بەيسەنبى, 3 ءساۋىر 2025
4094 0 پىكىر 26 شىلدە, 2018 ساعات 09:38

اقش-تا "الاياقتىقپەن" ءۇش قازاقستاندىق ايىپتالعان

اقش-تا ءىرى الاياقتىق ءىس بويىنشا ايىپتالعاندار اراسىندا ءۇش قازاقستاندىق تا بار. سەيسەنبى كۇنى اقش-تىڭ ادىلەت دەپارتامەنتى جاريالاعان ءباسپاسوز بايانىندا ولاردىڭ 23, 27 جانە 47 جاستا ەكەنى، نيۋ-يوركتىڭ حالىق كوپ شوعىرلانعان برۋكلين اۋدانىندا تۇرعانى ايتىلادى.

جالپى ايىپتالۋشىلاردىڭ سانى - 25. ولار - ءازىربايجان، گرۋزيا، ۋكراينا، تۇركيا، اقش، لاتۆيا ازاماتتارى.

ايىپتاۋ قورىتىندىسىندا ايىپتالۋشىلاردىڭ "كولىك ساتامىز" دەپ ينتەرنەتكە جالعان جارناما ءىلىپ، ادامداردان الدىن-الا اقشا الىپ ءىزىن جاسىرىپ وتىرعانى باياندالادى. ولار وسى ماقساتتا ونداعان جالعان فيرما اشىپ، ازاماتتاردى الداعان. مۇنداي ارەكەتتەرىن 2016 جىلدىڭ قاراشا مەن 2018 جىلدىڭ شىلدە ايى ارالىقتارىندا جۇزەگە اسىرعان. بۇل جالعان فيرمالاردان ازاماتتارعا كەلگەن شىعىن كولەمى 4,5 ميلليون دوللارعا باعالانادى.

مۇنداي قىلمىس بويىنشا اقش-تا 20-30 جىل ارالىعىندا باس بوستاندىعىنان ايىرۋ جازالارى قاراستىرىلعان.

Abai.kz

0 پىكىر

ۇزدىك ماتەريالدار

46 - ءسوز

قايراۋلى قارا سەمسەر

ەسبولات ايدابوسىن 1039
انىق-قانىعى

ەۋروپاعا رەسەي اۋماعىنسىز شىعۋ جولى

اسحات قاسەنعالي 3470
46 - ءسوز

بىزگە بەيمالىم باراق حان

جامبىل ارتىقباەۆ 2472