پرەزيدەنت ن.نازارباەۆتىڭ بەس الەۋمەتتىك باستاماسى اتتى حالىققا ۇندەۋى سالىقتى ازايتۋ، قولجەتىمدى يپوتەكا، ساپالى جوعارى ءبىلىم، شاعىن كاسىپكەرلىكتى دامىتۋ، ەلدى گازبەن قامتاماسىز ەتۋ سىندى قوعامنىڭ وزەكتى الەۋمەتتىك ماڭىزدى ماسەلەلەرىن كوتەرگەن كەمەرى كەڭ، مازمۇنى الەۋمەتتىك فيلوسوفيالىق باعدارلاما. ەلىمىزدىڭ كونستيتۋتسياسىنىڭ ءى-بابىندا قازاقستان رەسپۋبليكاسى ءوزىن الەۋمەتتىك مەملەكەت رەتىندە ورنىقتىرادى دەپ قوعامنىڭ ءار ءتۇرلى توپتارىنىڭ ۇيلەسىمدى ءارى باقۋاتتى تىرشىلىك ەتۋىن قولداۋ مەملەكەتىمىزدىڭ باستى ۇستانىمى رەتىندە ايقىندالعان.

قازىرگى الماعايىپ زاماندا ەل بىرلىگى مەن جۇرتتىڭ تىنىشتىعى ءتۇرلى ەتنو-مادەني جانە ءدىني بىرلەستىكتەر اراسىنداعى تۇسىنىستىك پەن كەلىسىمنىڭ ناقتى ىزگى نيەتىنەن باستاۋ الاتىنى بەلگىلى. قالىپتاسقان مەملەكەت بۇل الەۋمەتتىك مەملەكەت قاعيداسى حالىقتىڭ مۇڭ-مۇقتاجىن تەرەڭ ءتۇسىنۋ مەن ماڭىزدى قوعامدىق ماسەلەلەردى شەشۋدەگى جاۋاپكەرشىلىك جۇگىن ايقىندايدى.

الەۋمەت-جەكە باسقا ءتان دارالىق ۇعىم ەمەس، الەۋمەت بۇقارالىق – حالىقتىق سيپاتتاعى ۇعىم. قوعام كەدەي، ورتا جانە بايلاردان تۇرادى. مەملەكەتتىڭ ماقساتى - كەدەيلەردى ورتاعا، ورتانى بايعا جەتكىزۋ. قوعامدا ورتا تاپتىڭ ۇلەس سالماعىنىڭ ارتۋى مەملەكەتتىڭ وركەندەۋى مەن تۇراقتى دامۋىنىڭ كورسەتكىشى.

ادامزات تاريحىندا قوعامنىڭ الەۋمەتتىك ماسەلەلەرى ويشىلدار مەن فيلوسوفتار، مەملەكەت قايراتكەرلەرى ۋاقىت جانە كەڭىستىك اياسىنا ساي كوتەرگەن كوكەيكەستى الەۋمەتتىك-فيلوسوفيالىق تاقىرىپ. وتىرارلىق ويشىل ءال-فارابي بابامىزدىڭ «قايىرىمدى قالا تۇرعىندارىنىڭ كوزقاراستارى تۋرالى» تراكتاتىندا باقىتقا جەتۋ جولىندا قوعام مۇشەلەرى ءبىر-بىرىنە كومەكتەسەتىن بولسا، ول ىزگى جانە قايىرىمدى قوعام بولىپ سانالادى. الەۋمەتتىڭ باقىتقا جەتۋى جانە قايىرىمدى مامىراجاي مەملەكەت قۇرۋ قوعامدىق كەلىسىمنەن باستالادى. ورتا عاسىرلىق تۇركى ويشىلى ءجۇسىپ بالاساعۇن «قۇتتى بىلىگىندە»:
پاقىر ورتا بولسا-وڭعانى كەمىنىڭ،
بايىسا ورتا-بايىعانى ەلىنىڭ، –
دەپ الەۋمەتتىك توپتار ءۇشىن ىڭعايلى دا، قولايلى الەۋمەتتىك جاعداي جاساۋ ىزگى نيەتتى، بىلىكتى بەكتەردىڭ حالىق سۇيەر قۇتتى ءىسى.

ەلباسىمىزدىڭ سالىق جۇكتەمەسىن ازايتۋ جانە جالاقىنى كوبەيتۋ 2 ميلليوننان اسا وتانداستارىمىزدىڭ ، اسىرەسە بيۋدجەتتىك ۇيىمداردان جالاقى الاتىن جاس مامانداردىڭ ءال-اۋقاتىن جاقسارتۋىنا سەپتىگىن تيگىزەدى. سالىق كولەمىن ازايتۋ جۇمىسشىلار مەن قىزمەتكەرلەردىڭ ەڭبەككە ىنتاسىن ارتتىرۋعا تۇرتكى. “7-20-25” باعدارلاماسى باسپانا ماسەلەسىن وڭتايلى شەشۋگە جول اشىپ، جاستارىمىزدىڭ ءۇي بولىپ، تۇرمىس جاعدايىن جاقسارتۋىنا كومەكتەسەدى.

2018-2019 وقۋ جىلىنا قوسىمشا 20 مىڭ گرانت ءبولۋ جوعارى ءبىلىم الۋدىڭ قولجەتىمدىلىگىن مەن جاستاردىڭ بىلىمگە دەگەن تالپىنىسىن ارتتىرادى. ولاردىڭ مەملەكەتكە دەگەن سەنىمىن نىقتاپ، ومىرلىك قۇلشىنىسىن جىگەرلەندىرەدى.

ەلىمىزدىڭ رۋحاني جانە الەۋمەتتىك تۇرعىدا جاڭعىرۋى ءبىلىمدى قوعامنىڭ زياتكەرلىك الەۋەتىنىڭ جوعارى دەگەيىمەن ىسكە اسادى. ستۋدەنت جاستارعا ارنالعان جاتاقحانالار تۇرعىزۋ جانە ەلدى مەكەندەردى گازبەن قامتاماسىز ەتۋ قوعام مۇددەسىنە وراي جاسالعان ىزگى قادام. الەۋمەتتىك جوبالاردىڭ تابىستى ءارى جەمىستى بولۋى ەڭ الدىمەن ۇلتتىق بىرلىكتىڭ جانە الەۋمەتتىڭ بارلىق توپتارىنىڭ قولداۋىمەن جۇزەگە اسادى. قوعامنىڭ الەۋمەتتىك قاباتتارىنىڭ بىرلىگى مەن تاتۋ تىرشىلىگى مەملەكەتتىڭ وركەندەۋىنىڭ نەگىزى. الەۋمەتتىك جانە رۋحاني جاڭعىرۋ فيلوسوفياسىنىڭ تىرەگى – ۇلتتىق سانانىڭ بىرەگەيلىگى مەن قوعامدىق كەلىسىمدە.

باعدات بەيسەنوۆ، 

فيلوس.ع.د. قازۇۋ اعا وقىتۋشىسى