قازاقستان مەن رەسەي بىرلەسكەن اۋە قورعانىس جۇيەسىن قۇرۋعا ۋاعدالاستى. ەكىجاقتى كەلىسىمگە سايكەس ماسكەۋ استاناعا بىرنەشە س-300 اۋە قورعانىس جۇيەسىن بەرەدى دەگەن اقپارات تاراتتى Jamestown («دجەيمستاۋن») قورى.

شىنى كەرەك، ءبىرشاما جەڭىلدەتىلگەن باعامەن قازاقستان دا بۇعان دەيىن رەسەي قارۋلارىن الىپ كەلگەن. بىراق بۇل جولعى كەلىسىمنىڭ ءجونى مۇلدە بولەك بوپ تۇر. ويتكەنى قارۋ ساتىپ الۋ مەن «بىرلەسىپ قورعانۋدىڭ» ءمانىن ءتۇسىنۋ قيىن ەمەس. «كىم قورعايدى، كىمنەن قورعايدى؟» - دەپ، «ازاتتىق» راديوسى ساۋالعا ساراپ جاساۋعا تىرىسۋدا.

ەندى وسى جەردە اۋەنىڭ «بيلىگىن» نەگە ورىستارعا ۇستاتتىق دەگەننەن گورى، رەسەي نەگە قازاقستان اسپانىن قورعاۋعا قۇشتار دەگەن ساۋال توڭىرەگىندە ويلانعان ءجون سەكىلدى. ەستەرىڭىزدە بولسا، اقش پەن قازاقستان كاسپي باعدارلاماسى شەڭبەرىندە بىرلەسكەن اۋە كەڭىستىگىن قۇرۋ، تەڭىزدىك شەكارا ايماعىندا باقىلاۋ ورناتۋ، يرانمەن شەكاراداعى قاۋىپسىزدىكتى كۇشەيتۋ تۋراسىنداعى ىنتىماقتاستىقتىڭ جاي-كۇيىن تالقىلاۋ جونىندە (2008 جىلى) كەلىسىمگە كەلگەن. مىنە، وسى كەلىسىم رەسەيدىڭ قيتىعىنا ءتيۋى ابدەن مۇمكىن.

قازاقستان مەن رەسەي بىرلەسكەن اۋە قورعانىس جۇيەسىن قۇرۋعا ۋاعدالاستى. ەكىجاقتى كەلىسىمگە سايكەس ماسكەۋ استاناعا بىرنەشە س-300 اۋە قورعانىس جۇيەسىن بەرەدى دەگەن اقپارات تاراتتى Jamestown («دجەيمستاۋن») قورى.

شىنى كەرەك، ءبىرشاما جەڭىلدەتىلگەن باعامەن قازاقستان دا بۇعان دەيىن رەسەي قارۋلارىن الىپ كەلگەن. بىراق بۇل جولعى كەلىسىمنىڭ ءجونى مۇلدە بولەك بوپ تۇر. ويتكەنى قارۋ ساتىپ الۋ مەن «بىرلەسىپ قورعانۋدىڭ» ءمانىن ءتۇسىنۋ قيىن ەمەس. «كىم قورعايدى، كىمنەن قورعايدى؟» - دەپ، «ازاتتىق» راديوسى ساۋالعا ساراپ جاساۋعا تىرىسۋدا.

ەندى وسى جەردە اۋەنىڭ «بيلىگىن» نەگە ورىستارعا ۇستاتتىق دەگەننەن گورى، رەسەي نەگە قازاقستان اسپانىن قورعاۋعا قۇشتار دەگەن ساۋال توڭىرەگىندە ويلانعان ءجون سەكىلدى. ەستەرىڭىزدە بولسا، اقش پەن قازاقستان كاسپي باعدارلاماسى شەڭبەرىندە بىرلەسكەن اۋە كەڭىستىگىن قۇرۋ، تەڭىزدىك شەكارا ايماعىندا باقىلاۋ ورناتۋ، يرانمەن شەكاراداعى قاۋىپسىزدىكتى كۇشەيتۋ تۋراسىنداعى ىنتىماقتاستىقتىڭ جاي-كۇيىن تالقىلاۋ جونىندە (2008 جىلى) كەلىسىمگە كەلگەن. مىنە، وسى كەلىسىم رەسەيدىڭ قيتىعىنا ءتيۋى ابدەن مۇمكىن.

