اشا ماتاي: «اكەم سياقتى جىگىت ىزدەپ ءجۇرمىن...»
مەن ءوسۋ ۇستىندەمىن
- اشا، «ءبىرجان سالدان» كەيىن تاعى ءبىر فيلمگە تۇسكەن ەكەنسىز. ول كىمنىڭ كارتيناسى، قازاق جۇرتى ونى قاشان كورە الادى؟
- «قازاقفيلم» كينوستۋدياسى ءوز كورەرمەندەرىنىڭ نازارىنا تاعى ءبىر فيلم ۇسىنباقشى. بۇل - رەجيسسەر اسقار-مۇحيت نارىمبەتوۆتىڭ جاڭا كينوكارتيناسى. فيلم جەلىسى بويىنشا، بەلگىلى سەبەپتەرمەن كەزىندە اجىراپ قالعان ەگىزدەر 20 جىلدان كەيىن قايتا كەزدەسەدى. ياعني ولاردىڭ وي-ساناسى مەن ومىرلىك ۇستانىمدارىندا ءتۇرلى قايشىلىقتار تۋادى. ويتپەگەندە قايتسىن، ءبىرى جايماشۋاق اۋىلدىڭ ليريكالىق ساتتەرىنە ەلتىپ وسسە، ەكىنشىسى ەۋروپادا ءبىلىم الىپ، بايلىققا مالىنىپ، ومىرگە جەڭىل كوزقاراسپەن قارايتىن ادام بولسا! مۇندا مەن اۋىلداعى سۇلۋ قىزدىڭ ءرولىن، ءتىپتى اۋىلدىڭ «حانشايىمىن» سومدايمىن دەسەم دە بولادى. مۇنداي قىزعا كىم قاراماسىن، ەكى جىگىت تە ماعان عاشىق بولىپ، تالاس تۋادى. ال ءفيلمنىڭ اتاۋى اقان ساتاەۆتىڭ «اعايىندىلار» كينوسى ءتۇسىرىلمەي تۇرىپ، ءدال وسىلاي بەلگىلەنگەن بولاتىن. ەندى فيلم اتاۋى وزگەرتىلەتىن سياقتى. جاقىن ارادا كوگىلدىر ەكرانعا شىعادى دەگەن ويدامىز.
- ەركىن راقىشەۆتىڭ «بورات - مەنىڭ اعام» فيلمىنە تەگىن ءتۇسىپسىز...
مەن ءوسۋ ۇستىندەمىن
- اشا، «ءبىرجان سالدان» كەيىن تاعى ءبىر فيلمگە تۇسكەن ەكەنسىز. ول كىمنىڭ كارتيناسى، قازاق جۇرتى ونى قاشان كورە الادى؟
- «قازاقفيلم» كينوستۋدياسى ءوز كورەرمەندەرىنىڭ نازارىنا تاعى ءبىر فيلم ۇسىنباقشى. بۇل - رەجيسسەر اسقار-مۇحيت نارىمبەتوۆتىڭ جاڭا كينوكارتيناسى. فيلم جەلىسى بويىنشا، بەلگىلى سەبەپتەرمەن كەزىندە اجىراپ قالعان ەگىزدەر 20 جىلدان كەيىن قايتا كەزدەسەدى. ياعني ولاردىڭ وي-ساناسى مەن ومىرلىك ۇستانىمدارىندا ءتۇرلى قايشىلىقتار تۋادى. ويتپەگەندە قايتسىن، ءبىرى جايماشۋاق اۋىلدىڭ ليريكالىق ساتتەرىنە ەلتىپ وسسە، ەكىنشىسى ەۋروپادا ءبىلىم الىپ، بايلىققا مالىنىپ، ومىرگە جەڭىل كوزقاراسپەن قارايتىن ادام بولسا! مۇندا مەن اۋىلداعى سۇلۋ قىزدىڭ ءرولىن، ءتىپتى اۋىلدىڭ «حانشايىمىن» سومدايمىن دەسەم دە بولادى. مۇنداي قىزعا كىم قاراماسىن، ەكى جىگىت تە ماعان عاشىق بولىپ، تالاس تۋادى. ال ءفيلمنىڭ اتاۋى اقان ساتاەۆتىڭ «اعايىندىلار» كينوسى ءتۇسىرىلمەي تۇرىپ، ءدال وسىلاي بەلگىلەنگەن بولاتىن. ەندى فيلم اتاۋى وزگەرتىلەتىن سياقتى. جاقىن ارادا كوگىلدىر ەكرانعا شىعادى دەگەن ويدامىز.
