جۋرناليستەرمەن كەزدەسۋدە پرەزيدەنت كوپتەن ۇمىت بولىپ كەتكەن ميتينگىلەر مەن شەرۋلەر وتكىزۋ زاڭدا كورسەتىلگەندەي كورىنىس تاپسىن دەپ ايتقان ەدى ءسوز اراسىندا. سودان الماتى قالالىق اكىمشىلىگى «حالىق بيلىگى» ساياسي بلوگىنا ميتينگ وتكىزۋگە اتىمتاي جومارتتىق جاساپ رۇقسات ەتىپتى. سول باياعى «سارىارقا» كينوتەاترىنىڭ تاساسىنداعى الاقانداي ساياباقتى بەرگەن ەكەن. ءسويتىپ، وتكەن جەكسەنبى كۇنى ۆلاديمير كوزلوۆ باستاپ، اينۇر قۇرمانوۆ قوستاپ ەكى جۇزدەي ادام جينالىپ ەكى ساعات بيلىكتى جەردەن الىپ، جەرگە سالىپ تارقاستى. سونداعى ۇراندارى - پارتيالار مەن ۇيىمداردى جاپپاي «سايلاۋعا بايكوت» جاريالاۋعا شاقىرۋ. ساياسي بلوكتىڭ جيىنىنا وڭشەڭ قولى بوس كارى-قۇرتاڭ قول ۇستاسىپ كەلىپتى.

بىردە تىركەلمەگەن «العا» پارتياسى، ەندى بىردە «حالىق بىرلىگى» ساياسي بلوگى بولىپ ەل امان جۇرت تىنىشتا مىڭ قۇبىلىپ جۇرەتىن بۇل ۇيىم سايلاۋ تۋرالى ءسوز ءوڭىمىز تۇگىل، تۇسىمىزگە كىرمەگەن كەزدە پرەزيدەنتتىككە وزدەرىن كەزەك-كەزەك ۇسىنىپ، اياعى «جۇمىرتقالار جارىلىسىمەن» تىنعان ەدى. سويتسەك، كوزلوۆ باستاعان توپتىڭ قۇلاعىنا باتىستاعى كىشكەنتاي «قۇدايلارى» سىبىرلاپ ۇلگەرگەن كورىنەدى عوي. سول سىبىردان جەلىككەن «حالىق بيلىگىنىڭ» «قاھارماندارى»   ەكى قولى الدىنا سىيماي كۇن ۇزاق ۇيدە وتىرۋدان شارشاعان شال-كەمپىردى جيناپ، سولاردى ساياسي كۇرەسكە شاقىرىپ ءجۇر.

جۋرناليستەرمەن كەزدەسۋدە پرەزيدەنت كوپتەن ۇمىت بولىپ كەتكەن ميتينگىلەر مەن شەرۋلەر وتكىزۋ زاڭدا كورسەتىلگەندەي كورىنىس تاپسىن دەپ ايتقان ەدى ءسوز اراسىندا. سودان الماتى قالالىق اكىمشىلىگى «حالىق بيلىگى» ساياسي بلوگىنا ميتينگ وتكىزۋگە اتىمتاي جومارتتىق جاساپ رۇقسات ەتىپتى. سول باياعى «سارىارقا» كينوتەاترىنىڭ تاساسىنداعى الاقانداي ساياباقتى بەرگەن ەكەن. ءسويتىپ، وتكەن جەكسەنبى كۇنى ۆلاديمير كوزلوۆ باستاپ، اينۇر قۇرمانوۆ قوستاپ ەكى جۇزدەي ادام جينالىپ ەكى ساعات بيلىكتى جەردەن الىپ، جەرگە سالىپ تارقاستى. سونداعى ۇراندارى - پارتيالار مەن ۇيىمداردى جاپپاي «سايلاۋعا بايكوت» جاريالاۋعا شاقىرۋ. ساياسي بلوكتىڭ جيىنىنا وڭشەڭ قولى بوس كارى-قۇرتاڭ قول ۇستاسىپ كەلىپتى.

