استانا. 28 قازان. قازتاگ – ايناگۇل بەكەەۆا. قر ەكونوميكالىق قىلمىسپەن جانە سىبايلاس جەمقورلىقپەن كۇرەس جونىندەگى اگەنتتىگى (قارجى پوليتسياسى) قر بۇرىنعى دەنساۋلىق ساقتاۋ ءمينيسترى جاقسىلىق دوسقاليەۆتىڭ ادۆوكاتتارىنىڭ سوت-مەديتسينالىق ساراپتاما جاساۋ تۋرالى ءوتىنىشىن قاناعاتتاندىردى، دەپ ءمالىم ەتتى ۆەدومستۆونىڭ رەسمي وكىلى مۇرات جۇمانباي.

«سوت-مەديتسينالىق ساراپتاما جاساۋعا نەگىز جوق، ويتكەنى ونىڭ ءوزى شاعىمدانعان جوق (دەنساۋلىعىنىڭ ناشارلاعانى تۋرالى - قازتاگ). دەگەنمەن، بۇل ءىس بويىنشا وبەكتيۆتى تەرگەۋگە جول بەرۋ ءۇشىن ءبىز ونىڭ ادۆوكاتتارىنىڭ سوت-مەديتسينالىق ساراپتاما جاساۋ تۋرالى ءوتىنىشىن قاناعاتتاندىردىق»، - دەدى ول بەيسەنبى كۇنى جۋرناليستەردىڭ سۇراقتارىنا جاۋاپ بەرۋ بارىسىندا.

بۇرىن حابارلانعانداي، ج.دوسقاليەۆتىڭ ادۆوكاتتارى وزدەرىنىڭ قورعاۋىنداعى ازاماتتىڭ دەنساۋلىق جاعدايىن تەكسەرمەستەن، ونى قاماۋعا الىنۋىنا قاتىستى نارازىلىق بىلدىرگەن بولاتىن.  ەكس-ءمينيستردىڭ ادۆوكاتى ەدۋارد شاپيەۆ مادىمدەگەندەي، ولار «بۇلتارتپاۋ شاراسىن ۇيدەگى قاماۋ سياقتى ادامگەرشىلىك جازاعا وزگەرتۋ ءۇشىن سوتتىڭ شەشىمىنە قارسىلىق بىلدىرمەك».

ە. شاپيەۆ ج.دوسقاليەۆتىڭ ادۆوكاتتارىنىڭ قولىندا پارلامەنتتىڭ بىرنەشە دەپۋتاتى بەرگەن قولحاتتار بار، «ولار ونىڭ ەشقايدا قاشىپ كەتپەيتىنىنە، (جاۋاپ بەرۋگە - قازتاگ) كەلىپ تۇراتىنىنا كەپىلدىك بەرەدى».

استانا. 28 قازان. قازتاگ – ايناگۇل بەكەەۆا. قر ەكونوميكالىق قىلمىسپەن جانە سىبايلاس جەمقورلىقپەن كۇرەس جونىندەگى اگەنتتىگى (قارجى پوليتسياسى) قر بۇرىنعى دەنساۋلىق ساقتاۋ ءمينيسترى جاقسىلىق دوسقاليەۆتىڭ ادۆوكاتتارىنىڭ سوت-مەديتسينالىق ساراپتاما جاساۋ تۋرالى ءوتىنىشىن قاناعاتتاندىردى، دەپ ءمالىم ەتتى ۆەدومستۆونىڭ رەسمي وكىلى مۇرات جۇمانباي.

«سوت-مەديتسينالىق ساراپتاما جاساۋعا نەگىز جوق، ويتكەنى ونىڭ ءوزى شاعىمدانعان جوق (دەنساۋلىعىنىڭ ناشارلاعانى تۋرالى - قازتاگ). دەگەنمەن، بۇل ءىس بويىنشا وبەكتيۆتى تەرگەۋگە جول بەرۋ ءۇشىن ءبىز ونىڭ ادۆوكاتتارىنىڭ سوت-مەديتسينالىق ساراپتاما جاساۋ تۋرالى ءوتىنىشىن قاناعاتتاندىردىق»، - دەدى ول بەيسەنبى كۇنى جۋرناليستەردىڭ سۇراقتارىنا جاۋاپ بەرۋ بارىسىندا.

بۇرىن حابارلانعانداي، ج.دوسقاليەۆتىڭ ادۆوكاتتارى وزدەرىنىڭ قورعاۋىنداعى ازاماتتىڭ دەنساۋلىق جاعدايىن تەكسەرمەستەن، ونى قاماۋعا الىنۋىنا قاتىستى نارازىلىق بىلدىرگەن بولاتىن.  ەكس-ءمينيستردىڭ ادۆوكاتى ەدۋارد شاپيەۆ مادىمدەگەندەي، ولار «بۇلتارتپاۋ شاراسىن ۇيدەگى قاماۋ سياقتى ادامگەرشىلىك جازاعا وزگەرتۋ ءۇشىن سوتتىڭ شەشىمىنە قارسىلىق بىلدىرمەك».

ە. شاپيەۆ ج.دوسقاليەۆتىڭ ادۆوكاتتارىنىڭ قولىندا پارلامەنتتىڭ بىرنەشە دەپۋتاتى بەرگەن قولحاتتار بار، «ولار ونىڭ ەشقايدا قاشىپ كەتپەيتىنىنە، (جاۋاپ بەرۋگە - قازتاگ) كەلىپ تۇراتىنىنا كەپىلدىك بەرەدى».