- ەركىن راقىشەۆتىڭ «بورات - مەنىڭ اعام» فيلمىنە تەگىن ءتۇسىپسىز...
- ءيا، قازاق تىلىندە كورسەتىلەتىن «اققۋ كولى» جانە «بورات - مەنىڭ اعام» دەگەن كينوعا دا ءتۇستىم. شىنىمەن، «بوراتتان» ءوشىمىزدى الاتىن كينو بولسا، قازاقستانىم ءۇشىن نامىس قورعاۋدا ماعان اقى كەرەك ەمەس. وسى جەردە مەن دە پاتريوتتىق سەزىمىمدى بىلدىرگىم كەلدى. سوندىقتان فيلمگە تەگىن تۇسەمىن دەپ، بىردەن كەلىسىم-شارتقا وتىردىم. فيلم رەجيسسەرى ەركىن راقىشەۆ وتە جاقسى كىسى ەكەن. كاسىبي رەجيسسەر بولماسا دا، ءوزىنىڭ ويىن جەتكىزە بىلەتىن، حالىقتىڭ مادەنيەتىنە ۇلەس قوسىپ جۇرگەن ازامات. ياعني كەز كەلگەن كينوسىن الىپ قاراساق تا، ءوزىنىڭ ستسەناريىنە كوپ ءمان بەرەتىن رەجيسسەرلەرىمىزدىڭ ءبىرى. ول كىسىنىڭ يدەياسىنا، جۇمىسىنا، شىنى كەرەك، وتە ريزا بولدىم. كينو الەمىندە ءبىراز جاڭالىقتارىم بار. جاقىن ارادا تۇسىرىلەتىن «پوەزدكا ۆ ديسنەيلەند يلي لۋننايا سوناتا» دەگەن فيلمدە دە باستى ءرولدى سومداماقشىمىن. سونداي-اق، يگور كونچالوۆسكيدىڭ ءتۇسىرىپ جاتقان تۋىندىسىندا مۇلدەم باسقا وبرازدا كورىنەمىن. ياعني دەتسل دەگەن ءانشىنىڭ ستيلىندە وپەراتوردىڭ ءرولىن سومدايمىن.
- سوندا مۇنىڭ ءبارى كينوعا ءبىرجولا بەت بۇرعانىڭىزدى بىلدىرە مە؟
- ونەر الەمىندەگى قىزىقتى ءبىر سالا - ول كينو. دەگەنمەن دە جۇرەگىمە جاقىنى، - ارينە، ءان سالۋ. كينوعا ءتۇسۋ ۇناعانىمەن، ىلعي دا ويىڭداعىداي بولا بەرمەيدى. ويتكەنى فيلمگە تۇسۋدە كاستينگكە بارا وتىرىپ، جۇرەگىڭدە وتەم بە، وتپەيمىن بە دەگەن قوبالجۋ تۇرادى. ءۇمىت پەن كۇدىك ارالاسقان جەردە، كەيدە قۋانسام، كەيبىر كەز جىلاعان ساتتەرىم دە بولعان. ال ءانشىلىكتە ەركىندىك بار. ءوز قالاۋىڭ بىلەدى. قاشان ءان ايتقىڭ كەلسە، ءان جازىپ، كليپ تۇسىرگىڭ كەلسە قالاۋىڭدى ءوز ويىڭداعىداي ورىنداي الاسىڭ.
