استانا. 17 جەلتوقسان. قازتاگ – اقش مەملەكەتتىك دەپارتامەنتى استانانى ۆاشينگتوننىڭ اۋعانستان مەن پاكىستانعا قاتىستى جاڭارتىلعان ستراتەگياسى جونىندە پرەزيدەنت باراك وبامانىڭ الداعى جاسايتىن مالىمدەمەسى جايلى حاباردار ەتتى، دەپ حابارلادى قر ءسىم ءباسپاسوز قىزمەتى.

باق ءۇشىن ارنالعان حاباردا اتاپ كورسەتىلگەندەي، 16-شى جەلتوقساندا امەريكاندىق تاراپ باستاماسىمەن قر مەملەكەتتىك حاتشىسى – سىرتقى ىستەر ءمينيسترى قانات ساۋداباەۆ اقش مەملەكەتتىك حاتشىسىنىڭ وڭتۇستىك جانە ورتالىق ازيا ىستەرى جونىندەگى ورىنباسارى روبەرت بلەيكپەن تەلەفون ارقىلى سويلەستى.

«امەريكاندىق ديپلومات اقش باسشىلىعىنىڭ تاپسىرماسىمەن قازاقستاندى ستراتەگيالىق سەرىكتەستەرىنىڭ ءبىرى رەتىندە اقش-تىڭ اۋعانستان مەن پاكىستان جونىندەگى پرەزيدەنت ب. وبامانىڭ الداعى مالىمدەمەسى جايلى حاباردار ەتتى»، - دەلىنگەن تاراتىلعان حاباردا.

ءباسپاسوز قىزمەتى اۋعانستانداعى جاعداي استانادا جەلتوقساننىڭ 1-2-لەرىندە وتكەن ەقىۇ سامميتىندە نەگىزگى تاقىرىپتاردىڭ ءبىرى بولعانىن ەسكە سالادى. «ر. بلەيك ەقىۇ ءسامميتىنىڭ تاماشا ۇيىمداستىرىلۋى مەن تابىستى وتكەنىنە ريزاشىلىعىن ءبىلدىرىپ، قازاقستانعا جانە ونىڭ كوشباسشىسىنا اۋعانستانداعى جاعدايدى تۇراقتاندىرۋعا قوسقان ۇلەسى ءۇشىن العىسىن ايتتى. اتاپ ايتقاندا، قازاقستاننىڭ اۋعان ستۋدەنتتەرىن دايىنداۋدا قوسقان ۇلەسى، سونداي-اق ەلدىڭ اۋعانستانداعى قاۋىپسىزدىككە سەپتىگىن تيگىزەرلىك حالىقارالىق كۇشتەرگە كورسەتكەن قولداۋى ەرەكشە اتاپ ءوتىلدى»، - دەپ حابارلايدى ءباسپاسوز قىزمەتى.

ءوز كەزەگىندە، ق. ساۋداباەۆ ستراتەگيانىڭ اسكەري جانە ازاماتتىق قۇرامداسىن قاتارلاسا الىپ ءجۇرۋ ماڭىزدىلىعىن اتاي وتىرىپ، اۋعانستاندى الەۋمەتتىك-ەكونوميكالىق قالپىنا كەلتىرۋدە بىرتىندەپ جانە جۇيەلى تۇردە كۇش جىگەردى ارتتىرا بەرۋ قاجەتتىلىگىن اتاپ كورسەتتى. ول سونداي-اق امەريكاندىق تاراپقا قازاقستاننىڭ ەقىۇ-داعى توراعالىعىنا كورسەتكەن قولداۋى، اسىرەسە استانا ءسامميتىن وتكىزۋدەگى قولداۋى ءۇشىن ۇلكەن العىسىن ءبىلدىردى.

ءباسپاسوز قىزمەتىنىڭ مالىمەتتەرىنشە، سۇحباتتاسۋشىلار ەكىجاقتى قارىم-قاتىناستىڭ سەرپىندى دامۋىنا قاناعاتتانۋشىلىق بىلدىرە وتىرىپ، ىنتىماقتاستىقتى بۇدان دا دامىتىپ جانە نىعايتا تۇسۋگە اۋقىمدى نەگىز بارلىعىن اتاپ كورسەتتى. بيىل قر پرەزيدەنتى ن. نازارباەۆتىڭ ءساۋىر ايىندا ۆاشينگتونعا ساپارى، ال جەلتوقساندا اقش مەمحاتشىسى ح. كلينتوننىڭ استاناعا ساپارى بولعانى بەلگىلى. «قازاقستان-امەريكان ستراتەگيالىق سەرىكتەستىكتىڭ دامۋىنا جاڭا سەرپىن بەرەتىن ەكى مەملەكەت باسشىلارىنىڭ كەزدەسۋىن وتكىزۋ بويىنشا ۋاعدالاستىقتى ىسكە اسىرۋ قاجەتتىگى اتاپ كورسەتىلدى»، - دەپ حابارلايدى ءباسپاسوز قىزمەتىنەن.