ورىس وفيتسەرىنىڭ مىنا ەستەلىگىن ەرتەرەكتە وقىعان ەدىم.

كۇندەلىگىندە بىلاي دەپ جازىپتى: «قازاقتاردى ءوز باسىم قاتتى قۇرمەتتەيمىن. بىزدە ديۆيزيانى ءجۇز قازاق "ۇستاپ" تۇردى. ىشتەرىندە ەڭ مىقتى بىرەۋى بولدى. ونىڭ ءسوزىن بىردە-ءبىر سولدات، بىردە-ءبىر وفيتسەر جەرگە تاستامايتىن. بىردە، سابەت وداعىنىڭ ۆەتنامعا ەرىكتىلەردى اتتاندىراتىنىن ەستىدىك. سودان، گەنەرال تاڭەرتەڭ ساپ تۇزەگەن سولداتتاردىڭ الدىندا ۆەتنام حالقىنا ءبىزدىڭ كومەگىمىز قاجەت ەكەنىن، كىمنىڭ ول جاققا بارعىسى كەلەتىنىن سۇرادى. انشەيىندە گۋلەپ تۇراتىن پلاتستا جىم-جىرت تىنىشتىق ورنادى. ءبىر كەزدە سارت ەتكەن اياقتىڭ دىبىسى ەستىلدى. قاراساق، الگى قازاق ەكەن. ساپتىڭ الدىنا سۋىرىلىپ شىعىپتى. قالعان 99 قازاق تا ىلە-شالا وعان ىلەسىپ، العا وزدى»...

مۇنداعى ايتپاعىم، سول كەزدەگى قازاقتار مەن قازىرگىلەردىڭ اراسىندا ەداۋىر ايىرماشىلىق بار سياقتى كورىنەدى. قازىر ءبىز سانامىزدى تۇرمىس بيلەپ، سانسىراپ قالعاندايمىز...

جولىمبەت ماكىش

Facebook-تەگى پاراقشاسىنان