قازىرگى تاڭدا ءتۇرلى كينولارعا ءتۇسۋمەن قاتار، «حابار»، «ەل ارنا»، «حيت-تۆ» ارنالارىندا بىرنەشە باعدارلامالاردى جۇرگىزىپ ءجۇرمىن. وسىندايدا «ەكى كەمەنىڭ باسىن ۇستاعان سۋعا كەتەدى» دەيتىندەرگە كەلىسپەيمىن. سەبەبى ادامنىڭ وزىندىك ارمانى بولىپ، وعان جەتۋدىڭ جولدارىن تابا بىلسە، وندا تۇرعان نە بار؟! مەنىڭشە، ءححى عاسىردا ءومىر ءسۇرىپ جاتقان جاستاردىڭ قولىنان ءبارى دە كەلۋى كەرەك.
- «ءبىزدىڭ نانىمىزدى تارتىپ الدىڭ» - دەپ، كاسىبي ارتىستەر سىزگە رەنىش ءبىلدىرىپ جاتقان جوق پا؟
- راس، «بۇل ونىڭ سالاسى ەمەس، ءوز ماماندىعى بويىنشا جۇمىس جاساسىن» دەگەن سوزدەر قارداي بورادى. كەيدە كوڭىلىمە الىپ تا قالامىن. تۇسىنبەيتىنىم، ەگەر سەنىڭ تارتىمدىلىعىڭ بولسا، «وسىنى ىستەي الامىن، مەنىڭ قولىمنان كەلەدى» دەگەن قۇلشىنىسىڭ بولسا، نەگە ىستەمەسكە! «ونەردى ۇيرەن دە، جيرەن» دەگەن بار عوي. سەن ءانشىسىڭ، اكتەرسىڭ دەپ ءبولۋدىڭ نە قاجەتى بار؟ تەلەارنادا تانىمال ونەر يەلەرىنىڭ تەلەجۇرگىزۋشى بولعانىنان پايدا كەلمەسە، زيان تيەدى دەي المايمىن. ولار ارقىلى باعدارلاما رەيتينگ جينايدى. مەنىڭ جۇمىسىم جايىندا «ءسوز بايلىعى جەتپەيدى، ءمۇدىرىپ قالادى» دەگەن سىندى ەستيمىن. بىراق مەن ءبىر ورىندا تۇرىپ قالعان جوقپىن. ءوسۋ ۇستىندەمىن. زامانعا ىلەسىپ كەلەمىن. بۇيىرسا، وسى جىلى جۋرناليستيكا سالاسىنىڭ ماگيستراتۋراسىنا تۇسكەلى وتىرمىن. سوندىقتان قولىمنان كەلگەنىنشە قازاقشا توم-توم كىتاپ وقىپ، جان-جاقتى ىزدەنۋدەمىن. گازەت-جۋرنالداردى دا كوزىمنەن تاسا ەتپەيمىن.
- ياعني ءسىزدىڭ كەشەگىڭىز بەن بۇگىنىڭىزدە ۇلكەن ايىرماشىلىق بار عوي؟
- ارينە! العاش رەت تەلەارناعا شىققاندا، سوزدىك قورىم جەتپەي قالاتىن. بالكىم، ىشكى الەمىمنىڭ اشىلماي جاتقاندىعىنان بولار، كوپ قينالدىم. اينالامداعى ادامدار مەن قۇربى-قۇرداستارىممەن: «سالەم، قال قالاي؟» - دەگەنىمنىڭ ءوزى ورىس تىلىندە ەدى. قالاي تەلەجۇرگىزۋشىلىككە كەلدىم، ولاردىڭ جانە ءوزىمنىڭ ورىسشاما «تىيىم» سالىپ، قازاق تىلىندە سويلەسەيىك دەگەن تالاپ قويدىم. ءتىل بايلىعىمنىڭ وسۋىنە ۇلەس قوسقان دوستارىما العىسىمدى ايتامىن.