بىردە تىركەلمەگەن «العا» پارتياسى، ەندى بىردە «حالىق بىرلىگى» ساياسي بلوگى بولىپ ەل امان جۇرت تىنىشتا مىڭ قۇبىلىپ جۇرەتىن بۇل ۇيىم سايلاۋ تۋرالى ءسوز ءوڭىمىز تۇگىل، تۇسىمىزگە كىرمەگەن كەزدە پرەزيدەنتتىككە وزدەرىن كەزەك-كەزەك ۇسىنىپ، اياعى «جۇمىرتقالار جارىلىسىمەن» تىنعان ەدى. سويتسەك، كوزلوۆ باستاعان توپتىڭ قۇلاعىنا باتىستاعى كىشكەنتاي «قۇدايلارى» سىبىرلاپ ۇلگەرگەن كورىنەدى عوي. سول سىبىردان جەلىككەن «حالىق بيلىگىنىڭ» «قاھارماندارى»   ەكى قولى الدىنا سىيماي كۇن ۇزاق ۇيدە وتىرۋدان شارشاعان شال-كەمپىردى جيناپ، سولاردى ساياسي كۇرەسكە شاقىرىپ ءجۇر.

ءسوز ەتىپ وتىرعان شالاجانسار ساياسي ۇيىم - مەملەكەت ماسەلەسىن ياعني ۇلتتىڭ ماسەلەسىن رەسمي تىلدە كوتەرۋدىڭ جانە ونى تىم قۇرىسا ۇرلەنگەن شارداي سالماعى جوق ديوسپورا وكىلدەرىنىڭ العا تارتۋىنىڭ كۇنى باتقانىن كورسەتىپ بەردى. جانە بۇلاردىڭ ۇشار باسىنا ەۋروپا كەزىپ جۇرگەن م.ءابىليازوۆ پەن ر.اليۆەتىڭ توبى تۇرعانىن ءبىلۋ ءۇشىن كورىپكەل بولۋدىڭ كەرەگى جوق.

اليەۆ پەن ءابىليازوۆتىڭ ەلدە جۇرگەندە ەلشىلدىگىن كورگەن پەندە جوق. ەسەسىنە، ەكەۋىنىڭ دە ەلدىڭ ەسىن العان ۇرەيلى بەينەلەرىن ەشكىم ۇمىتقان جوق. سوندا «ءوزى ديۋانا، كىمگە ءپىر بولماق». دەمەك، ەۋروپانى پانالاپ جۇرگەن «حالىقشىلار» قاراقشىلاردىڭ تۇيمەدەيدى تۇيەدەي ەتىپ، ۇپاي جيناماق ارەكەتىن ءتۇبى كورىنىپ تۇر. ەندەشە، ولاردىڭ ەلىم دەگەنىنە قازىق ۇلت قازاقتى بىلاي قويعاندا وزدەرىنىڭ تىلدەستەرى دە ەكى دۇنيەدە ەلجىرەمەسى انىق.

باسى ەلگە اياعى جەرگە سىيماي جۇرگەن ۇرى-قارىنىڭ ايتاعىنا اقشاسىن بەرگەن سوڭ ەرىپ جۇرگەندەردەن ەلگە پايدا بولماس. بولسا، وسى ۋاقىتقا دەيىن كوزىمىزگە پەردە تۇتىپ جۇرمەدىك.

البەتتە، «ءبىر قىزىمنان ءبىر قىزىم سوراقى» دەگەندەي، بيلىكتىڭ دە جەتىستىرىپ وتىرعانى شامالى. دۇنيەنى ءوز ىڭعايى مەن ورعا جىقپاس جاعىنان عانا قاراستىرۋدان جالىقپايتىن ءبىر پارتيالى بيلىكتىڭ دە اتا زاڭنان اتتاپ باسپاي، دەموكراتيانىڭ جالاۋىن جەلبىرەتىپ وتىرماعانى بەس جاستاعى بالاعا دا بەلگىلى. ەندى نە ىستەمەك كەرەك؟

«اباي-اقپارات»