ناعاشىباي قابىلبەك. بيلىك ايبەكتى «جەر اۋداردى» ما؟
ايبەك قاليەۆتى كوپشىلىككە تانىستىرىپ جاتۋدىڭ ءوزى ارتىق. كيەلى تورعاي وڭىرىندە دۇنيەگە كەلگەن ول بالا تاي كەزىندە توپ جارسا، ەسەيە كەلە الاماندا ات وزدىردى. حالىقارالىق جانە رەسپۋبليكالىق ايتىستارعا قاتىسىپ بىرنەشە دۇركىن جەڭىمپاز اتاندى. ەلدىڭ قۇرمەتىنە بولەنگەن تاڭداۋلى ايتىسكەر اقىنداردىڭ ءبىرى. ەۋرازيا ۋنيۆەرسيتەتىندە قىزمەت جاساعان جىلدارى قازاقتىڭ جاقسى-جايساڭدارىنىڭ الدىن كورىپ، ءتالىم-تاربيە العانىن ماقتانىشپەن ايتادى اقىن. قارا قىلدى قاق جاراتىن تۋراشىلدىعىمەن القالى توپتا تانىلعان ايبەك قاليەۆ استانادان ارقالىققا قونىس اۋدارعالى دا ءبىراز بولدى. بۇگىندەرى ارقالىق مەملەكەتتىك پەدوگوگيكالىق ينستيتۋتىندا پەداگوگيكا جانە فيلولوگيا فاكۋلتەتىنىڭ دەكانى. جۋىردا ارقالى اقىننان سۇحبات الۋدىڭ ءساتى ءتۇستى.
- ايەكە، كوپشىلىك ءسىزدى سەرتكە ۇستاعان الماس قىلىشتاي كورەدى. قاي ايتىستا بولماسىن كەسىپ ايتاسىز. شىندىقتى الماس قىلىشتاي جارقىلداتىپ الىپ ءجۇرۋ ءبىر ونەر. دەگەنمەن، قاپى كەتىپ ءوز دەنەمدى جاراقاتتاپ الامىن-اۋ دەپ قورىقپايسىز با؟
ايبەك قاليەۆتى كوپشىلىككە تانىستىرىپ جاتۋدىڭ ءوزى ارتىق. كيەلى تورعاي وڭىرىندە دۇنيەگە كەلگەن ول بالا تاي كەزىندە توپ جارسا، ەسەيە كەلە الاماندا ات وزدىردى. حالىقارالىق جانە رەسپۋبليكالىق ايتىستارعا قاتىسىپ بىرنەشە دۇركىن جەڭىمپاز اتاندى. ەلدىڭ قۇرمەتىنە بولەنگەن تاڭداۋلى ايتىسكەر اقىنداردىڭ ءبىرى. ەۋرازيا ۋنيۆەرسيتەتىندە قىزمەت جاساعان جىلدارى قازاقتىڭ جاقسى-جايساڭدارىنىڭ الدىن كورىپ، ءتالىم-تاربيە العانىن ماقتانىشپەن ايتادى اقىن. قارا قىلدى قاق جاراتىن تۋراشىلدىعىمەن القالى توپتا تانىلعان ايبەك قاليەۆ استانادان ارقالىققا قونىس اۋدارعالى دا ءبىراز بولدى. بۇگىندەرى ارقالىق مەملەكەتتىك پەدوگوگيكالىق ينستيتۋتىندا پەداگوگيكا جانە فيلولوگيا فاكۋلتەتىنىڭ دەكانى. جۋىردا ارقالى اقىننان سۇحبات الۋدىڭ ءساتى ءتۇستى.
