ديوگەن اقساقال كوشەدە كەلە جاتسا، ءبىر ىزاقور سوتاناق وتكەن-كەتكەنگە تاس لاقتىرىپ، ەلدى ءابىرجىتىپ تۇر ەكەن. قاريا الگى بالاعا توقتاۋ ايتىپ، تىنىشتاندىرماق بولادى. سويتسە، جاڭاعى جۇعىمسىز ودان بەتەر قۇتىرىپ كەتكەن عوي...

- اپىراي، بۇل نەتكەن بالا؟ اتا-اناسى بار ما؟ كىمنىڭ ۇلى، بۇل ءوزى؟! - دەيدى، ديوگەن.

- ە، قاريا، بۇل ءوزى ءبىر جەزوكشەنىڭ نەكەسىز تاپقان بالاسى ەدى، - دەپتى، ماڭايداعى جۇرت.

سوندا ديوگەن قولىمەن باسىن قورعاشتاي تۇرىپ، كوپشىلىككە تاس اتۋىن توقتاتپاعان بالاعا:

- ءاي، بالاقاي، بايقا، لاقتىرعان تاسىڭ اكەڭە ءتيىپ كەتپەسىن! - دەگەن ەكەن.

قانات ەسكەندىردىڭ Facebook-تەگى پاراقشاسىنان

Abai.kz