الايدا قازاقستان اۋە قورعانىسىنىڭ باسشىلارى «بىرلەسىپ قورعانۋ» ۇسىنىسى رەسەيدەن شىقتى دەگەندى اشىپ ايتپاي وتىر. «ءبىز بەلارۋس پەن رەسەي اراسىنداعى كەلىسىم سياقتى، رەسەيمەن بىرلەسكەن ايماقتىق اۋە قورعانىسى جەلىسىن قۇرۋعا قول جەتكىزدىك. ەندى قازاقستاننىڭ اۋە قورعانىسى كۇشتەرى رەسەيمەن شەكارالاس ايماقتارداعى اۋە كەڭىستىگىن دە قورعايدى. بۇعان قوسا، استانا ماسكەۋدەن زاماناۋي س-400 اۋە قورعانىسى جۇيەسىن الۋعا دا ىنتالى»، - دەپ كوسىلەدى قازاقستان اۋە قورعانىسىنىڭ باسشىسى، گەنەرال-لەيتەنانت الەكساندر سوروكين.

سوروكينگە سالساڭىز، بۇل شارا - قازاقستاننىڭ «قول جەتكىزگەن» جەتىستىگى. دەگەنمەن ەلدىڭ ءبارى وسىلاي ويلاي ما؟ ارينە، جوق. ناعىز شىندىق فينليان­دياداعى حالىقارالىق قاتىناستار ءجونىن­دەگى ينستيتۋتتىڭ اعا عىلىمي قىزمەتكەرى يگور تورباكوۆتىڭ سوزىنەن تابىلاتىن سياقتى. ول بىلاي دەدى: «ماسكەۋ استانانى اۋە قورعانىسى ماسەلەسىندە كەلىسىمگە كەلۋگە اقىرى ءبىر كوندىرەتىن ەدى. رەسەي ەندى تمد-نىڭ باسقا مەملەكەتتەرىمەن دە وسىنداي كەلىسىم جاساسۋعا كۇش سالادى».

ءدال وسى ماسەلەگە بايلانىستى پىكىر بىلدىرگەندەردىڭ اراسىندا بارسەلو­ناداعى حالىقارالىق ىستەر جونىندەگى ورتالىقتىڭ ساراپشىسى نيكولاس دە پەد­رو دا بار. ونىڭ ايتۋىنشا، رەسەي مەن قازاقستاننىڭ بىرىككەن اۋە قورعانىسى ورتاق قاۋىپكە قارسى تۇرا الادى دەۋ كۇماندى. بۇل كەلىسىم قازاقستاننىڭ توڭىرە­گىندەگى قاۋىپ-قاتەرگە قارسى تۇرۋى­نا سەپ بولادى دەۋ دە تىم سەنىمسىز. نەگە؟ «ويتكەنى كورشىلەس مەملەكەتتەردىڭ كوبى­نىڭ اسكەري سالاداعى ۇستانىمى بولەك­تەۋ»، - دەيدى نيكولاس دە پەدرو. وسى جەردە پەدرونىڭ جۇمسارتىپ ايتقان ءسوزى­نىڭ استا­رىنا ۇڭىلسەك، «ەكى ەلدىڭ اسكەري سالاداعى ۇستانىمى بولەك» ەمەس، رەسەي باياعى ۇستەمدىگىنەن ءالى ارىلماعان. جانە سول پيعىلىن ىسكە اسىرۋ جولىندا بارىن سالىپ باعۋدا.

اڭداساڭىز، رەسەي وسى نيەتىنە اپارار جولدا ەكىنشى قادامىن دا ءساتتى جاسادى. ءبىرىنشىسى - كەدەندىك وداق. قاعاز جۇزىندە عانا تاۋەلسىز قازاقستان ەكونوميكالىق تۇرعىدان رەسەيگە باعىنىشتى كەيىپتى قازىردەن-اق باستان كەشە باستادى. حالىقتى سۇلىكتەي سورعان قىمباتشىلىق­تىڭ دا ءبىر سەبەبى، ىندەتە بەرسەڭىز، سول كەدەندىك وداققا بارىپ تىرەلەدى. ەكىنشىسى، مىنەكي... ەندى قورعانىستى دە ورىستارعا بەرىپ قويدىق. سوندا قالعانى نە؟ ەكى كوزدى تارس جۇمىپ الىپ، جەتپىس جىل يلەگەن رەسەيدىڭ قوينىنا قايتادان قويىپ كەتۋ. ودان باسقا تۇك تە ەمەس.

«D»