- ايەكە، كوپشىلىك ءسىزدى سەرتكە ۇستاعان الماس قىلىشتاي كورەدى. قاي ايتىستا بولماسىن كەسىپ ايتاسىز. شىندىقتى الماس قىلىشتاي جارقىلداتىپ الىپ ءجۇرۋ ءبىر ونەر. دەگەنمەن، قاپى كەتىپ ءوز دەنەمدى جاراقاتتاپ الامىن-اۋ دەپ قورىقپايسىز با؟
- ءسوزىڭىزدىڭ استارىن ءتۇسىنىپ وتىرمىن. سوندىقتان كەڭ اۋقىمدا جاۋاپ بەرىپ كورەيىن. حالىقتىڭ الدىنا ايتىسۋعا شىققان سوڭ، قالجىڭعا سۇيەنىپ، قارسىلاسىمدى قاعىتا بەرگەنشە، كوكەيىمدە جۇرگەن ويلاردى بۇكپەي اشىق ايتقىم كەلەدى. بۇل ءcوزىم ايتىستا ءازىل كەرەك ەمەس دەگەندى بىلدىرمەيدى. ورنىمەن ايتىلعان شىمشىما ءازىل ايتىستىڭ ءسانى عوي. استارلى ازىلىمەن-اق قوعامنىڭ جاندى جەرىنەن «قىرشىپ الاتىن» اقىندار كوپ ارامىزدا. اقيقاتقا شولىركەگەن حالىق ءوزىڭىز ايتقان الماس قىلىش - شىندىقتى جانىپ الاتىن تاس قايراق. ارزان ءازىل مەن كەسەك ءسوزدىڭ ءدامىن ايىرا بىلەتىن سولار. حالىققا جاعامىن دەپ قۇر بوسقا توپەلەي بەرۋ اقىنعا ابىروي اپەرمەيدى. راس، كەيدە جان سارايىمنىڭ زىندانىندا جاتقان اششى مىسقىلدار بوستاندىققا شىعىپ، ەركىمە باعىنباي كەتەتىن كەزدەر ءجيى كەزدەسەدى. سونداي ساتتەردە بيلىك باسىندا وتىرعاندار مەنى وپپوزيتسيونەرلەردىڭ قاتارىنا قوسىپ جىبەرەدى. ول از دەسەڭ جەتكەن جەتىستىكتەردى كورمەيتىن كورسوقىر، جاسالىپ جاتقان جاقسى ىستەردى باعالامايتىن قيالي، «اسان قايعى»، «جىلاۋىق» دەپ اتاعاندار دا بولعان. ولارعا نە ايتارسىڭ؟ اقتالىپ اعىمنىن جارىلعىم كەلمەيدى. بيلىكتى ماقتاپ، قول جەتكىزگەن تولاعاي تابىستاردى مەنسىز دە جىرعا قوساتىندار جەتكىلىكتى. ماڭدايالدى «ەگەمەن قازاقستان» گازەتى، كوشباسشى «حابار» مەن «قازاقستان» ارنالارى «ماقتاۋدان» جارىسقا ءتۇسىپ جاتىر ەمەس پە؟ مەنىڭ ولقى جەرىمدى تولتىرىپ جاتقانى ءۇشىن ولارعا «راحمەت» ايتامىن. بىراق قۇر ماقتاۋدان حالىقتىڭ قۇلاعى سارسىپ بىتكەنىن ەسكەرمەيتىنى جانىما باتادى. سوندىقتان الماس قىلىشتاي جارقىلداعان شىندىقتىڭ ءبىر سىلتەنۋى كەرەك توعىشارلارعا. كىمنىڭ قولىمەن بولسا دا.
بيلىكتى مۇقاتىپ ۇپاي جيناۋ ماقساتىم ەمەس. بىراق كوزگە شىققان سۇيەلدەي كورىنىپ تۇرعان ءمىندى اينالىپ وتە المايتىنىم راس. ادىلەتسىز ايتىلعان سىننىڭ ءوزى جانىڭدى جارالاپ كەتىپ جاتادى. وعان قاراعاندا بيلىك ماعان «وڭ» قاباق تانىتىپ ءجۇر. قاتتى ايتتىڭ دەپ اباقتىعا قاماپ، سوزىمە شەكتەۋ قويىپ كورگەن ەمەس. ءار نارسە ءوز ۋاقىتىندا ايتىلۋى كەرەك. مىسالى، ءبىزدىڭ پرەزيدەنت ورنىنان كەتسە، بۇگىنگى كوپىرتە ماقتاپ جۇرگەندەر ءبىرىنشى بولىپ داتتاۋدى باستايدى. ال، سول كۇنى ەلباسىمىزدىڭ جاساعان جاقسى ىستەرىن ايتۋدى مەن دە قولعا الامىن.