قادىرىڭدى حالىق ءبىلسىن
- قازىرگى قازاق كينوسىنىڭ كەنجەلەپ قالعانى جونىندە كوپ ايتىلادى. راسىندا، ەسكى جۇكتى سۇيرەتىپ، جاڭا الەمگە شىعا الامىز با، قازاق كينوسىن وركەنيەت كوشىنە ءىلىندىرۋ ءۇشىن نە قاجەت دەپ ويلايسىز؟
- قازىرگى كينومەن 10 جىل بۇرىنعى، ءتىپتى ەكى جىل، ءۇش جىل بۇرىن تۇسىرىلگەن كينولاردى سالىستىرۋعا بولمايدى. دۇنيە ءبىر ورنىندا تۇرمايتىندىقتان، كينولاردىڭ دا ايىرماشىلىعى جەر مەن كوكتەي. ءبىز بىرتىندەپ-بىرتىندەپ ءوسۋ ۇستىندەمىز. اللا قالاسا، الەمدىك دەڭگەيگە شىعاتىنىمىزعا سەنىمىم مول. ءبىزدىڭ قازاقتىڭ اكتەرلەرى، رەجيسسەرلەرى دارىندى. تەك ولاردىڭ مەسەلىن قايتارماي، شابىتتاندىراتىن پىكىرلەردى كوبىرەك ايتىپ، دەمەپ وتىرساق، جاقسى ءدۇنيەلەر جاسالادى دەپ بىلەمىن.
- شوۋ-بيزنەستە جۇرگەندەر اراسىنان «اشا ماتايدىڭ تويداعى ستاۆكاسى وتە جوعارى» دەگەن ءسوز ەستىلەدى. شىنىمەن سولاي ما؟
- ول راس، ستاۆكاسى جوعارى دەگەنگە تولىقتاي كەلىسەمىن. بۇل مەندەگى «جۇلدىز اۋرۋى» ەمەس، ۋاقىتىمنىڭ تىعىزدىعىنا بايلانىستى قويعان تالابىم. ەگەردە مەن ءوز ستاۆكامدى 100, 200, 300, 1000 دوللار، ءتىپتى 1500 دەپ قوياتىن بولسام، وندا اندا دا، مۇندا دا شاپقىلاۋمەن ۋاقىتىم كەتەدى. مەنىڭ ويىمشا، باعاڭدى قازىردەن بيىك قويا بىلسەڭ، ياعني ءوزىڭدى بۇگىننەن باعالاساڭ، وندا سەنى حالىق تا قادىرلەيدى. مەنىڭ تۇسىنبەيتىنىم، ءبىزدىڭ كەيبىر انشىلەر تەك قانا كيىم-كەشەككە، ءبىر ايلىق جالاقىعا تۇرمايتىن باعاعا كەلىسىپ، تويلاردا ونەر كورسەتەدى. بۇل، ارينە، دۇرىس ەمەس! ءان ايتادى ەكەنمىن دەپ، ءار جەردەن شىعا بەرۋ ءانشىنىڭ، ءان الەمىنىڭ قادىرىنىڭ كەتۋىنە جول بەرەدى. ونەر يەسىنىڭ مىندەتى بەسبارماق پەن باۋىرساقتى اساپ، توي تويلاتىپ ءجۇرۋ ەمەس. حالىق مادەنيەتىنە ۇلەس قوسۋ، ونى دامىتۋ! سونداي-اق ءانشى ءۇشىن كەلىستى دەنە ءبىتىمىنىڭ بولۋى جەتكىلىكسىز. وندا كورەرمەن ءۇشىن سەن تەك ادەمىسىڭ، بالكىم، دارىندىسىڭ. بولدى! ەگەر بۇگىننەن ءوزىمىزدى باعالاي بىلمەسەك، كەلەشەكتە شەتەلدىڭ انشىلەرى سياقتى، قوماقتى قارجىعا لايىقتى بولامىز دەسەك، حالىقتىڭ تولەيتىن اقشاسىنا ساي ەڭبەكتەنۋىمىز كەرەك.
- وسىندايدا: «ەگەر قازاق تويشىل بولماعاندا، قازاق ەستراداسى ءمۇلدەم تۇرالاپ قالار ەدى»، - دەگەن پىكىر ەسكە تۇسەدى. انىعىندا، قازىرگى انشىلەردىڭ دەنى كونتسەرتپەن ەمەس، تويدا ءان ايتۋمەن جان باعادى. سوندا قازاقتىڭ توي-تومالاعى بولماسا، مەملەكەت ەستراداعا جاردەم جاساماسا، انشىلەر قالاي كۇن كورەر ەدى؟
- بىزدە قازىرگى شوۋ-بيزنەستىڭ - توي-بيزنەس ەكەنى بارىنە بەلگىلى. ويتكەنى ءبۇگىنگى تويدان اقشا تابۋ ءۇردىسى بولماسا، ءبىزدەگى كوپ انشىلەر ساحنادان كەتەدى. سەبەبى، ساحنا يەلەرى تويدان تاپقان تيىن-تەبەندەرىنە ءان جازدىرادى، بەينەبايان تۇسىرەدى، فوتوسەسسيا جاسايدى، تاعىسىن تاعى. وسىنداي جاعدايلاردان ءبىزدىڭ ءمادەنيەتىمىز دە، شوۋ-بيزنەسىمىز دە وتە باياۋ دامىپ جاتىر.
