ورتالىق عىلىمي كىتاپحانا قولجازبا قورى.

№ 655 پاپكا، 4 داپتەر.

ەكسپەديتسيا كۇندەلىگى 20 / ءVىىى - 1945 جىل.

پاۆلودار وبلىسى، باياناۋىل اۋدانىندا

سۇلتانماحمۇت، ءماشھۇر ءجۇسىپتىڭ ەڭبەكتەرىن

جيناقتاۋ جۇمىسىنىڭ قورىتىندىسى.

ءتىل ادەبيەت ينستيتۋتىنىڭ قىزمەتكەرى

ارىنوۆا بانۋ

1945 جىلى 16 يۋلدەن 11-سەنتيابرگە دەيىنگى ىستەلگەن جۇمىستاردىڭ جىيناعى.

ءتىل ادەبيەت ينستيتۋتىنىڭ تاپسىرۋى بويىنشا، پاۆلودار وبلىسى، باياناۋىل اۋدانىنا بارىپ سۇلتانماحمۇت، ءماشھۇر ءجۇسىپتىڭ جۇرت اۋزىنداعى كەيبىر ەڭبەكتەرىن جىيناۋ بولاتىن. ونىمەن بىرگە سولاردىڭ بەيىتىن كورىپ، نە بار، نە جوعىن جازىپ الۋ بولاتىن.

بارعانداعى ءبىرىنشى جۇمىس ءماشھۇر ءجۇسىپتىڭ بالاسى پازىلعا جولىعىپ ونىڭ قولىنداعى شىعارمالارىمەن تانىسۋ بولدى. ءماشھۇر ءجۇسىپتىڭ بەيىتى اۋدان ورتالىعىنان 120 شاقىرىم جەردە تۇرادى ەكەن. پازىل سول ءوزىنىڭ قىزمەت ىستەيتىن جەرى «قىزىل قوعام» كولحوزىندا 25 شاقىرىم بەيىتتەن بەرى تۇرادى ەكەن. ءماشھۇر ءجۇسىپتىڭ  بالاسى پازىل وقىتۋشى بولىپ 25 جىل ىستەپ كەلگەن، الىدە سول قىزمەتتە. اكەسىنىڭ قولجازبالارى ءوز قولىندا كورىنەدى.

ورتالىق عىلىمي كىتاپحانا قولجازبا قورى.

№ 655 پاپكا، 4 داپتەر.

ەكسپەديتسيا كۇندەلىگى 20 / ءVىىى - 1945 جىل.

پاۆلودار وبلىسى، باياناۋىل اۋدانىندا

سۇلتانماحمۇت، ءماشھۇر ءجۇسىپتىڭ ەڭبەكتەرىن

جيناقتاۋ جۇمىسىنىڭ قورىتىندىسى.

ءتىل ادەبيەت ينستيتۋتىنىڭ قىزمەتكەرى

ارىنوۆا بانۋ

1945 جىلى 16 يۋلدەن 11-سەنتيابرگە دەيىنگى ىستەلگەن جۇمىستاردىڭ جىيناعى.

ءتىل ادەبيەت ينستيتۋتىنىڭ تاپسىرۋى بويىنشا، پاۆلودار وبلىسى، باياناۋىل اۋدانىنا بارىپ سۇلتانماحمۇت، ءماشھۇر ءجۇسىپتىڭ جۇرت اۋزىنداعى كەيبىر ەڭبەكتەرىن جىيناۋ بولاتىن. ونىمەن بىرگە سولاردىڭ بەيىتىن كورىپ، نە بار، نە جوعىن جازىپ الۋ بولاتىن.

بارعانداعى ءبىرىنشى جۇمىس ءماشھۇر ءجۇسىپتىڭ بالاسى پازىلعا جولىعىپ ونىڭ قولىنداعى شىعارمالارىمەن تانىسۋ بولدى. ءماشھۇر ءجۇسىپتىڭ بەيىتى اۋدان ورتالىعىنان 120 شاقىرىم جەردە تۇرادى ەكەن. پازىل سول ءوزىنىڭ قىزمەت ىستەيتىن جەرى «قىزىل قوعام» كولحوزىندا 25 شاقىرىم بەيىتتەن بەرى تۇرادى ەكەن. ءماشھۇر ءجۇسىپتىڭ  بالاسى پازىل وقىتۋشى بولىپ 25 جىل ىستەپ كەلگەن، الىدە سول قىزمەتتە. اكەسىنىڭ قولجازبالارى ءوز قولىندا كورىنەدى.