- لاپىلداعان ايتىستىڭ جالىنى بيلىكتىڭ «ماياسىنا» شاپشىپ كەتكەسىن ءسوندىرىلدى. اركىم ءار ساققا جۇگىرتتى. ايتىستىڭ «وبالىنا» ايبەك قالدى، ەلباسىعا دات ايتىپ نەسى بار ەدى دەگەندەرگە نە ايتار ەدىڭىز؟
- ايتىس حالىقتىق ونەر. كيەلى ونەردى ەشكىمنىڭ دە مەنشىكتەۋگە حاقىسى جوق. بىزگە دەيىن دە ايتىس ارقىلى قوعامنىڭ تىنىس-تىرشىلىگى حالىقتىڭ قۇلاعىنا اقىنداردىڭ اۋزىمەن جەتىپ وتىرعان. قياداعىنى قيىپ تۇسەتىن قىرعي اقىنداردىڭ ارتىقشىلىعى دا وسىندا. بىراق، سول زامانداردا «توسكە ورلەپ» كەتتىڭ دەپ، ايتىستىڭ قول اياعىن «كىسەندەپ» تاستاعان كەز بولماپتى. جارايدى، ايتىستىڭ توقتاۋىنا كىنالى مەن بولسام، ايتىس نەگە «تاياق» جەۋى كەرەك. «تاز اشۋىن تىرناپ الادىنىڭ» كەبى ەمەس پە بۇل. مەنىڭشە ايتىستىڭ توقتاتىلۋىنا مىنا جايتتار سەبەپ بولعان ءتارىزدى. بۇگىنگى ايتىس اقىندارىنىڭ كوبىنىڭ وي-ءورىسى وتە جوعارى. ولار قوعامدىق ساياسي ومىردەگى كەلەڭسىزدىكتەرمەن ۇنەمى بەتپە-بەت كەلىپ وتىرادى. سوندىقتان كۇردەلى-كۇردەلى قوعامدىق ماسەلەلەردى ايتىس ساحناسىندا كوتەرۋ بەلەڭ الا باستادى. بۇل حالىققا ۇنادى. بيلىك ءىشىن تارتىپ قالدى. شەڭبەردەن شىعىپ كەتكەن اقىندار حالىقتىڭ «كوزىن» اشىپ، باعىتىنان تايدىرىپ جىبەرەتىندەي ۇرەي بيلەدى. ويتكەنى، ءبىزدىڭ بيلىك شىندىقتىڭ جۇزىنە تۋرا قاراي الماي كەلەدى. بيلىكتىڭ بەر جاعىندا جۇرگەن جىلپوس اعالارىمىزدىڭ ادرەسىنە ايتىلعان كەيبىر سىندار، جوعارىعا «ساقال-مۇرتى» ءوسىپ، ادام «شوشىرلىق» كەيىپتە انايىلاۋ جەتىپ جاتتى. بۇل مەنىڭ جەكە پىكىرىم.
- حالىقتىڭ ويىنداعىسىن ايتامىن دەپ بيلىك تاراپىنان ەسكەرتۋ العان كەزىڭىز بولدى ما؟
- ارنايى شاقىرتىپ الىپ ءتىلىڭدى تارتا سويلە دەپ قىسىم جاساعان، ءدوڭ ايبات كورسەتكەن كەزدەرى بولعان ەمەس. ال تەلەفون ارقىلى «بالا ءتىلىڭدى تارتا سويلەسەڭ قالاي بولادى، ءالى دە كورەر قىزىعىڭ كوپ، بيلىكتىڭ جاعاسىنا جارماسا بەرىپ قايتەسىڭ» دەگەن سارىنداعى ەسكەرتۋلەر ءجيى بولىپ تۇراتىن. مۇنىڭ ءبارى جۇيكەگە اسەر ەتپەي تۇرمايدى عوي. سىن-قامشىنىڭ ۇشى ءتيىپ كەتكەن جەكەلەگەن تۇلعالار دا وكپە رەنىشىن ايتىپ جاتاتىن. - - -- --- ءجۇرسىن ەرمان ءبىر سۇحباتىندا «ايبەك الماتىدا وتكەن «باس كەسپەك بولسادا ءتىل كەسپەك جوق» دەگەن ايتىستا قاتتى كەتتى» دەگەندى ايتتى. ۇستازىڭىز شوشيتىنداي نە ءبۇلدىردىڭىز؟
- الماتىداعى الگى ايتىستا شەكتەن شىعىپ كەتتى دەگەنگە كەلىسپەيمىن. بىرەۋدىڭ باسىن جارىپ، كوزىن شىعاراتىنداي ءسوز ايتىلماعان سياقتى.شىندىقتىڭ بەتىنە تىكتەپ قاراۋعا ەكىنىڭ ءبىرىنىڭ ءجۇزى شىدامايدى عوي. بالكىم جوعارىعا جۇمباقتاماي تۋرا جاساعان سوققىلارىم ۇناماعان شىعار. بىراق حالىقتان ەشكىم اۋليە ەمەس. كىم نە دەسە و دەسىن، سول جولعى ايتىس حالىقتىڭ كوڭىلىنەن شىققانىنا سەنىمدىمىن.