- ال الدىڭعى تولقىن - اعالار كەيىنگى جاس انشىلەردى سۋ قوسقان «شالاپقا» بالايتىن كورىنەدى. مۇنداي سوزدەر ءسىزدىڭ جانىڭىزعا باتپاي ما؟
- ونداي انشىلەر بىزدە جەتەرلىك: نە داۋىستارى جوق، نە كەلبەتتەرى جوق، نە تالانتتارى جوق، نەگە جۇرگەنى بەلگىسىز. تەك اقشالارى بار. «ونەرگە اركىمنىڭ-اق بار تالاسى» دەيدى عوي. دەمەك، كىمنىڭ ايتقىسى كەلسە - ايتسىن. اكەسىنىڭ نەمەسە ءوزى تاپقان اقشاسىن قالاي جۇمساسا دا، وزدەرى بىلەدى. ولارعا دا تىڭدارمان تابىلادى. مەن ءوز تاراپىمنان باسقاعا قانداي دا ءبىر سىن ايتۋدان اۋلاقپىن. بىراق بەلگىلى ءبىر جۇيەنى قالىپتاستىرىپ، ەستارادامىزدىڭ دامۋى ءۇشىن شەتەلدەگىدەي ليتسەنزيامىز بولۋى كەرەك. باسقا ەلدەردە بۇل جاعىنان قيىندىق جوق. ال بىزدە ەشبىر بايقاۋلاردا سىنالماي، اركىم ءوز بەتىمەن ءجۇر. ەگەر مەملەكەت تاراپىنان ليتسەنزيا جايلى شەشىم شىعارسا، مۇمكىن، جاقسى جاعىنا قاراي ويىسارمىز. وكىنىشكە قاراي، قازىرگى تاڭدا انشىلەرگە قاراستىرىلىپ جاتقان قامقورلىق جوق.
- وزگەگە سىن ايتۋدان اۋلاقپىن دەدىڭىز، ەندەشە، اشا ماتاي قانداي ءانشى، قانداي ادام؟ ءوزىڭىزگە سىن كوزبەن قاراپ كورىڭىزشى.
- ونەر الەمىنە العاش قادام باسقاندا، جۇرەگىڭنەن ءبىر ماقتانىش ەسىپ، ءوزىڭدى كورسەتكىڭ كەلەدى عوي. سونداي ءبىر باقىتتى كەزدەرىمدە كوڭىلگە تيەر ءسوز ەستىپ، جىلاپ قالعان ساتتەرىم دە از بولعان جوق. وسىنداي كەزدە جان ۇشىرىپ: «ماعان نەگە ولاي ايتتى، ەڭبەكتەنىپ جاتىرمىن عوي، مەنى ءالى بىلمەيدى؟» - دەپ، ساحنانىڭ ءبىر بۇرىشىنا بارىپ، جىلاپ الاتىنمىن. ال قازىر مەن ونداي ءسوزدەردەن قورىقپايمىن. سەبەبى، انشىلەردىڭ بۇلاي كورمەي-بىلمەي كەمسىتە بەرۋى تۇيسىكتىڭ جەتپەگەنىنەن بولار دەپ ويلايمىن. مەنى ماقپال ءجۇنىسوۆا ساحناعا العاش قادام باساردا: «التىنىم، سەنىڭ قولىڭنان ءبارى كەلەدى!» - دەپ قاناتتاندىرعان بولاتىن. ودان باسقا باقىت شاداەۆا، ءمادينا سادۋاقاسوۆالاردان كومەك سۇراعانىمدا، ەشقاشان بەتىمدى قايتارعان ەمەس. بىراق ءىشىن قىزعانىش كەرنەپ، «مەنەن وزىپ بارا جاتىر ما» دەگەندەي كورەالماۋشىلىق تانىتقاندار بولدى. ونەر جولىن تاڭداعان ءار ءانشىنىڭ ءوزىندىك ورنى بار. مەن دە ءوز كورەرمەنىمدى، تىڭدارمانىمدى قالىپتاستىردىم، سوعان شۇكىر. ال مەنىڭ جان ءدۇنيەم قىزعانۋشىلىق، كورەالماۋشىلىق دەگەن قاسيەتتەردەن تىم الىس...