اۋداندىق گازەتتىڭ جاۋاپتى رەداكتورى وماربەكوۆ، پازىل ۇشەۋىمىز 20/ ءVىىى-45 جىلى ەسكەلدى كولىنىڭ جيەگىنىڭ وڭ جاعىنا الا «جامباس» ءدوڭىنىڭ باسىنا 2 بولمەلى ءۇي قىپ سالعان ءماشھۇ ءجۇسىپتىڭ زىيراتىن كورۋگە باردىق.

ءماشھۇر-ءجۇسىپ 1931 جىلى ءنويابردىڭ 27 كۇنى قايتىس بولعان. ءوزى ولەردەن ءبىر جىل بۇرىن سول جەرگە كوشىپ كەلىپ .... بارلىعىن ءوزى باسقارىپ بەيىت سالدىرعان ەكەن.

بەيىت 2 بولمەلى ءۇي رەتىندە سالىنعان. تورگى ۇيىندە شكاف تۇر، ىشىندەگى 2 قاتاردا اراپ، پارسى تىلىندە جازىلعان 60 دانا كىتاپ جيۋلى تۇر. شكافتىڭ ۇستىندە ءوزىنىڭ ءتىرى كۇنىندە ءمىنىپ جۇرگەن ەر-توقىم تۇر.

ءۇيدىڭ وڭتۇستىك قابىرعاسىندا قويدىڭ 40 كارى جىلىگى ءىلۋلى تۇر، ء(دىني جولمەن قاراعاندا 40 جىلىك كۇزەتشىسى بولۋى كەرەك). وسى تورگى ءۇيدىڭ استىنىڭ بيىكتىگى 2 مەتر، ۇزىندىعى، كولدەنەڭىن دە سونداي ەتىپ تەرەڭ قىپ قازدىراعان ەكەن. سول قازىلعان جەرگە ورتادان كىرە بەرىس ەسىكتەن تومەن قاراي تۇسەتىن جەردى ساتىلاي قازعان پولدىڭ «پودۆالدىڭ» قاقاپاعى سياقتى جەرى بار. كورەم دەۋشىلىەر سول قاقپاقتى اشىپ شام جاعىپ ءۇيدىڭ استىنا ءتۇسۋى كەرەك.

ءماشھۇر-ءجۇسىپتىڭ ءوز دەنەسى وسى ايتىلعان جەردە جاتىر. ساقال-شاشى سول قالپىندا دەنەسى سارى  بولىپ جاتىر. بۇرىن ءتىرى كۇنىندە تولىق بولعان ادام بولۋعا كەرەك

كەۋدە سۇيەگى وتە كوتەرىڭكى، ءىشى ازداپ قابىسىپتى. سول جاق اياعى كىشكەنە سەنىڭكىرەيىن دەپتى، ۇيتكەنى سول اياعىنىڭ وكشەسىنىڭ (ەتىن) بىردەمە جەگەن بولۋى كەرەك.....

اۋىز ۇيدە ءتۇرلى ىدىس اياقتارى تۇر: ساماۋىر، شىنى اياق، تارەلكە، اقشاينەك، قاسىق، سۋقۇيعىش، ەت سالاتىن اعاش تاباق، اسۋلى تاي قازان، وقتاۋ، ورامال، تۇز، ۇگۋلى ناسىباي، بالتا، كۇرەك، شىمشۋىر، شەلەك، سىپىرعىش، پىشاق، قايراق، ءبىز، دويبى، ارا تەمىر، كەپكىر. وسى زاتتاردىڭ بارلىعى بيىك ۇستەلدىڭ ۇستىندە جيۋلى تۇر. كەلگەن، كەتكەن جولاۋشىلار تاماعىن ىستەپ ءىشىپ، الگى سايمانداردى پايدالانىپ، قايتا ورنىنا جۋىپ تازالاپ قويادى ەكەن.

اۋىز ءۇيدىڭ ءتور جاق قابىرعاسىنا ۇزىنى مەن كولدەنەڭى جارتى مەتردەي جۇقا تاس ءىلۋلى تۇر، بۇل تاس بەيىتتى سالدىرۋعا قازدىرىپ جاتقانداعى جەر استىنان تابىلىپتى.

سول تاسقا ءماشھۇر ءجۇسىپتىڭ ءوزى مىنا ءبىر ءسوزدى جازىپ مەن ولگەننەن كەيىن ءىلىپ قويىڭدار دەپ تاپسىرعان ەكەن. (جەتپىس ۇشكە جەتكەنشە بالتالاسا دا ولمەيمىن، جەتپىس ۇشتەن ءارى سۇيرەسەڭ دە بارمايمىن) دەپ.

ازىرلەگەن- اسەت پازىلوۆ، «ءماشھۇر-ءجۇسىپ» مۇراجايىنىڭ عىلىمي قىزمەتكەرى