- ايبەك استانانىڭ تورىندەگى جايلى جۇمىسىنان ارقالىققا نەگە «جەر اۋدارىلدى؟». «ارقادا كۇن جىلى بولسا ارقار اۋىپ نەسى بار» دەگەندەي، ەل اراسىندا ءارتۇرلى الىپقاشتى اڭگىمە جەلدەي ەسىپ ءجۇر. وسىنىڭ ناقتى جاۋابىن ءوز اۋزىڭىزدان ەستىسەك؟
- مەنىڭ استانادان كەتۋىمنەن ساياسات ىزدەۋدىڭ قاجەتى جوق. ەلدەگى ازاماتتار بىرگە قىزمەت جاساۋعا شاقىردى. ارقالىقتاعى ىبىراي التىنسارين اتىنداعى پەدوگوگيكالىق ينستيتۋت وسى ايماقتاعى ءبىلىمنىڭ قارا شاڭىراعى سانالادى. ءانابىر جىلدارى وسى ءبىلىم ورداسىنىڭ جاعدايى تومەندەپ، بەدەلىنىڭ تۇسىڭكىرەپ كەتكەنىن جاسىرۋعا بولماس. وقىرمان جاعىمپازدىق دەپ تۇسىنبەسىن، وسى ورداعا جاڭا كەلگەن رەكتور جاسۇلان شايماردانوۆ قىرۋار ەڭبەك ءسىڭىرىپ ەكى-ءۇش جىلدىڭ اينالاسىندا ينستيتۋتتى ادام تانىماستاي ەتىپ وزگەرتتى. رەسپۋبليكاداعى القالى جيىنداردا ينستيتۋتتىڭ اتى ۇلگى رەتىندە اتالا باستادى. قازىر جوعارى وقۋ ورىندارىندا عىلىمي دارەجەسى بار مامانداردىڭ سانىن ارتتىرۋ جولعا قويىلىپ كەلەدى. سول سەبەپتى جاسۇلان قۇدايبەرگەنۇلى دا عىلىمي دارەجەسى بار جاستاردى جيناپ، قىزمەتكە شاقىردى. ءوزىڭىز بىلەسىز، وبلىس جابىلعاننان كەيىن ارقالىقتىڭ جاعدايى كۇرت قيىنداپ كەتكەنىن. جارتىسىنان جۋىعى قيراپ، سوعىستان كەيىنگى گروزنىي قالاسىن ەسكە تۇسىرەتىن ارقالىقتان عىلىم كانديداتتارى تۇگىل، وزگە ايماقتاردان كەلگەن ستۋدەنتتەر دە شوشىنىپ قايتىپ كەتىپ جاتىر. ارقالىققا ەشكىمنىڭ كەلگىسى كەلمەيتىنى دە راس. رەكتورىمىز ەڭ اۋەلى وسى ەلدەن شىققان ازاماتتارعا قولقا سالدى. سونداي شاقىرتۋدىڭ ءبىرى ماعان دا ءتۇستى. تورعاي ءوڭىرى تالانتتىلاردان ەشقاشان كەندە بولماعان. دارىندى جاستار لەگى ءوسىپ كەلەدى. ءوزىمنىڭ تۋعان جەرىمدە قىزمەت جاساپ، سولارعا باعىت-باعدار بەرىپ، ءۇزىلىپ قالا جازداعان تورعاي اقىندىق مەكتەبىنىڭ ءداستۇرىن جالعاستىرعىم كەلدى. كوپ ويلانباستان ارقالىققا ات باسىن بۇرعانىم سوندىقتان. بيلىك مەنى «جەر اۋدارىپ» جىبەردى دەگەن وتىرىك.
- ەلىمىزدە ءسوز بوستاندىعى بار ما؟ بولسا قانشالىقتى دارەجەدە دەپ ويلايسىز؟
- بىزدە ءسوز بوستاندىعى جوق.
