ادام بالاسىن گەنەتيكالىق تۇرعىدان ۇزاق ءومىر سۇرۋگە بەيىمدەۋ، سونىڭ جولدارىن تابۋ - بۇگىنگى عىلىمنىڭ باس اۋىرتىپ وتىرعان ماسەلەسى. بىرەۋلەرى ءداستۇرلى مەديتسيناسىنا جۇگىنسە، ەندى بىرەۋلەرى ادامزات بالاسىنىڭ ورتاق قۇندىلىعى بولىپ قالىپتاسقان تەحنولوگيالىق قۇدىرەتكە يەك ارتقىسى كەلەدى. بارلىعىنىڭ ىزدەگەنى دە، كوكسەگەنى دە ءبىر نارسە: قارتايتپايتىن ءھام ولتىرمەيتىن ءابىلحايات سۋىن (ەليكسير) ويلاپ تابۋ.

قورقىتتىڭ كورىنەن قاشۋ

قارتايتپايتىن قۇدىرەت ويلاپ تابۋ - ادامزات بالاسى تاريحىندا تىم ەرتەدەن باستالعان. وزدەرىنىڭ عالامداعى ەڭ ءالسىز جاراتىلىس ەگەسى ەكەنىن سەزىنگەننەن باستاپ پانيدەگى پەندەلەر قارتايتپايتىن، ولتىرمەيتىن كۇش ويلاپ تابۋعا جانتالاستى. ءپالساپاشىلار پايىمىندا بۇل عالامات قۇدايدىڭ تاماعى دەپ اتالدى. ەجەلگى گرەك قۇدايلارى امبروزيۋ جەسە، ءۇندى، يران، ەگيپەت قۇدايلارى اميرتۋ، حاومامەن «عۇمىرلارىن» ۇزارتىپ، «ولتىرمەيتىن سۋ» ءىشىپتى-مىس. ولاردىڭ بارلىعى دا ۋاقىتى جەتىپ، باقيعا اتتانىپ كەتە بارسا دا ەليكسير جايلى تۇسىنىك، اڭسار-ارمان سول كۇيىندە ادام ساناسىندا قالىپ قويدى.

ادام بالاسىن گەنەتيكالىق تۇرعىدان ۇزاق ءومىر سۇرۋگە بەيىمدەۋ، سونىڭ جولدارىن تابۋ - بۇگىنگى عىلىمنىڭ باس اۋىرتىپ وتىرعان ماسەلەسى. بىرەۋلەرى ءداستۇرلى مەديتسيناسىنا جۇگىنسە، ەندى بىرەۋلەرى ادامزات بالاسىنىڭ ورتاق قۇندىلىعى بولىپ قالىپتاسقان تەحنولوگيالىق قۇدىرەتكە يەك ارتقىسى كەلەدى. بارلىعىنىڭ ىزدەگەنى دە، كوكسەگەنى دە ءبىر نارسە: قارتايتپايتىن ءھام ولتىرمەيتىن ءابىلحايات سۋىن (ەليكسير) ويلاپ تابۋ.

قورقىتتىڭ كورىنەن قاشۋ

قارتايتپايتىن قۇدىرەت ويلاپ تابۋ - ادامزات بالاسى تاريحىندا تىم ەرتەدەن باستالعان. وزدەرىنىڭ عالامداعى ەڭ ءالسىز جاراتىلىس ەگەسى ەكەنىن سەزىنگەننەن باستاپ پانيدەگى پەندەلەر قارتايتپايتىن، ولتىرمەيتىن كۇش ويلاپ تابۋعا جانتالاستى. ءپالساپاشىلار پايىمىندا بۇل عالامات قۇدايدىڭ تاماعى دەپ اتالدى. ەجەلگى گرەك قۇدايلارى امبروزيۋ جەسە، ءۇندى، يران، ەگيپەت قۇدايلارى اميرتۋ، حاومامەن «عۇمىرلارىن» ۇزارتىپ، «ولتىرمەيتىن سۋ» ءىشىپتى-مىس. ولاردىڭ بارلىعى دا ۋاقىتى جەتىپ، باقيعا اتتانىپ كەتە بارسا دا ەليكسير جايلى تۇسىنىك، اڭسار-ارمان سول كۇيىندە ادام ساناسىندا قالىپ قويدى.