12 قازاندا استانانىڭ №2 سارىارقا اۋداندىق سوتىنىڭ سۋدياسى گالينا بىلقيلوۆا ەكونوميكالىق قىلمىسپەن جانە سىبايلاس جەمقورلىقپەن كۇرەس اگەنتتىگىنىڭ بۇرىنعى دەنساۋلىق ساقتاۋ ءمينيسترى جاقسىلىق دوسقاليەۆتى قاماۋدا ۇستاۋ مەرزىمىن 2 ايعا ۇزارتۋ تۋرالى ءوتىنىشىن قاناعاتتاندىرىپ، ەكس-مينيستر استانانىڭ تەرگەۋ وقشاۋلاعىشىنا اۋىستىرىلعان بولاتىن.

بۇرىن حابارلانعانداي، قارجى پوليتسياسى بۇرىنعى دەنساۋلىق ساقتاۋ ءمينيسترىن 21 قىرقۇيەكتە ۇستاپ، سول كۇنى وعان قاتىستى قىزمەت بابىن اسىرا پايدالانۋ فاكتىسى بويىنشا قىلمىستىق ءىس قوزعالدى.

ۆەدومستۆونىڭ مالىمەتىنشە، 25 قىرقۇيەكتە  ج. دوسقاليەۆ كۇدىكتى رەتىندە استانا ءىىد-ءنىڭ ۋاقىتشا وقشاۋلاعىشىنا قامالدى، ول جەردە ونىڭ قان قىسىمى كوتەرىلىپ، 26 قازاندا ينسۋلت الدى دەپ ۇلتتىق عىلىمي-مەديتسينالىق ورتالىعىنا جەتكىزىلدى.

دارىگەرلەر ونىڭ جاعدايىن وتە اۋىر دەپ باعالادى. وسىعان بايلانىستى 27 قىرقۇيەكتە سارىارقا سوتىنىڭ سۋدياسى قارجى پوليتسياسىنىڭ ج. دوسقاليەۆتى قاماۋعا الۋ تۋرالى ءوتىنىشىن قاناعاتتاندىرعان جوق.

كەيىن قارجى پوليتسياسى كۇدىكتى جاۋاپكەرشىلىكتەن قۇتىلۋ ماقساتىندا وتىرىك اۋىرعان بولىپ جاتقانى تۋرالى مالىمدەمە جاسادى.

ەكس-ءمينيستردىڭ پالاتاسىنا ورناتىلعان جاسىرىن بەينەكامەرامەن جاسالعان بەينەتاسپانىڭ نەگىزىندە اۋداندىق سوتتىڭ سۋدياسى ونى 10 تاۋلىككە قاماۋعا الۋعا سانكتسيا بەردى.

ج.دوسقاليەۆ 2005-2006 جىلدارى قازاق مەديتسينالىق اكادەمياسىنىڭ رەكتورى بولعاندا جول بەرگەن بۇزۋشىلىقتارى ءۇشىن ايىپتالىپ وتىر.

تەرگەۋ مالىمەتىنە سايكەس، ج. دوسقاليەۆ جەكە مۇددەلەرىن كوزدەپ، اكادەميانىڭ جەر تەلىمدەرىندە تۇرعىن ءۇي كەشەندەرىن سالۋ تۋرالى كەلىسىمشارتقا وتىرعان. قۇرىلىستى اياقتاعان كومپانيا ج. دوسقاليەۆتىڭ باس سەنىمحاتى بويىنشا پاتەرلەردى اكادەمياعا قاتىسى جوق ادامدارعا نارىقتىق باعامەن ساتقان. ج. دوسقاليەۆتىڭ ءوزى ەكى پاتەر مەن كوتتەدجگە يە بولعان. اتالعان جەر تەلىمدەرى اكادەميانىڭ وقىتۋشىلارىنا ارنالعان.

مۇنىڭ الدىندا قارجى پوليتسياسى ءمينيستردىڭ تاعى ءبىر زاڭسىز ارەكەتىن جاريالادى. 2009 جىلدىڭ قاراشاسىندا ج. دوسقاليەۆ سىيىمدىلىعى 240 ورىن، قۇنى ت8,5 ملرد بولاتىن جەدەل جاردەم عىلىمي-زەرتتەۋ ينستيتۋتىن ىسكە قوسۋعا بۇيرىق بەرگەن. نىساننىڭ قۇرىلىسى ساپاسىز ورىندالىپ، جابدىقتارى مەن جيھازدارى جەتىسپەگەن. وسىعان قاراماستان ول حالىقارالىق ستاندارتتارعا جاۋاپ بەرەدى دەپ ىسكە قوسىلعان.

سونداي-اق، قارجى پوليتسياسى ج. دوسقاليەۆكە قاتىستى اسا ءىرى كولەمدە پارا الۋ فاكتىسى بويىنشا تاعى ءبىر قىلمىستىق ءىس قوزعادى. ول پارا رەتىندە 6 پاتەر الىپ، بىرەۋىن جاقىن تۋىسىنىڭ اتىنا راسىمدەپ، بەسەۋىن ساتىپ جىبەرگەن.