و زاماندا بۇ زامان ايتىسقا «سامۇرىق-قازىنا» «سپونسور» بولىپ، كورەرمەن رەتىندە قانات ساۋداباەۆ كەلەدى دەگەن وي كىمنىڭ باسىنا كەلگەن دەسەيشى. بىراق، مىنا كۇناھار كوزىمىز ونداي ايتىستى دا كوردى... كەشە كەشكىسىن، دۇرىسى ءتۇن اۋا "تاۋەلسىزدىك تاعىلىمى" اتتى رەسپۋبليكالىق ايتىستىڭ اقتىق سىنى امان-ەسەن، ايقاي-شۋسىز ءوتىپ، جۇلدە تاپسىرۋ ءراسىمى جاسالدى. ايتىستىڭ دەموكراتيالىق پرينتسيپتەرگە، جاريالىلىق ەرەجەلەرىنە ساي وتكەن-وتپەگەنىنە ساراپ جاساماي-اق، ءجۇرسىن ەرماننىڭ «ەندى تۇسىڭەسىزدەر عوي، اعايىن. بۇرىن ايتىستىڭ شەشىمىن ءوزىم شىعارا سالۋشى ەدىم. ەندى مىنە، ايتىستىڭ دا يەسى كوبەيدى. يەسى كوبەيگەندە شەشىمگە كەلۋ دە قيىن ەكەن» دەپ كورەرمەندى كۇلدىرمەك بولعانىن ايتايىق. بىراق، مۇنىسى كۇلكىدەن كەيىسكە كوبىرەك ۇقساپ كەتتى... قايتەسىز ەندى، «مەمايتىستىڭ» مارەسىنە جەتكەن امانجول التاەۆقا بۇل جولى "باس جۇلدە" بۇيىرىپ تۇر ەكەن.

و زاماندا بۇ زامان ايتىسقا «سامۇرىق-قازىنا» «سپونسور» بولىپ، كورەرمەن رەتىندە قانات ساۋداباەۆ كەلەدى دەگەن وي كىمنىڭ باسىنا كەلگەن دەسەيشى. بىراق، مىنا كۇناھار كوزىمىز ونداي ايتىستى دا كوردى... كەشە كەشكىسىن، دۇرىسى ءتۇن اۋا "تاۋەلسىزدىك تاعىلىمى" اتتى رەسپۋبليكالىق ايتىستىڭ اقتىق سىنى امان-ەسەن، ايقاي-شۋسىز ءوتىپ، جۇلدە تاپسىرۋ ءراسىمى جاسالدى. ايتىستىڭ دەموكراتيالىق پرينتسيپتەرگە، جاريالىلىق ەرەجەلەرىنە ساي وتكەن-وتپەگەنىنە ساراپ جاساماي-اق، ءجۇرسىن ەرماننىڭ «ەندى تۇسىڭەسىزدەر عوي، اعايىن. بۇرىن ايتىستىڭ شەشىمىن ءوزىم شىعارا سالۋشى ەدىم. ەندى مىنە، ايتىستىڭ دا يەسى كوبەيدى. يەسى كوبەيگەندە شەشىمگە كەلۋ دە قيىن ەكەن» دەپ كورەرمەندى كۇلدىرمەك بولعانىن ايتايىق. بىراق، مۇنىسى كۇلكىدەن كەيىسكە كوبىرەك ۇقساپ كەتتى... قايتەسىز ەندى، «مەمايتىستىڭ» مارەسىنە جەتكەن امانجول التاەۆقا بۇل جولى "باس جۇلدە" بۇيىرىپ تۇر ەكەن.

سونىمەن بىرگە، سۋ جاڭا «تويوتا لەند-كرۋزەر پرادو» كولىگىنىڭ كىلتىن قالتاسىنا باستى. ال، اينۇر تۇرسىنباەۆا («سۋدزۋكي ۆيتارا»), بەكارىس شويبەكوۆ («نيسسان المەرا») جانە جاس اقىن جانداربەك بۇلعاقوۆ («ميتتسۋبيسي لانتسەر») تيىسىنشە 1-دەن 3-كە دەيىنگى ورىنداردى ءام ماشينەلەردى ءبولىسىپ الدى. قازاقستان حالىقتارى اسسامبلەياسىنىڭ اتىنان ەرالى توعجانوۆتىڭ اقشالاي سىيلىعى سارا توقتامىسوۆا (500 مىڭ تەڭگە) مەن قىزىلجاردان كەلگەن الىبەك سەرعاليەۆكە (500 مىڭ تەڭگە) بەرىلدى. ال، قايرات ساتىبالدى اعامىز «بۇل «نۇر وتاننىڭ» ەمەس، ءوز قالتامنان شىققان قارجىدان» دەپ، مۇحتار نيازوۆ پەن ەركەبۇلان قاينازاروۆتىڭ قولىنا 5 مىڭ دوللاردان ۇستاتتى. قايرەكەننىڭ قايىرىمى ءدىن تۋرالى دۇرىس ايتقان بالعىمبەك يماشوۆ، مۇحتار نيازوۆ، ەركەبۇلان قاينازاروۆتارعا دا ءتۇسىپ، ولارعا ءبىر-ءبىر كولىكتەن اتادى. قانداي ماركا ەكەنى ءبىر قۇداي مەن قايرەكەڭە ايان، بىراق «بەرەمىن» دەدى عوي. وسىدان دا، قۋ ءتىلدى ارىپتەسىمنىڭ «قايرات ساتىبالدى، اقىنداردى ساتىپ الدى» دەپ قاعىتىپ جاتقانى بار.

ال، «ەگەمەن قازاقستان» گازەتىنىڭ اتىنان ەستە قالارلىق سىيلىق بولسىن دەپ ساۋىتبەك ابدراحمانوۆ بالعىنبەك اقىنعا نوۋتبۋك، كەشىرىڭىز نەتبۋك تاپسىردى. بۇلاي شاتاسقان ءبىز ەمەس، وسىنى جاريالاعان، ايتىستىڭ يەسى دەگەن مىرزاتاي جولداسبەكوۆ ەدى... ايىپ بولماسىن، الايدا مىرزاتاي اعامىزدىڭ امانجولعا بۇيىرعان كولىكتىڭ كىلتىمەن قونىراۋلاتا سوعىپ، ءبىراز ويناق سالۋى، ەرسىلەۋ ءجۇرىسى، ءسوزى كورەرمەن اراسىندا ابىڭ-كۇبىڭ اڭگىمەنىڭ وزەگىنە اينالىپ جاتتى. وسىمەن، اۋزىنا نوقتا تۇسكەن ايتىس تا تارقادى. ورىندارىنان مۇحتار قۇل-مۇحاممەد، ماۋلەن اشىمباەۆ پەن ... قاباعىن سول كۇيى اشپاعان قانات ساۋداباەۆ تا تۇرىپ كەتتى.

«اباي-اقپارات»