- بۇلاي كەسىپ ايتۋىڭىزعا نە سەبەپ؟
- وعان سەبەپتى الىستان ىزدەپ اۋرە بولۋدىڭ قاجەتى شامالى. كەشەگى تاۋەلسىزدىك كۇنىنە ارنالعان ايتىستا اقىنداردىڭ اۋزىنا قاقپاق قويىلىپ، قىرىن كەتىپ بارا جاتقاندارعا ەسكەرتۋ ايتىلىپ وتىرعانىن ەستىپ جاتىرمىز. كەيبىر اقىندار بۇيتە بەرسە، مۇنداي ايتىسقا قاتىسپايمىز دەپ جاتىر. شىن تاۋەلسىزدىكتىڭ شىنايى سالماعىن ماقتاۋ ارقىلى جەتكىزۋ ەشكىمگە وپا بەرمەيدى. ايرانداي ۇيىعان رەسپۋبليكالاردىڭ ىرۋىنە جەلتوقسان وقيعاسى سەبەپكەر بولدى. سويتە تۇرا، ءبىز تاۋەلسىزدىگىمىزدى ەڭ سوڭىندا جاريالادىق. ارادا 20 جىل وتسە دە ءتىل مەن ءدىلدىڭ تاۋەلسىزدىك العانى كۇماندى. ءالى كۇنگە قىلقان جاپىراقتىڭ تاساسىندا تاۋەلسىزدىگىمىز تويلانىپ كەلەدى. ءدال وسىلاي جۇرە بەرسەك ءالى دە تويلانا بەرمەك. جاي عانا مىسال. تاۋەلسىزدىك ەلىمىزدىڭ باستى مەيرامى - ۇلىق مەرەكە. ونىڭ الدىنا قارا سالۋعا بولمايدى. سويتە تۇرا 25-قاراشا كۇنى جاڭا جىلدىڭ شىرشا اشىلدى. بۇل جاڭا جىلدى تويلاۋدى باستاي بەرىڭدەر دەگەن يشارا. سول-اق ەكەن تاۋەلسىزدىك مەيرامىنا بولىنگەن جارنامالاردى جاڭا جىلدىڭ ۇراندارى باسىپ كەتتى. ۇلىق مەرەكە جايىنا قالدى. ءبىز وسى جامان ادەتتەن ارىلۋىمىز كەرەك. جاڭا جىلدىڭ تاۋەلسىزدىككە «ميىعىنان» كۇلۋى وسكەلەڭ ۇرپاققا قانداي تاربيە بەرمەك. ول از دەسەڭ بيىل ۇيالى بايلانىس توراپتارى تاۋەلسىزدىك قارساڭىندا قالتا تەلەفوندارىنا قۇتتىقتاۋ جىبەرۋگە جارامادى. ەگەر قۇتتىقتاپ جاتسا ەلدىڭ مەرەيى ەمەس پە؟ قازاقتىڭ كەڭىستىگىنەن سورعالاتىپ پايدا تاۋىپ وتىرعاندار جەمە-جەمگە كەلگەندە مىسىق قۇساپ كوزدەرىن جۇما قالدى. تاۋەلسىزدىك قاتارداعى مەرەكەلەردەي جاي عانا اتالىپ ءوتتى. استانانىڭ تورىندە دۇبىرلەپ وتكەن ايتىستا وسىلاردى كوزگە شۇقىپ ايتۋعا بولماس پا ەدى؟ ولەڭ دەگەن وسەكشىنى دوس ەتكەن اقىنداردى وڭاشالاپ تەزگە سالۋ كىمگە كەرەك بولدى ەكەن. بىزدە ناۋقانشىلدىق ءالى قالماي كەلەدى. بيىل دا بىلتىرعى قويىلىم قايتالاندى. باسقا ستسەناري بويىنشا.
اقىنداردى اۋىزدىقتاپ الىپ، «تەرەڭنەن» قوپارىپ سويلەۋگە شەكتەۋ قويۋ، كەيبىر اقىنداردى ەقىۇ تۋرالى ايتۋعا يتەرمەلەۋ، قورقىتىپ-ۇركىتۋ تىڭدار قۇلاققا ەرسى. اقىنداردىڭ اۋزىنا قاقپاق قويعان جەردە ءسوز بوستاندىعى جايلى اڭگىمە قوزعاۋ ۇيات.