ءوز تاريحىمىزدا قورقىت بابامىزدىڭ ولىمنەن قاشىپ، ماڭگىلىك جارقىن ءومىر ىزدەۋى دە - عاسىرلار بويى قالىپتاسىپ، ۇرپاقتار ساناسىنا ءسىڭىپ قالعان قارتپايتپايتىن قۇدىرەت تۋرالى اڭىز-ءافسانانىڭ جەمىسى بولسا كەرەك-ءتى. وزەكتى جانعا ءبىر ءولىم بارىن مويىنداعىسى كەلمەگەن، الدە ۇزاق عۇمىر سۇرۋدەن ءالى دە ءۇمىتتى الحيميكتەر وسى ءبىر قۇدىرەتتى ويلاپ تابۋ جولىندا تەر توگىپ، ميللياردتاعان اقشانى جۇمساپ كەلەدى.

ۋاقىت جىلجىپ، كەرۋەن كوشى ۇزارعان سايىن ەليكسير جايلى ارمان اقيقاتقا اينالىپ، ونى دايىنداۋدىڭ ءار ەلدە وزىندىك ەرەكشەلىكتەرى قالىپتاستى. ادامدى ماڭگى جاس قالپىندا ساقتاپ قالماسا دا بەلگىلى ءبىر مولشەردە ونىڭ گەنەتيكالىق قارتايماۋىن قامتاماسىز ەتەتىن پرەپاراتتار ويلاپ تابىلدى. ءاۋ باستا سارىمساقتى ەزىپ، بىرەشە جىل ساقتاپ ءىشىپ كورگەن ادامدار، ودان كەيىن ءتۇرلى سۋسىنعا التىن، الماس، رۋبين، توپاز سىندى قۇندى مەتالدار مەن ەلىكتىڭ جۇرەگىن، الوە گۇلىن ارالاستىرىپ، تۇندىرىپ ءىشتى. كاسسي اعاشىنىڭ سۋىنان «ماڭگىلىك ءومىر» كىلتىن ىزدەدى. اياعى اۋىر ايەلگە تۇسىك تاستاتۋ ارقىلى شارانانىڭ سۋىن ءىشتى. جانە دە بۇل ارەكەتتەرى ناتيجەسىز بولعان جوق، وسى ءتاسىلدى قولدانعان جانداردىڭ الدى 186 جاسقا دەيىن وزىنەن تاراعان ءۇرىم-بۇتاقتىڭ باسىنان سيپاپ وتىردى.

ەليكسير ەلەگياسى

ەليكسير جايلى اڭگىمە ءوربي قالسا ەل اۋزىنان ەڭ اۋەلى ونى دايىنداۋدىڭ قورقىنىشتى ءتۇرى ايتىلادى. بۇنى ءتۇرلى ينتەرنەت سايتتارى دا تولىقتىرادى. بەيرەسمي دەرەكتەرگە جۇگىنسەك الەمدە سوڭعى ەليكسير جاڭا تۋعان ءسابيدىڭ جىلىك مايىنان نەمەسە جۇلىنىنان الىنعان سارىسۋدان جاسالادى ەكەن. جاراتىلىسىنىڭ ءوزى قۇپيا پرەپارات بولعاندىقتان بۇل قۇدىرەت جايلى اقپاراتتار بۇقارادان جاسىرىن ساقتالادى.

سوڭعى كەزدەرى جاستىقتى ماڭگى ساقتاپ تۇراتىن، قارتايتپايتىن ەليكسير ەلەگياسى قازاقستاندى دا كەزىپ جۇرگەن سىڭايلى. راسىمەنەن بۇل ءدارىنى جاساۋ ەلىمىزدە قولعا الىنعان با؟ وڭتۇستىك قازاقستان وبلىسىنداعى ماقتاارال اۋدانىندا سابيلەر نەگە ايدىڭ-كۇننىڭ امانىندا ەلدەن ەرەك، جۇرتتان جىراق اياقتارىنا اعاش بالداق (شينا) كيەدى؟ سول جەردەگى جەرگىلىكتى جۇرتتىڭ كۇماندى ويى شىندىققا جاناسا ما؟

باتىر بولاتۇلى، ماقتاارال اۋدانىنىڭ تۇرعىنى:

-        نەگە ەكەنى بەلگىسىز، بىزدەردە كوبىنە كىشكەنە قىز بالالاردىڭ اياعىنا شينا كيگىزىلەدى. كوبىنە ۇرشىعى جەتىلمەگەن دەپ ايتادى. جانە ونىڭ ءبىر ءتۇرى بار جاستىق ءتارىزدى (پودۋشكا). ال نەگە وسى جەتىساي وڭىرىندە دۇنيەگە كەلگەن بالالاردىڭ عانا بۇنداي شينا كيەتىنىن ءوز باسىم تۇسىنە المايمىن. ەلدەر شاقالاق جاڭا تۋىلعان كەزدە اياعىنان نەمەسە جۇلىنىنان سارىسۋ الادى ەكەن، قارتايتپايتىن ءدارى جاساۋ ءۇشىن دەپ جاتادى. سونىڭ سالدارى دەيدى. ءوز باسىم ونىڭ قانشالىقتى راس-وتىرىگىن بىلمەيمىن. مەنىڭ قىزىم دا جاستىق ءتارىزدى شينا كيدى اياعىنا. بىراق بوسانعاندا جەڭگەلەرىم جانىندا تۇرعان، ونداي ەشتەڭەسىن بايقامادىق دەيدى.

