«سامۇرىق-قازىنا» اق ەسەپتەرى 2016 جىلدىڭ قورىتىندىسى بويىنشا RAEX «ەكسپەرت را قازاقستان» جىلدىق ەسەپتەر رەيتينگىندە ۇزدىك ۇشتىكتىڭ قاتارىنان كورىنىپ، «قارجىلىق ەمەس سەكتورداعى ۇزدىك جىلدىق ەسەپ» نوميناتسياسى بويىنشا ءبىرىنشى ورىن يەلەندى. كومپانيا قىزمەتىنىڭ بارلىق نەگىزگى اسپەكتىلەرى ورتالىق تاقىرىپتىڭ پريزماسى ارقىلى انىقتالادى — مازمۇنى مەن ۆيزۋالدىق بەزەندىرىلۋىندە PRIME كورپوراتيۆتىك قۇندىلىقتار جۇيەسى ۇسىنىلادى.

وسى جىلدىڭ ماڭىزدى جاڭالىعى تۇراقتى دامۋ سالاسىنداعى قىزمەتى تۋرالى جەكە ەسەبىن قوردىڭ جىلدىق ەسەپتەر جيىنتىعىنا قوسۋى بولدى. قۇجاتتا كومپانيانىڭ قابىلداعان تۇجىرىمدامالارى شەڭبەرىندە جۇزەگە اسىرىلاتىن سەگىز نەگىزگى باستامالار كورسەتىلگەن. ەسەپتىڭ ديزاينى مەن اناليتيكالىق ءبولىمى ارقىلى قور كورپوراتيۆتىك مادەنيەت ماسەلەلەرى ۇيىمنىڭ تۇراقتى دامۋىنىڭ نەگىزى، ءارى قىزمەتتىڭ ەكونوميكالىق، ەكولوگيالىق جانە الەۋمەتتىك اسپەكتىلەرىن باسقارۋداعى ماڭىزدى بۋىنى بولاتىندىعى جايلى اقپارات تاراتادى.

نەگىزگى جەتىستىكتەر

بيزنەس-مودەلدى اشىپ كورسەتۋ. قور ءوزىنىڭ جىلدىق ەسەبىنە ۇيىمنىڭ نەگىزگى قۇندىلىقتارىن، جۇمىستىڭ باعىتتارىن جانە تۋىندايتىن قوسىمشا قۇندى سيپاتتايتىن بيزنەس-مودەل تۋرالى اقپارات قوستى. بۇل ۇلگى – ەسەپتەگى كەيىنگى اقپاراتتاردى جاقسىراق ءتۇسىنۋدىڭ ماڭىزدى جولى.

سىرتقى ورتاعا شولۋ. جىلدىق ەسەپتە ەكونوميكاعا بارىنشا ساپالى تالداۋ جاسالعان، جاعىمدى ساتتەردىڭ ءبىرى – ەسەپتىك جىلداعى ەكونوميكالىق ءوسۋ كوزدەرىن جانە 2017-2021 جىلدارعا ارنالعان پەرسپەكتيۆالاردى ايىرىقشا كورسەتۋى.  قىسقا مەرزىمدىك تۇرعىدا ەكونوميكاعا اسەر ەتۋى مۇمكىن فاكتورلار كەلتىرىلگەندىگى دە ەرەكشە ماڭىزعا يە.

دامۋ ستراتەگياسى جانە پاك. قور ءوزىنىڭ دامۋ ستراتەگياسىن تىڭعىلىقتى تۇردە ۇسىنادى، سونىڭ ىشىندە 2017-2021 جىلدارعا ارنالعان ستراتەگيالىق ماقساتتار مەن بيزنەس - تاپسىرمالار بويىنشا قىزمەتىڭ نەگىزگى كورسەتكىشتەرىن اشىپ كورسەتۋىمەن ەسەپ ەرەكشەلەنەدى. وندىرىستىك كومپانيالاردى باسقارۋشى قور قىزمەتىنىڭ ماڭىزدى قۇرامداس بولىگى رەتىندە ءىرى  ينۆەستيتسيالىق جوبالاردى ىسكە اسىرۋعا باسا نازار اۋدارىلدى.