- تاۋەلسىزدىككە ارنالعان ايتىسقا سىن ايتۋىڭىزعا قاراعاندا شاقىرتۋ الماعانىڭىزعا وكپەلى سياقتىسىز؟
- جوعا. ءجۇرسىن ەرمان اعام حابارلاسىپ، ايتىس جايلى قۇلاعدار ەتكەن. بىراق كەيىن مينيسترلىكتەگى ساراپتاۋدان وتپەي قالعانىمدى ەستىدىم. ءبىر جاعىنان بۇل ايتىستى ۇكىمەت وتكىزسە، اۋىزعا قاقپاق قويىلاتىنىن سەزدىم. قاتىسۋعا دا اسا قۇلىقتى بولا قويعان جوقپىن. ءجۇرسىن اعاما ءوز ورنىما توبا وتەپباەۆ اتتى شاكىرتىمنىڭ قاتىستىرۋ جايىندا ءوتىنىش ايتتىم.
- ايتىسقا قاتىسپاساڭ دا كوپ جايتتاردان حاباردار سەكىلدىسىڭ؟
- ءيا، اقىن دوستارىم حابارلاسىپ تۇردى. ايتىس بارىسىندا نەنى ايتۋ، نەنى ايتپاۋ تۋراسىندا نۇسقاۋ بەرىلىپ وتىرعان سەكىلدى. ولاردىڭ سوزدەرىنەن ۇققانىم ەگەر كەلەسى ايتىس ءدال وسى سارىندا وتەتىن بولسا ايتىسۋدان باس تارتپاق نيەتتەرى بار.
- ايتىس بيلىكتىڭ قولىنا كوشە باستاعانداي. بۇلبۇلدىڭ دا جەمساۋى بار دەگەندەي اقىنداردىڭدا بالا-شاعاسى، اسقازانى بار. كەلەشەكتە ساراي اقىندارىنىڭ كوبەيۋى مۇمكىن بە؟
- ايتىستى بيلىك ءوز قولىنا العاننان كەيىن قانشالىقتى دارەجەدە وتكەنىنە حالىق سىنشى عوي. جاقىندا «جاقسىلىقتىڭ جارشىسى» «حابار» ارناسى ازۋلى كورىنىستەردىڭ «ءتىسىن» قاعىپ الىپ، سۇلۋ سوزدەردىڭ بەت اۋىزىن «وپالاپ» كورسەتتى. دەگەنمەن، بيلىك ءوزىنىڭ قامشىسىمەن جاسقاپ مەنىڭ ءسوزىمدى سويلە دەپ كۇشتەپ وتىرسا، ايتىستىڭ توقىراۋ كەزەڭى باستالادى. قۇر قۇلقىن ءۇشىن ايتىستان حالىق تا جالىعادى. ايتىستان ءسان كەتەدى. كەڭ سارايلارعا حالىقتى جيناۋدىڭ ءبىر ءادىسىن بيلىك تابار، بىراق ولاردىڭ جۇرەگىنە جول تابۋ ءاي، قيىن بولار. ساراي اقىندارى جايلى ءسوز باسقا. ولار قاي زاماندا دا بولعان. جانە بولا بەرەدى. قولدان جەم جەگەن قىراننىڭ بابى كەتىپ، باعى تايسا تىشقان اۋلاسا دا كۇنىن كورەدى. ال تەكتىلەرى قورلىققا شىداماي وزدەرىنە ادال ۇكىم شىعاردى؟ اقىنداردىڭ دا ارلىلارى، تەكتىلەرى بار. وعان ۋاقىت تارازى.
- بيلىك ايتىستان شەتتەتە بەرسە «اساۋ» ايبەكتىڭ «جۋاسىپ» نوقتاعا باسىن ءيۋى مۇمكىن بە؟
- ساحنادا ءار اقىن ءوزىنىڭ شىنايى بەت بەينەسىن كورسەتەدى. بيلىكتىڭ ءبىر جۇلدەسى ءۇشىن ءسوزىن سويلەپ كەتسەم حالىققا قارايتىن بەت قالمايدى عوي مەندە. سوندىقتان بيلىكتىڭ ءبىر العىسىن الامىن دەپ حالىقتىڭ قارعىسىن ارقالاعىم كەلمەيدى.
- اڭگىمەڭىزگە راحمەت!
