قاراعاندى. 19 جەلتوقسان. قازتاگ – تەمىرتاۋداعى قىسقى باقتا فۋركرويا گۇلدەدى، دەپ قىسقى باق اگرونومى ناتاليا كوسوگورسكوۆا ءمالىم ەتتى.

«وڭتۇستىك برازيادان اكەلىنگەن بۇل ەكزوتيكالىق گۇلدىڭ تاعدىرى - گۇلدەگەن سوڭ - ءولۋ. الىپ فۋركرويا ءبىر رەت قانا گۇلدەيدى دە، ودان سوڭ مىندەتتى تۇردە ولەدى. جاساندى جاعدايدا فۋركرويا ەشۋاقىتتا گۇلدەمەيدى، سوندىقتان بۇل ءبىز ءۇشىن كەرەمەت بولىپ وتىر»، - دەپ ن. كوسوگورسكوۆا قۋانىشىمەن ءبولىستى.

فۋركرويا قالىڭ 8 مەترلىك ساباعى مەن الىپ ەتتى جاپىراعى بار وسىمدىك. 8 مەترلىك بيىكتىكتە ديامەترى نەبارى 2 سم بولاتىن كوپتەگەن گۇل اشادى.

فۋركرويا ومىرىندە ءبىر رەت قانا گۇلدەيدى، ەسەسىنە ول 2-3 اي بويىنا گۇلدەپ تۇرادى.

ول ءوزىنىڭ وتانىندا ەكىنشى ءومىرىن شارۋاشىلىقتا جالعاستىرادى. وڭتۇستىك برازيلياداعى فۋركرويانىڭ كەيبىر ءتۇرىنىڭ جاپىراقتارىنان مىقتى تالشىقتار ءوندىرىلىپ، ونى ارقان ەسۋدە جانە دورەكى ماتا توقۋدا قولدانادى.

تەمىرتاۋداعى قىسقى باقتا العاشقى فۋركرويا 2005-ءشى جىلى گۇلدەگەن. ول وسىمدىك ارنايى 1993-ءشى جىلى قىستا تەمىرتاۋدا قىسقى باق اشىلۋ قۇرمەتىنە اكەلىنگەن. ول 12 جىل ءوسىپ تۇرىپ، گۇلدەدى دە ءولىپ قالعان بولاتىن.