بيزنەس جانە قارجىلىق شولۋ. جىلدىق ەسەپ قىزمەتتىڭ وپەراتسيالىق جانە قارجىلىق ناتيجەلەرىن ساپالى تۇردە اشىپ كورسەتۋدى قامتيدى. قور ينفوگرافيكا ارقىلى تسيفرلار مەن دەرەكتەردى  ۇسىنۋ جانە مەنەدجەرلەردىڭ ساراپتامالىق تۇسىنىكتەمەلەرىن كەلتىرۋ ارقىلى جۇمىسىنىڭ نەگىزگى باعىتتارى بويىنشا ەسەپ بەرەدى. نەگىزگى ستەيكحولدەرلەر مەن ماقساتتى اۋديتوريالارعا باسىمدىلىقتار قويۋعا جانە نەگىزگى حابارلامالاردى جەتكىزۋگە مۇمكىندىك بەرە وتىرىپ، بۇكىل قۇجات بويىنشا باستى ۇستانىمدار ايقىندالعان.

قارجىلىق تالداۋ. ەسەپتىڭ بۇل ماڭىزدى بولىگىندە كومپانيا قىزمەتىنىڭ تيىمدىلىگى مەن قارجىلىق تۇراقتىلىعىنىڭ نەگىزگى كورسەتكىشتەرى كەلتىرىلگەن، كىرىستەر مەن كاپيتال قۇرىلىمى ءتارىزدى پارامەترلەر جان-جاقتى سيپاتتالعان. قارجىلىق ەسەپتىڭ تولىق جيىنتىعى جەكە كىتاپ رەتىندە قوسا بەرىلەدى.

تۇراقتىلىق تۋرالى ەسەپ جاھاندىق ەسەپتىلىك باستاماسىنىڭ (GRI) G4 نۇسقاۋلىقتارىنا سايكەس ۇسىنىلعان. قۇجات كومپانيانىڭ تۇراقتى دامۋ اۋماعىنىڭ ساياساتىن جانە وسى سالاداعى نەگىزگى باستامالارىن كورسەتەدى. مۇددەلى تاراپتارمەن ءوزارا ارەكەت ۇدەرىسى تولىقتاي اشىلدى جانە قىزمەتكەرلەردى دامىتۋ مەن ەتيكا ماسەلەلەرى جاريالاندى. دامۋدىڭ الەۋمەتتىك جانە ەكولوگيالىق فاكتورلارىمەن قاتار، سىرتقى ورتامەن ءوزارا ارەكەتتەسۋدىڭ ەكونوميكالىق اسپەكتىلەرىنە نازار اۋدارىلدى. اتاپ ايتقاندا، ساتىپ الۋ جانە جەتكىزۋشىلەرمەن جۇمىس ىستەۋ، سونداي-اق وسى سالادا جۇزەگە اسىرىلاتىن جاڭاشىلىقتار سيپاتتالدى.

قوردىڭ جىلدىق ەسەبىنىڭ بارلىق نەگىزگى بولىمدەرى حالىقارالىق اقپاراتتىق اشىقتىق تاجىريبەسىنە سايكەس جاسالدى، ءارى قابىلدانعان اشىقتىق پەن جاريالىلىق ستاندارتتارىن ۇستانۋعا ۇيىمنىڭ ۇمتىلىسىن كورسەتەدى. نەگىزگى قارجىلىق جانە قارجىلىق ەمەس پاك تۋرالى ۇسىنىلعان بارلىق اقپاراتتار گرافيكالىق تۇردە قۇرىلىمدالىپ، سوڭعى ءۇش جىلداعى ديناميكادا كورسەتىلگەندىكتەن، وقىرماندار مەن ساراپشىلارعا جالپى جانە بەلگىلى باعىتتار مەن باعدارلامالار بويىنشا كومپانيا قىزمەتىن كورۋگە مۇمكىندىك بەرەدى.