تەلەارناعا كەلگەنىمدە دە كوپتەگەن سىن-پىكىردىڭ استىندا قالدىم. سوندا قالاي ىستەسەم بولادى دەپ، كەيبىر جۋرناليستەردەن كومەك سۇراسام، سوزىمە قۇلاق اسپايدى. سولارعا قاراپ تۇرىپ: «مەن ەشقاشان وسىلار سياقتى مىنەز تانىتپايمىن، ەشكىمنىڭ الدىندا ءوزىمدى بيىك قويمايمىن»، - دەپ سەرت بەردىم. ءويتكەنى ءبارىمىز ءبىر پەندەمىز، ءبىر ادامبىز. سوندىقتان دا بىرەۋگە اقىل ايتقاننان، ەندى بىرەۋدەن اقىل سۇراۋدان ەشكىم دە تومەندەپ قالمايدى.
ءوز باقىتىمدى قولىمنان جىبەرمەيمىن...
- حالىققا اشا ماتاي بولىپ تانىلدىڭىز. ەندى ءوز تەگىڭىزگە ورالۋ ويىڭىزدا جوق پا؟
- اشا دەگەن - مەنىڭ كىشكەنتاي كەزدەگى ەكىنشى اتىم. قازاق تاريحىنا كوز ءجۇگىرتسەك، باتىرلاردىڭ، ۇلكەن ازاماتتاردىڭ دا لاقاپ اتتارى بولعان. اكەم دە ءتىل-كوزدەن ساقتاسىن دەگەن نيەتپەن ەل الدىنا ەكىنشى ەسىمىممەن شىعۋىمدى ءجون كوردى. ال نايماننىڭ ىشىندەگى ماتاي مەنىڭ رۋىم. رۋىمدى دارالاعانىمنىڭ ەشقانداي دا تەرىس استارى جوق. ءبىز ءبارىمىز قازاقپىز. مەن تەك قانا رۋىمدى ماقتان تۇتا وتىرىپ، اتىمدى شىعارعىم كەلدى.
- بىرقاتار ارىپتەستەرىم ءسىز تۋرالى: «فيلمگە شاقىرۋدى بىلاي قويعاندا، سۇحبات الۋ ءۇشىن دە اكەسىمەن سويلەسۋى كەرەك ەكەن»، - دەپ ەدى. مەن مۇنداي «قيىندىققا» جولىقپادىم، الدە مەنىڭ جولىم بولدى ما؟
- ەستراداعا ەندى-ەندى قادام باسقان كەزدە، اكەمنىڭ رۇقساتىنسىز ءبىر ادىم اتتاپ باسپايتىنمىن. سىرتىمنان «اكەسىنىڭ ارقاسىندا ءجۇر، ونى ءانشى جاساعان اكەسى» دەگەن سوزدەر ايتىلعان جانە ايتىلىپ تا ءجۇر. مەن وعان رەنجىمەيمىن. بۇل جەردە مەنىڭ ەشقانداي دا وليگارح تۋىسىم جوق، نە بولماسا ءبىر ءان جازىپ، بەينەبايان جاساۋ ءۇشىن ءبىر وليگارحتىڭ كوڭىلدەسى بولىپ جۇرگەن جوقپىن. كەرىسىنشە، وسىنداي ونەر ساحناسىنا جەتەلەپ اكەلگەن، ۇنەمى مەنىڭ قامىمدى ويلايتىن اكەم بولعانىن ماقتان ەتەمىن. بۇل - ماعان تاعدىرىمنىڭ بەرگەن سىيى. دەگەنمەن قازىرگى ۋاقىتتا بار شارۋامدى ءوز قولىما الدىم. كەشەگىدەي ەمەس، قاناتىم قاتايدى...
