستاننىڭ شەكاراسىمەن شەكتەلىپ قالمايدى. ايماقتاعى تۇراقسىزدىقتىڭ السىرەۋىنە ءوزىنىڭ كەرى اسەرىن تيگىزەدى. قازاق -قىرعىز شەكاراسى ارقىلى وتەتىن تاۋار اينالىمى دا شەكتەلدى. بۇلدا ءوز كەزەگىندە بەلگىلى سالالارعا كەرى اسەرىن تيگىزەدى. قىرعىزستاننىڭ سۋ رەسۋرستارى دا ءبىزدىڭ وڭتۇستىك ايماقتارعا كەلىپ تۇرادى. جالپى، ايماقتاعى كەز كەلگەن ماسەلەنى الىپ قارايتىن بولساق، ونى بەس مەملەكەتتىڭ اۋىز بىرلىگىنسىز، وداعىنسىز شەشىلمەيتىنى انىق.

«اباي-اقپارات»