مىنە، وڭتۇستىك وڭىردەگى جۇرت اشىق ايتپاسا دا جاسىرىن ءبىر پرەپاراتتىڭ جاسالاتىندىعىن سەزەتىندەي. دەمەك، ينتەرنەت سايتتارىندا جۇرگەن ەليكسير رەتسەپتىنىڭ شىندىققا جاقىنداۋ بولعانى عوي؟! وسى ماسەلەنىڭ ءمانىسىن بىلمەك بولىپ ماقتاارال اۋداندىق اۋرۋحاناسىنىڭ باس دارىگەرى باعيلا وتەۋليەۆا حانىمعا حابارلاسقانىمىزدا بۇل ساۋالعا جاۋاپ بەرۋدەن بىردەن باس تارتتى. بۇنى تەك وسى سالانىڭ مامانى ايتا الادى دەپ اۋداندىق ەمحانانىڭ باس دارىگەرى بولات اقىلبەكوۆكە باعىت سىلتەدى. بولات جۇماتۇلىنا تەلەفون شالعانىمىزدا، ءبىر قىزىعى سول ەمحانانىڭ باس تراۆماتولوگى كابينەتىندە وتىر ەكەن. تەلەفون تۇتقاسى اۆتوماتتى تۇردە باس تراۆماتولوگقا سىرعىپ، ءبىزدىڭ ساۋالعا وسى سالانىڭ ناق مامانى بىلاي دەپ جاۋاپ قايىردى.

اعمان سابىرحانوۆ، ماقتاارال ءوڭىرى اسىقاتا №1 اۋداندىق اۋرۋحاناسىنىڭ باس تراۆماتولوگى:

- بۇل - ءتۋابىتتى اۋرۋ. جامباس جىلىكتىڭ باسىنىڭ شىعىپ تۇرۋى بولادى نارەستەلەردە. سوندىقتان دا وعان شينا قويىلادى. ورتان جىلىكتىڭ باسىنا شينا قويماسا ول ەرتەڭگى كۇنى شىعىپ كەتۋى مۇمكىن. راس، بۇل اۋرۋ ءتۇرى كوبىنە قىز بالالاردا كەزدەسەدى. بۇنىڭ شىعۋ سەبەبى تولىق انىقتالعان جوق. كوبىنە ەكولوگيامەن، بالانىڭ اتا-اناسىنىڭ الكوگولدى ىشىمدىكتەردى كوپتەپ پايدالانۋىمەن بايلانىستىرادى. جانە دە ونىڭ شىعۋ سالدارىن زەرتتەپ جاتقان دا ەشكىم جوق. بۇل اۋرۋدىڭ ءبىزدىڭ جاققا عانا ءتان ەكەنى راس.

ەگەر دە اتالمىش اۋرۋدىڭ شىعۋ سەبەبىن ەكولوگيالىق احۋالدان ىزدەسەك، وندا سەمەي، وسكەمەن وڭىرىندە نەگە جوق بۇل كەسەل؟ الكوگولدى ىشىمدىكتەن بولسا، وندا الەمدە اراق «ىشۋدەن» سەگىزىنشى ورىندا تۇرعان ەلىمىزدىڭ بولاشاعىن بۇگىننەن باعامداي بەرىڭىز. سەبەبىن اۋدانداعى باس تراۆماتولوگتىڭ ءوزى بىلمەي وتىرعان بۇل اۋرۋدىڭ ەلىمىزدىڭ ەڭ شەتكى ءبىر وڭىرىندە عانا بوي كورسەتۋى ءبىزدى كۇماندى كۇپىر ويلارعا جەتەلەيدى. ارينە، قۇداي بەتىن ءارى قىلسىن، جاماندىق شاقىرۋدان اۋلاقپىز. بىراق تا «بۇركەگەن جەرگە بۇرگە ءوش» ەكەنى بەلگىلى، سوندىقتان دا اقپارتتىق اشىقتىقتى قامتاماسىز ەتپەي، ەل كوڭىلىندەگى كۇماندى سەيىلتۋ استە مۇمكىن ەمەس سەكىلدى.

«اباي-اقپارات»