- «ساحناعا كەشە كەلىپ، ءتور مەنىكى دەي المايمىن»، - دەپسىز بىردە...
- مەن قاي باعىتتا بولسىن، ءوزىمدى جۇلدىز دەپ سانامايمىن. وسى ۋاقىتقا دەيىن قانداي دا ءبىر جەتىستىككە جەتسەم دە، مەن ءالى «جۇلدىز» ەمەسپىن. مەن تەك جول ۇستىندەگى جولاۋشىمىن...
- وتكەن ۋاقىتتاعى ءبىر سۇحباتىڭىزدا: «جىگىتىمدى كۇتىپ ءجۇرمىن»، - دەپ ەدىڭىز، ول قۇرعىردىڭ كەلەتىن ءتۇرى بار ما؟
- ءالى دە كۇتۋ ۇستىندەمىن. ءبارى ءبىر اللانىڭ قولىندا عوي. ماعان جىگىتتىڭ ۇناۋى وتە قيىن. شىنىمدى ايتسام، بولاشاق جارىما جانىم اشيدى (كۇلىپ). سەبەبى، مەن وزىمە نە كەرەك ەكەنىن بىلەمىن. سونداي-اق، مەن ءوزىم ەمەس، مەنى سۇيگەنىن، وزىنە باعىندىرا، ەلىتە بىلگەنىن قالايمىن. بۇل - باستىسى. ءويتكەنى ماعان جارىنىڭ ىعىنا جىعىلىپ، ايتقانىمەن جۇرەتىن جىگىتتەر مۇلدەم ۇنامايدى. سونداي-اق بولاشاقتا ءوزىم عانا ەمەس، بالالارىمنىڭ دا جاقسى ءومىر ءسۇرىپ، جوعارى ءبىلىم الۋى ءۇشىن بولاشاق جارىمنىڭ قالتاسىنىڭ قالىڭ بولعانى دا ءجون عوي...
- ءسىزدىڭ تالعامىڭىزداعى جىگىت تە ونەر ادامى بولۋى مۇمكىن بە؟
- ونەر جولىنداعى جىگىتتەر مەنىڭ تالعامىما ساي كەلمەيدى. ويتكەنى ولار ءوزىمشىل بولادى. كەيبىر قىزدار ءبىرىنشى ورىنعا كارەراسىن قوياتىنىن ايتادى. مەنىڭشە، بۇل - وتىرىك. ويتكەنى ءار ايەلدىڭ ارمانى - ءساتتى تۇرمىسقا شىعىپ، دۇنيەگە ءسابي اكەلۋ. مەن ەشقاشاندا ايەلدىك باقىتتىڭ ءبىرىنشى كەزەكتە ەكەنىن جاسىرمايمىن. ەگەر مىنەز-قۇلقى، بولمىسى اكەم سياقتى ازامات كەزدەسسە، بۇگىن-اق قول ۇستاسىپ كەتەر ەدىم. مەن ءوز جىگىتىمدى تانىسام، قولىمنان جىبەرمەيمىن. ايتپاقشى، «ءبىرجان سالدا» ۋىلجىعان 16 جاسار قىز وزىنەن 45 جاس ۇلكەن ادامعا عاشىق بولادى. بالكىم، مۇنداي ماحاببات ومىردە كەزدەسەتىن دە بولار، بىراق، ءوز باسىم، مۇنداي الشاقتىقتى تۇسىنە المايمىن. مەن ءۇشىن بۇل تەك كينودا عانا بولادى. بۇل تۇرعىدا مەنىڭ تاڭداعان «حانزادام» مەنەن 6-8 جاس ءۇلكەن شاماسىندا بولاتىن شىعار...
اڭگىمەلەسكەن -
ارداق يمانبەكقىزى،
«D»
«وبششەستۆەننايا پوزيتسيا»
(پروەكت «DAT» № 04 (87) 02 اقپان 2011 جىل.
