قاسيەتتى رامازان ايىندا اۋىز بەكىتۋ تەك رۋحاني تۇرعىدان عانا ەمەس، ادامنىڭ دەنساۋلىعىنا دا ۇلكەن پايداسى بار. بۇل تۋرالى عالىمدار دا ارنايى مالىمدەمە جاساپ، 365 كۇن بويى تاماق ىشەتىن ادامعا جىلىنا 30  كۇن ورازا تۇتۋ دۇرىس دەپ تانىدى.

سوندىقتان دا ءسىز ورازا ارقىلى ءوز دەنساۋلىعىڭىزدى دا وڭالتا الاسىز. الەمدە كوپتەگەن ادامداردا بەل الىپ كەلە جاتقان قانت اۋرۋىن ەمدەۋ ءۇشىن دارىگەرلەر 10-15 كۇندەي ورازا ۇستاۋدى كەڭەس ەتەدى ەكەن. بۇل دەگەنىمىز، مەديتسينانىڭ ءوزى ورازانى دۋرىس كورۋدە دەگەن سوز. بۇل ۋاقىتتا ءسىز ۇيقى بەزىنىڭ دەمالۋىنا كومەكتەسەسىز.

ورازادا ادامنىڭ ىشكى مۇشەلەرىندەگى مايلار ەرىپ، مەتابوليزيمدى جاقسارتادى ەكەن. ءبىز كۇنىنە 14-15 ساعاتقا جۋىق تاماك ىشۋدەن تىيىلاتىندىقتان دا، ادام اعزاسىندا كەرەك ەمەس جاسۋشالار جويۋ پروتسەسسى ىسكە اسا باستايتىن بولادى. سونداي-اق، ارتىق ەت پەن ماي مولشەرى دە جويىلادى.

فرانتسۋز بيولوگى، ىشكى اعزالار بويىنشا بىلىكتى دارىگەر بولعان، نوبەل سىيلىعىنىڭ لاۋرەاتى الەكسيس كاررەل ءوزىنىڭ «بەلگىسىز ادام» دەگەن ەڭبەگىندە بىلاي دەيدى: «ادامدار بارلىق عاسىرلاردا ورازا تۇتقان. سونداي-اق بارلىق دىندەر تاماق-سۋدان تىيىلىپ اۋىز بەكىتۋگە شاقىرىپ كەلگەن. ادام اۋىز بەكىتكەندە ەڭ ءبىرىنشى اشتىق، ودان السىزدىك سەزىنەدى. كەيدە وسىنىڭ اسەرىنەن ادام قوبالجۋى دا مۇمكىن. بۇل سىرتقى بولىپ جاتقان جاعدايلار، بىراق ىشكى ورگانيزمدە قۇبىلىستار بۇعان قاراعاندا ماڭىزدىراق. وسى ساتتە بۇيرەكتەگى قانت قيمىلدايدى، ونىمەن بىرگە تەرىنىڭ استىندا ساقتالعان مايلار دا قيمىلداپ ەريدى. ىشكى اعزالار مەن جۇرەك ءبىر قالىپتى جۇمىس ىستەۋى ءۇشىن بارلىق ورگانيزم وزىندەگى ساقتالعان قوردان قاجەتتى ەنەرگيا جۇمساي باستايدى. بۇل – بولاشاقتا ادام ورگانيزمىنىڭ جاقسى جۇمىس ىستەۋىمەن قامتاماسىز ەتەدى».

ارينە، ورازانىڭ العاشقى كۇندەرى اشتىق قاتتىراق سەزىلۋى مۇمكىن.  الايدا، ادامنىڭ ەستە ساقتاۋ قابىلەتى ارتاتىن بولادى. باستاپقى دا باس اينالۋ، اۋىزدان جاعىمسى ءيىستىڭ شىعۋى دا بولادى. بىراق، ۋاقىت وتە اعزاڭىزدىڭ ءوزى اشتىققا ۇيرەنە باستايدى.

ەستە ساقتايتىن نارسە، اۋىز اشقان سوڭ بىردەن مايلى، اسقازانعا اۋىر تاعامداردى جەۋدەن اۋلاق بولىڭىز. بۇل دەگەنىمىز ءسىز ءوز دەنساۋلىعىڭىزعا زيان كەلتىرەتىن بولاسىز. اللا ەلشىسى (س.ا.س) اۋىز اشار كەزدە تەك بىرنەشە قۇرمالاردان ءدام تارتىپ، از عانا سۋ ءىشىپ اقشام نامازىنا تۇراتىن. بىزدە وسى ادەتتى ۇلگى ەتە وتىرىپ، اعزامىزدى از تاماقتانۋعا جانە بارىنشا قۇنارلى اس جەۋگە قاراي داعدىلاندىرۋ كەرەكپىز.

كوپتەگەن عالىمداردىڭ ايتۋىنشا، اۋىز بەكىتۋ ارقىلى دەنەدەگى ماي قۇرامى ازايۋمەن قاتار، حولەستەرين مولشەرى دە باسەڭدەي تۇسەدى ەكەن. بۇل دەگەنىمىز قاننىڭ قويۋلانۋىنىڭ الدىن الادى. سونىمەن قاتار، ءسىزدىڭ اعزاڭىز پايدالانىپ جۇرگەن ءتۇرلى حيميالىق قوسپالار بار تاعامداردىڭ باسىم كوپشىلىگى ۋلى زاتتارعا تولى. ال ورازا ۋاقىتىندا ءسىز وسى ۋلى زاتتاردان ارىلا وتىرىپ، جاسۋلار جاڭارىپ، جاڭا قۋات پەن كۇش الاتىن بولاسىز.

بارشا ادام مۇقتاج بولىپ جۇرگەن مەديتسينالىق ديەتا ارقىلى ءسىز ءومىر جاسىڭىزدى ۇزارتىپ، رۋحاني تۇرعىدان تازارىپ، مۇسىلماننىڭ بەس  پارىزىنىڭ ءبىرىن اتقاراتىن بولاسىز.

ازىرلەگەن كوگەرشىن تىلەگەن

Abai.kz